მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ ეხმაურებიან "ნაციონალები" თანაპარტიელის სკანდალს
07:44 / 10-08-2015
საქართველოს პარლამენტის დეპუტატი გიორგი კარბელაშვილი პოლიციის განყოფილებაში რამდენიმე საათი დაკავებული ჰყავდათ. ცნობილია, რომ ინციდენტი ღამის პირველ საათზე სოფელ ქვიშხეთში მოხდა. მანქანით მყოფი დეპუტატი საპატრულო პოლიციის ეკიპაჟმა გააჩერა, რის შემდეგაც ის დააკავეს. ამ თემაზე შეფასებებს AMBEBI.GE-სთან "ნაციონალური მოძრაობის" წევრები აკეთებენ.
სერგო რატიანი:
- ცალსახაა, რომ ეს იყო დაგეგმილი პროვოკაცია, რადგან როგორც კი ქვიშხეთიდან გამოვიდა კარბელაშვილი, ძალიან მალე იქ გაჩნდა საპატრულო პოლიცია. მას მიაყენეს ფიზიკური შეურაცხყოფა, დიდი ხნის განმავლობაში ის არც მიყვადათ განყოფილებაში და მანქანაში ჰყავდათ გაჩერებული. მნიშვნელოვანია ის გარემოებაც, რომ კარბელაშვილი იმყოფებოდა გმირულად დაღუპული ქართველი მებრძოლის სულის მოსახსენიებელ სუფრაზე, მასთან ერთად იყვნენ გიორგის მეგობრებიც და ბიძაშვილი, რომელიც ასევე დაკავებულია. სამწუხაროდ, ადამიანები ისჯებიან იმის გამო, რომ არიან "ნაციონალური მოძრაობის" წევრები.
- ის გარემოება, რომ გმირის სულის მოსახსენიებელ სუფრაზე დალია სასმელი და შემდეგ დაჯდა საჭესთან, ამართლებს მის მიერ ნასვამ მდგომარეობაში მანქანის მართვას?
- ის გარემოება, რომ ვიღაც აჩერებს და ადამიანის ნასვამობას ამოწმებს, არაა იმის საფუძველი, რომ ფიზიკური შეურაცხყოფა იყოს საჭირო. რეალურად, იყო თუ არა გიორგი ნასვამ მდგომარეობაში, ეს მე არ ვიცი, რადგან ექსპერტიზა ჯერ არ ჩატარებულა. ნასვამობაც არაა იმის საფუძველი, რომ ადამიანს მიაყენო ფიზიკური შეუარცხყოფა. მე არ გამოვრიცხავ, რომ პროვოკაციისთვისაც კი გამოიყენეს ეს ფაქტი.
- ბატონო სერგო, რამდენად სწორია ის, რომ დეპუტატი ბარამიძე პოლიცილებს "ძაღლებს" უწოდებს...
- მე ბარამიძის ეს კადრები არ მინახავს, მაგრამ ფაქტია, რომ მოწყობილია ძალიან გამიზნული პროვოკაცია. სამწუხაროდ, ხელისუფლება ყველაფერს აკეთებს, რომ პოლიციის რეპუტაცია დაეცეს. თქვენ გახსოვთ, როდესაც პოლიტპატიმრები თავში ურტყამდნენ პოლიციელებს. დღეს პოლიცია გამოყენებულია რეპრესიის მანქანად და პოლიტიკური დევნისთვის, ასეთი პოლიცია ნელ-ნელა კარგავს რეპუტაციას საზოგადოებაში.
აკაკი ბობოხიძე:
- როგორც ჩანს, ხელისფლება ხვდება რამდენად მძიმე დღეშია და შეცდომას შეცდომაზე უშვებს. უკანასკნელ ხანებში მიმდინარე პროცესები მაფიქრებინებს, რომ ხელისუფლება აგონიაშია. მე არ ვიცი, იყო თუ არა გიორგი კარბელაშვილი ნასვამი, მაგრამ პოლიციას აქვს მოქმედების კანონიერი ჩარჩოები და სწორედ ამ ჩარჩოებში უნდა მოქმედებდეს. სამწუხაროდ, გუშინდელი ფაქტი ეს არაა ცალკე აღებული და გამონაკლისი შემთხვევა. ხელისუფლების ტრაბახი, რომ ნახეთ, რა ცივილიზებულად ვიქცევით, მხოლოდ ერთ წელს გაგრძელდა, რადგან მიიჩნიეს, რომ ამ პერიოდში მათ არ სჭირდებოდათ ძალისმიერი მეთოდების გამოყენება. ახლა კი ხელისუფლება ხვდება, რომ მათი ერთადერთი შანსი, შეინარჩუნოს ხელისუფლება, არის ძალადობა საკუთარ ხალხზე.
- კარბელაშვილმა განაცხადა, რომ სვამდა ქართველი გმირის მოსახსენიებელ სუფრაზე...
- რა თქმა უნდა, ეს არაა გასამართლებელი, რადაგან შეიძლება დალიო გმირის საფლავზე, თუმცა საჭესთან ჯდომა სხვაა. ყველა პოლიციელს აქვს დამაგრებული ვიდეო კამერა, იქნება ჩანაწერები და ამის მიხედვით გაირკვევა ყველაფერი. მე არც დაპატიმრების ვიდეო-კადრები მინახავს და არც კარბელაშვილის განცხადება მომისმენია. ზოგადად, დარღვევაზე პოლიცია აუცილებლად შესაბამის პასუხს უნდა იძლეოდეს, მთავარია მათ იმოქმედონ კანონის ფარგლებში.
- გავრცელებული ვიდეოში, დეპუტატი ბარამიძე პოლიციელებს მიმართავდა სიტყვებით "ძაღლი"...
- როგორც გითხარით, მე ვიდეო-კადრები არ მინახავს, თუმცა გამორიცხული მგონია, რომ გიორგი ბარამიძეს ეგ ეთქვა. მე მგონია, რომ ის იტყოდა, ისე იქცევით, როგორც შევარდნაძის დროინდელი პოლიცია, როდესაც მათ ხალხი "ძაღლებს" უწოდებდაო, თორემ გიორგი უდიდეს პატივს სცემს პოლიციას და მაგას არ იტყოდა. სამწუხაროა, რომ პატრული ხშირად იქცევა ცუდად და ის კეთილგანწყობა, რაც მის მიმართ იყო საზოგადოებაში, ნელ-ნელა იცვლება ცუდისკენ.
გიორგი ვაშაძე დეპუტატ კარბელაშვილის დაკავებას უკანონოდ მიიჩნევს და მომხდარს პროვოკაციად აფასებს.
- ეს ცალსახა პროვოკაციაა. სამწუხაროა, რომ ასე იქცევა სამართალდაცავი ორგანოები და პარლამენტის წევრს ფაქტობრივად, ფიზიკურად გაუსწორდნენ. კარგად იცოდნენ, რა მიზნითაც იყო ჩასული გიორგი კარბელაშვილი ქვიშხეთში. ყოველ წელიწადს სტუმრობს გიორგი კარბელაშვილი იმ ოჯახს, მათი ოჯახის წევრი საქართველოს ტერიტორიული მთლიანობისთვის ბრძოლას შეეწირა და ოჯახს აქვს პატივი, თავად გიორგი კარბელაშვილი ჩავიდეს მათთან სტუმრად. შუა სოფელში ბევრი პოლიციელი იყო მობილიზებული, ეს არის დაგეგმილი პროვოკაცია. ვწუხვარ, რომ ამ მეთოდებით მუშაობს პოლიცია.
- გიორგი ბარამიძეც მასთან ერთად იმყოფებოდა სტუმრად?
- გია ბარამიძე შემდეგ ჩავიდა. მაისური შემოახიეს. პარლამენტის წევრის დაკავება არ შეიძლება.
- დანაშაულის ჩადენის დროს, პოლიციას უფლება აქვს დააკავოს დეპუტატი, გიორგი კარბელაშვილი საჭეს ნასვამი მართავდა და როგორც შსს-ს მიერ გავრცელებულ განცხადებაშია ნათქვამი, მან პოლიციას წინააღმდეგობა გაუწია...
- რომც ყოფილიყო ნასვამი, ამის გამო არ აკავებენ ადამიანს. გიორგი კარბელაშვილს პოლიციისთვის წინააღმდეგობა არ გაუწევია. პოლიცია იყო აგრესიული და გადავიდა თავდასხმაზე. სადღაც სოფელში პატრულის რამდენიმე ეკიპაჟი და კრიმინალური პოლიციის წარმომადგენლები ასე უცებ როგორ აღმოჩდნენ?! ეს არის ზღაპარი. ეს პროვოკაციაა. ხელისუფლება გადასულია თავდასხმაზე, სურთ ჩვენი მხარდაჭერები დააშინონ. ეს არის მათი პოლიტიკის ნაწილი, ბიძინა ივანიშვილს უნდა დააშინოს ქვეყანა, დამოუკიდებელ მედიას პრობლემები შეუქმნას. ქვეყანა არაფორმალური ავტორიტარიზმისკენ მიდის, ერთი პირი მართავს ყველაფერს.
თამარ ბოჭორიშვილი, ლადო გოგოლაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
