საფერავი სტალინის ფორმის ბოთლში

ღვინის მაღაზიებსა და სუპერმარკეტებში სტალინის ფორმის ბოთლში ჩამოსხმული საფერავი იყიდება. 1 ლიტრიანი ბოთლი ღვინო 12 ლარი ღირს, 4 ლიტრიანი - 50 ლარი. სტალინის ფორმის ბოთლში ღვინოს შპს "ორბი ალკო" ასხამს.

"საბჭოთა პროპაგანდაა "ჯარისკაცის მამაც", ავკრძალოთ? სტალინი ჩვენი ისტორიაა. ეს არაა ჩვენი კომპანიის გერბი ან სიმბოლიკა, ეს სუვენირია", - განუცხადა კახეთის საინფორმაციო ცენტრს „ორბი ალკოს" გაყიდვების მენეჯერმა გიორგი ჯავახმა.

შპს "ორბი ალკო" 2001 წლის 16 იანვარს მცხეთის რაიონულმა სასამართლომ დაარეგისტრირა. სამეწარმეო რეესტრის მონაცემებით, ამ დროისთვის, კომპანიის 50-50% გიორგი ჯავახს და იური გორდულაძეს ეკუთვნით. 2011 წლის 13 დეკემბერს კომპანია ალკოჰოლური სასმელების მწარმოებლად არის რეგისტრირებული.

საქართველოს კანონი - თავისუფლების ქარტია პარლამენტმა 2011 წლის 31 მაისს მიიღო. ამ კანონის მიზანია, საბჭოთა და ფაშისტური იდეოლოგიური საფუძვლების გაღვივების წინააღმდეგ პრევენციული ღონისძიებების განხორციელება.

იხილეთ ვრცლად

კახეთის საინფორმაციო ცენტრი