მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ტურისტებისთვის მიმზიდველი 5 ადგილი ბათუმში
06:37 / 21-05-2015
ძველი ბათუმის უბნები, ბოტანიკური ბაღი, საბაგირო გზა, ბულვარი და ევროპის მოედანი ბათუმში მყოფი ტურისტებისთვის ყველაზე მიმზიდველი ადგილებია. ბათუმში ტემპერატურის მატებასთან ერთად ვიზიტორების ნაკადმაც იმატა. შავიზღვისპირა კურორტს ტურისტები ბელორუსიდან, ფინეთიდან, ლიტვიდან, უკრაინიდან, თურქეთიდან, რუსეთიდან და სხვა ქვეყნებიდან სტუმრობენ. საზღვაო სეზონი ბათუმში ჯერ არ გახსნილა, თუმცა ბათუმის ცენტრალურ უბნებში ტურისტების სიმრავლე უკვე შეინიშნება. "ამბები.გე" ქალაქის ღირსშესანიშნავ ადგილებში მყოფ ტურისტებს გაესაუბრა. ისინი აცხადებენ, რომ მოხიბლული არიან ბათუმის არქიტექტურით, ადგილობრივების სტუმართმოყვარეობითა და ქართული კერძებით:
იანა კამპარი და ესა კამპარი ფინეთიდან:
ყველაფერი არის შესანიშნავი. ჩვენთვის სიურპრიზი იყო ასეთი სიმწვანე ქალაქში. მე მომწონს არქიტექტურა, ძალიან ლამაზი ქალაქია, ზღვისპირა ზოლი მომწონს განსაკუთრებით.
რეალობამ მოლოდინს გადააჭარბა. ბევრი რამ არ ვიცოდით ბათუმის შესახებ და გაოცებული ვართ, იმდენად მოგვეწონა აქაურობა. ხალხი არის განსაკუთრებით კეთილი და ჩვენ ვფიქრობთ, სამომავლოდ საქართველოში მოგზაურობის დაგეგმვას.
რედვილა საკალავსკაია ლიტვიდან (ვილნიუსიდან):
ბათუმი ძალიან მომეწონა. ნამდვილად, ზაფხულის არდადეგების ქალაქია. ძალიან კარგი ხალხია, არა მხოლოდ ბათუმში არამედ საქართველოს სხვა რეგიონებში. საქართველოში მიმოგზაურია და ძალიან მომწონს ქართული სტუმართმოყვარეობა.
ელენა და სვეტლანა უკრაინიდან:
აქ პირველად ვართ. იმდენი სტუმართმოყვარე ადამიანია, ყველაფერი ისეთი კომფორტული და ლამაზია, სურვილი გიჩნდება კიდევ მრავალჯერ ჩამოხვიდე. კარგი სამზარეულო გაქვთ, გემრიელი ქართული კერძებით. ვიყავით ბოტანიკურში, საბაგიროზე, სანაპიროზე, ყველაფერი ვნახეთ და მოგვწონს.
ანასტაცია სავჩენკო უკრაინიდან:
მიხარია, რომ მზიანი დღეა, გასულ კვირას წვიმები იყო. ვტკბები გარემოთი, კარგი რესტორნები და გემრიელი სამზარეულო გაქვთ. სანაპიროზე სამუშაოები დასასრულებელია, საბავშვო ეტლით გადაადგილების დროს პრობლემები გვექმნება, თუმცა ყველაფერი ლამაზია და ზოგადად კარგი ქალაქია ბათუმი.
მუსტაფა ბერქი თურქეთიდან:
ძალიან მომწონს ბოტანიკური ბაღი, ძალიან მწვანე, ლამაზი და საინტერესო გარემოა, აღფრთოვანებული ვართ ამ ტურში მყოფი ტურისტები. ჩვენ ბათუმის დათვალიერება ბოტანიკური ბაღიდან დავიწყეთ და იმედი გვაქვს, კარგი განწყობა დღის ბოლომდე გაგვყვება.
სეზონის დაწყებამდე ჩატარებული სამზადისის შესახებ აჭარის ტურიზმისა და კურორტების დეპარტამენტში საუბრობენ. სოფო გუჯაბიძის განმარტებით, ტურიზმის დეპარტამენტმა ცხრა ქვეყანაში ჩაატარა მარკეტინგული ღონისძიებები, რომელთა ფარგლებშიც ხალხმრავალ ადგილებში ბილბორდები დაიდგა და აჭარის ტურისტული პოტენციალის შესახებ ვიდეორგოლების ჩვენება განხორციელდა:
სოფო გუჯაბიძე - აჭარის ტურიზმისა და კურორტების დეპარტამენტის წარმომადგენელი
"ჩვენს ქალაქში მაისიდანვე შეინიშნება ტურისტების სიმრავლე, რაც ნიშნავს, რომ ტურისტული სეზონი რეგიონში გახანგრძლივდა. ტურიზმის დეპარტამენტი ამ მიმართულებით აქტიურად მუშაობდა და გაზაფხულიდან ჩვენს სამიზნე 9 ქვეყანაში ინტენსიური მარკეტინგული ღონისძიებები ჩავატარეთ. ხალხმრავალ ადგილებში დაიდგა ბილბორდები და ეკრანებზე აჭარისა და ბათუმის შესახებ ვიდეორგოლები გაეშვა. ჩვენ ასევე, ვუმასპინძლეთ საინფორმაციო ტურებს - 170-მდე ჟურნალისტს და ტუროპერატორს. იმედი გვაქვს, რომ წელს წარმატებული სეზონი გვექნება", - აღნიშნა სოფო გუჟაბიძემ.
ტურისტული სეზონის მოახლოებასთან ერთად ფრენების რაოდენობაც იზრდება. ზაფხულის სეზონზე კვირის განმავლობაში უკრაინიდან 10 ფრენა შესრულდება. წელს აჭარაში ტურისტებს პოლონეთიდან, ლიტვიდან, ბელორუსიდან და მეზობელი ქვეყნებიდან ელოდებიან.
ნინო ხოზრევანიძე, ბათუმი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
