31
მარტიდღის ზოგადი ასტროლოგიური პროგნოზი
"თუკი მსოფლიოში სადმე ვიწანწალე ან სადმე ცხოვრების მძიმე თავგადასავალში გავეხვიე, ყოველთვის მისი ბრალი იყო და მშვიდი ვინ გამოდის ვერ გავიგე", - ასე ახასიათებს პოლიტიკოს მეუღლეს, ირაკლი ალასანიას ნათია ფანჯიკიძე. "ნანუკას შოუში" წამყვანმა ყოფილი მინისტრის ფსიქოლოგ მეუღლეს ქმრის ინტერვიუ მოასმენინა და პროფესიონალური შეფასებების გაკეთება სთხოვა.
"ეკლექტურია, არეულია, თავისი წესრიგი აქვს უფრო სწორად, თავისი საათი აქვს ბიოლოგიური, რომელიც არ ემთხვევა ჩემსას", - ამბობს ირაკლი ალასანია მეუღლეზე.
ნანუკა ჟორჟოლიანმა ექს-მინისტრს მეუღლისთვის მოწყობილი "გიჟური" სურპრიზების გახსენება სთხოვა.
"ასეთი სურპრიზები თავიდან უფრო მეტი გვქონდა, მაგრამ ახლაც ყოვეთვის რაღაც ახალს ვთავაზობ. რაზეც ან მომყვება, ან არ მომყვება. მაგალითად, სადმე წასვლას უეცრად, გარიდება რეალობიდან რამდენიმე დღით და ჩვენთვის საინტერესო საქმის კეთება. თვითონ ძაან უყვარს კახეთში, ლოპოტაზე სიარული და სიახლეები, რომლებსაც არ ელის, დღის წესრიგს რომ აგირევს ისეთები. ხან დავყვები, ხან ვერა", - ამბობს ირაკლი ალასანია.
ნათიას თქმით, ის და მისი მეუღლე კონტრასტული ადამიანები არიან, რომელთა ურთიერთობაც ძალიან საინტერესოა, ვინაიდან ორი განსხვავებული ცხოვრების გატარების საშუალებას იძლევა.
"ზოგადად, მე მგონია, რომ ის აფრენს და მას ჰგონია, რომ მე ვაფრენ. ამაშიც მეგობრულად ვთანხმდებით და არცერთი არ არის პრობლემა", - ხუმრობს ნათია ფანჯიკიძე.
როგორც ირაკლი ალასანია ამბობს ადრეულ ასაკში (18 ) დაოჯახება ცხოვრების რთული პერიოდების სწორად გატარებაში დაეხმარა.
"ძალაუნებურად ოჯახის წინაშე ისეთი პასუხისმგებლობა ავიღე, რომ ნაკლები დრო მრჩებოდა ისეთი რამეებისთვის, რითიც იმ დროს ჩემი თაობის ბიჭები იყვნენ დაკავებული. ნელ-ნელა მეტი პასუხისმგებლობის აღება მოხდა. ნიკუშა შეგვეძინა, როდესაც 19 წლის ვიყავი, ნათია 21 წლის. ჩემზე ჭკუამხიარული იყო ყოველთვის და არის ახლაც. ერთმანეთის მენტორები ვართ, როგორიც ვარ დღეს დიდწილად არის ნათიას დამსახურება და, ბუნებრივია, მეც მასში წვლილი შევიტანე. ეს დღემდე გრძელდება. მეგობრობა, მეტი ტვირთის აღებასთან ერთად, უფრო მრავალფეროვანი ხდება და მე ძაან ვამაყობ, რომ ეს ურთიერთობა შევინარჩუნეთ. უკვე 24 წელია ერთად ვართ...
ნათია იმიტომ მომეწონა თავის დროზე, რომ იყო თამამი და გამორჩეული. თავისი ღიმილით, სიცილით, იმ დროს თამამი ჩაცმულობითაც და ღიად აზრების გამოთქმით. მაშინ თითქოს არ ვიყავით მიჩვეული ასეთ სითამამეს გოგონებისგან. მომხიბლა იმან, რომ მივიღე ისეთი როგორიც იყო, მეც მიმიღო ისეთი, როგორიც ვიყავი. ბუნებრივია, იყო წვრილმანებიც ცოვრებაში, რომლებიც ახლა უკვე არც გახსენდება. მთლიანობაში, ძალიან ჰარმონიულად ვიყავით ერთმანეთთან", - აცხადებს ირაკლი ალასანია.
ნათია ფანჯიკიძე არ უარყოფს, რომ მეუღლისგან კომპლიმენტები დამსახურებულია.
"რომ იძახის, ბევრი რამ ჩემი დამსახურებაა, ბოდიშით ამ სიტყვაზე, და მემგონი მეტენება და სწორადაც იქცევა იმიტომ, რომ რაც კი სტრესი მოუყენებია ამ თავისი გაუთავებული ბრძოლებით, დიახაც მეკუთვნის კომპლიმენტები", - ამბობს ნათია.
ნანუკა ჟორჟოლიანი წყვილის ურთიერთობაში შეცდომებით დაინტერესდა.
"ურთიერთობა შეცდომებისგანაც შედგება და შეცდეომების გამოსწორებისგან. თავიდანვე იმდენად დინამიური იყო ჩვენი ცხოვრება, ადრეული ასაკიდანვე იმდენი რამის გავლამ მოგვიწია (აფხაზეთის ომი, ორივემ მამა დავკარგეთ) ერთად იმდენი რამ შევქმენით, რომ, რა თქმა უნდა, ეს არის ძალიან ძვირფასი. ამის ხელის ხლება ან დარღვევა ამ ურთიერთობის პერიოდში არც კი გაგვივლია თავში. ვუვლიდით ამ ურთიერთობას. ყოფილა რაღაც, რაც ჩემგან წყენია, მე ნაკლებად, მაგრამ ეს არის ამ ურთიერთობის ნაწილი. ეს გადაიზარდა არამარტო თანაცხოვრებაში, ჩვენ თანამებრძოლები ვართ იმ საქმეში, რასაც ვაკეთებთ, ის თავის პროფესიაში, მე ჩემს საქმეში. ვაკეთებთ იმას, რაც ამ მომენტში ჩვენს ქვეყანას სჭირდება", - განაცხადა ირაკლი ალასანიამ.
მეუღლეს ეთანხმება ნათია ფანჯიკიძეც და ამბობს, რომ ხანგრძლივი ურთიერთობის დროს უარყოფითი მომენტები უნდა გადაწონოს იმ ძვირფასმა რაღცებმა, რასაც ადამიანბი ერთად ქმნიან.
ტელეწამყვანმა ირაკლი ალასანიას მომავალი მეუღლის გაცნობის გახსენება სთხოვა.
"თავიდან დავინახე მეგობართან ერთად და მოვიხიბლე, მისი ვინაობა არ ვიცოდი. მეგობრებსაც ველაპარაკებოდი, რომ ვიღაცა ტიპი გაიჩითა. მერე გავიდა 3-4 თვე და ვნახე უნივერსიტეტის ბაღში. საბედნიეროდ, იმ დროს ჩემს გვერდით იყო ჩვენი უბნელი ბიჭი, რომელმაც მითხრა, რომ ვიცნობო და ასე დაიწყო ეს ისტორია. ცოტა შემრცხვა ეგრევე მისვლა, მაგრამ მაინც გავრისკე. მიხვდა, რომ მორცხვი ვიყავი და ინიციატივა ერთი პერიოდი მაგან აიღო ხელში. აშკარად იყო ბედისწერა", - ყვება ალასანია.
თუმცა, როგორც ნათია ამბობს, ირაკლი მორცხვი არ ყოფილა და პირიქით ძალიან აქტიური იყო.
