მნიშვნელოვანი ინფორმაცია
11
აპრილიდღის ზოგადი ასტროლოგიური პროგნოზი
პარასკევი, მთვარის მეთოთხმეტე დღე დაიწყება 18:54-ზე, მთვარე სასწორს ესტუმრება 05:12-ზე
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ჯდება საქართველოში "ქილერების" დაქირავება, რომლებმაც გახმაურებული მკვლელობები ჩაიდინეს
05:53 / 31-03-2015
პიარ-ტექნოლოგი და ბესო ხარძიანის მეგობარი ლალი მოროშკინა აცხადებს, რომ ე.წ. "ქილერები", საქართველოში ოკუპირებული ტერიტორებიდან გადმოჰყავთ და დავალების შესრულების სანაცვლოდ სულ რაღაც 20 000 დოლარს უხდიან, - ამის შესახებ მოროშკინამ მერაბ მეტრეველის "რეზიუმეში" ისაუბრა.
სატელევიზიო ინტერვიუს შემდეგ Ambebi.ge დაინტერესდა, თუ რა ინფორმაციას ფლობს ლალი მოროშკინა და მისი ინფორმაციით, რა სქემით და როგორ ხდება "ქილერებთან" დაკავშირება.
- საიდან გაქვთ ინფორმაცია "ქილერების" დაქირავების შესახებ, რა სქემით ხდება მათთან დაკავშირება?
- თემა მარტივია, ყოველთვის არსებობს ადამიანი, ვინც მოცემულ სიტუაციაში გარკვეული თანხის სანაცვლოდ, კონკრეტულ დავალებას შეასრულებს. მარტივია, უკონტროლო ტერიტორიიდან, სადაც გადაადგილებაც უკონტროლოა, დაიქირავო ადამიანი და შეასრულებინო ნებისმიერი დავალება. მით უმეტეს, საქართველო მთიანი რეგიონია, ბევრი უკონტროლო, შემოვლითი ბილიკები გვაქვს და "ქილერის" მოძებნა ასე უფრო ადვილია. დავალების შესრულების შემდეგ ზუსტად 20 წუთში შეუძლია მკვლელს საზღვრის დატოვება. ჩემი ინფორმაციით, ხარძიანის მკვლელმაც დატოვა საზღვარი.
- ვინ უკავშირდება ამ ე.წ. "ქილერებს"?
- ამაზე ლაპარაკი აღარ მინდა. 17 თებერვალს, როცა გიორგი გუდაძე დაჭრეს, მე ვილაპარაკე დამკვეთზეც, სავარაუდო მკვლელზეც, მაგრამ არ ყოფილა არანაირი რეაგირება. ღმერთმა გადაარჩინა გიორგი, მას შემთხვევით ასცდა საკონტროლო გასროლა. ის თანამშრომლობდა პოლიციასთან, მას შემდეგ პოლიციას არაფერი არ გაუკეთებია. სწორედ იმ პერიოდში ქალაქიდან გაუშვეს რამდენიმე კრიმინალური დაჯგუფება, ვისაც უთხრეს, თითქოს ჩემს გამო ატოვებინებდნენ ქალაქს. მე საერთოდ არ ვიცოდი მანამდე ამ ადამიანების სახელები, ისინი არ არიან ის პირები, ვის შესახებაც ინფორმაცია მივაწოდე გამოძიებას. ეს ხომ ნიშნავს იმას, რომ შსს-ს გარკვეული ნაწილი მიზანმიმართულად მხდის გარკვეული ჯგუფების სამიზნედ? ვიცი, არსებობს გარკვეული ადამიანების სია, რომელიც ძალიან ნერვებს უშლით და მეც ვარ ამ სიაში.
- საიდან გაქვთ ეს ინფორმაცია?
- მე მაქვს ზღვა ინფორმაცია, მაგრამ წყაროებს ვერ გავთქვამ. ყველამ კარგად იცის, რომ არცერთი ინფორმაცია არ ყოფილა სიმართლეს აცდენილი. რადგან ვამბობ, ე.ი. უტყუარი ინფორმაცია მაქვს. საინტერესოა, ვის დასჭირდა კრიმინალებისთვის იმის თქმა, რომ ლალი მოროშკინას დავალებით ატოვებინებენ ქვეყანას. კონკრეტული პოლიციელები ვიცი, ვინც ეს თქვა, ვის სჭირდება ეს - ამაზე დიდი კითხვის ნიშანი მაქვს. პოლიციას კონკრეტული გვარები, სახელები და თანამდებობები მივაწოდე. ყველაფერი გავაკეთე, რაც უნდა გააკეთოს პასუხისმგებლობის მქონე მოქალაქემ, მაგრამ რა? არანაირი რეაგირება არ მომხდარა. ამიტომ, რადგან მე ვერ მიცავს პოლიცია, მე და ჩემმა მეუღლემ გადავწყვიტეთ, სვანური წესით ავიღოთ სისხლი, რამე თუ მოგვივა. იმაზე აღარ ვფიქრობთ, ციხით დავამთავრებთ თუ როგორ? სხვა ბერკეტი აღარ არსებობს, სახელმწიფო არ გვიცავს, მე მუქარის წერილები მომივიდა იმ ბიჭების ოჯახებიდან, ვინც გაუშვეს ქალაქიდან, გადამკიდეს ადამიანები, ვისი გვარ-სახელიც პირველად გავიგე. სპეციალურად გამხადეს სამიზნე. მე და ჩემი მეუღლე ინდივიდუალურ დაცვაზე გადავედით. ყველგან კამერები დავაყენეთ, მართალია კამერა ვერ დაგვიცავს, მაგრამ ოჯახის წევრებს მაინც ექნებათ საშუალება ამით დაადგინონ სიმართლე, რამე თუ მოხდება. საზარელ რაღაცას ვამბობ, მაგრამ ჩვენ ვცხოვრობთ საომარ ვითარებაში, როცა ჯონი გიგანი ამბობს, რომ რამდენჯერმე ესროლეს და ერთხელაც არ დაკითხა პროკურატურამ, როგორ უნდა ვთქვა ყველაფერი კარგად მიდის? არც ვიტყვი ამას, ჩემს ქალაქში გამოცხადებული ომია.
თამარ ბოჭორიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
