1
აპრილიდღის ზოგადი ასტროლოგიური პროგნოზი
იმის გამო, რომ 20 მარტს მზის დაბნელებაა, საზოგადოებაში ისეთი მოსაზრება გაჩნდა, რომ ეს ასტრონომიული მოვლენა ასტროლოგიურადაც ცუდ ზეგავლენას მოახდენს ადამიანებზე. ამიტომ, 21 მარტს "ნაციონალური მოძრაობის" მიერ მთავრობის გადადგომის მოთხოვნით დაანონსებული აქცია, კარგს არაფერს მოიტანს.
ამ მოსაზრებასთან დაკავშირებით Ambebi.ge ასტროლოგ რამაზ გიგაურს გაესაუბრა:
- მზის დაბნელება არ უნდა მივიღოთ, როგორც საშინელების მაუწყებელი ნიშანი. წელიწადში მზის დაბნელება მინიმუმ ორჯერ ხდება, ასე რომ, ეს ჩვეულებრივი ასტრონომიული მოვლენაა. რაც შეეხება ასტროლოგიურ ინტერპრეტაციას, ასტროლოგიაში მიიჩნევა, რომ მზის დაბნელების დროს ხდება ადამიანების ცნობიერების "დაბინდვა" და ადამიანებს უჭირთ რეალობის ადეკვატურად შეფასება, რაც არასწორი გადაწყვეტილებების მიღების საფუძველი ხდება. თუმცა ასტროლოგიაში გადამწყვეტი მნიშვნელობა აქვს არა მზის ან მთვარის დაბნელებას, არამედ პლანეტების კონფიგურაციას, ანუ როგორ არიან ისინი ზოდიაქოს ნიშნებში განთავსებულები და როგორი დამოკიდებულება აქვთ ერთმანეთთან (ნეგატიური თუ პოზიტიური).
რაც შეეხება 21 მარტის აქციას, ინტერნეტში წავაწყდი ინფორმაციას, რომ თურმე "ნაციონალურმა მოძრაობამ" სპეციალურად დაგეგმა და დაამთხვია ის მზის დაბნელებას. ეს ჩემთვის სასაცილოა, რადგან რეალობასთან საერთოდ ახლოსაც არ არის. ცხადია, არსებობს იმის ალბათობა, რომ ამ აქციამ ჩაიაროს მშვიდობიანად და იმის ალბათობაც, რომ ვიღაცამ ამ აქციაზე პროვოკაცია მოაწყოს, მაგრამ ეს მზის დაბნელებასთან არ იქნება კავშირში.
წლის დასაწყისში, ჩემს პროგნოზში დავწერე, რომ 2015 წლის პირველი კვარტალი რთული იქნებოდა, რადგან პლანეტების განთავსება ამაზე მიანიშნებდა, მაგრამ ეს კავშირშია არა მზის დაბნელებასთან, არამედ სულ სხვა ასტროლოგიურ ფაქტორებთან. ასე რომ, არ უნდა შეეშინდეთ ადამიანებს მზის დაბნელების და ასევე არანაირად არ უკავშირდება 21 მარტის აქცია მზის დაბნელებას.
- როგორი ინფორმაცია გაქვთ, ქართველი პოლიტიკოსები ასტროლოგიურ პროგნოზებს რამდენად უგდებენ ყურს და რეალურ ცხოვრებაში თუ ითვალისწინებენ? როგორ გგონიათ, ზოგადად მნიშვნელოვან ფაქტებს, მოვლენებს ასტროლოგიური ასპექტების გათვალისწინებით გეგმავენ და მართავენ?
- საქართველოში პოლიტიკოსები არა მხოლოდ ასტროლოგებს არ უგდებენ ყურს, არამედ არც ფსიქოლოგებს, არც ფილოსოფოსებს, არც მწერლებს, მხატვრებს, არქიტექტორებს და ა.შ.
უფრო მეტიც, ისინი ხალხს საერთოდ არ უსმენენ. უბრალოდ, ისინი ქმნიან ისეთ ვირტუალურ რეალობას, რომ ვითომ უსმენენ, მაგრამ ეს ასე არ არის. სამწუხაროდ, რა თქმა უნდა.
ასტროლოგებს პოლიტიკოსები უსმენენ ამერიკაში, ისრაელში, საფრანგეთში, ინგლისში, ინდოეთში, იაპონიაში, სადაც ამის კულტურა არსებობს და როგორც უყვართ ხოლმე თქმა, ამის მზაობა არსებობს.
რონალდ რეიგანს ჰყავდა თავისი ასტროლოგი ჯოანა კუიგლი და ამის შესახებ ყველამ იცოდა. კუიგლის წიგნიც კი აქვს დაწერილი რეიგანთან და მის ცოლთან ნენსისთან თანამშრომლობის შესახებ: What Does Joan Say?: My Seven Years As White House Astrologer to Nancy and Rona.
ჩვენთან თანამშრომლობის კულტურა ჯერჯერობით არ არის ასე განვითარებული. თავი რომ დავანებოთ პოლიტიკოსებს, უბრალო ადამიანიც კი ექიმთან მხოლოდ მაშინ მიდის, როდესაც ავადმყოფობის გამო გაძლება აღარ შეუძლია. არა და წელიწადში ერთხელ აუცილებელია ჯანმრთელობის კონტროლი. ასევეა საჭირო ურთიერთობა ასტროლოგთან, რომელიც მხოლოდ მაშინ ახსენდებათ, როდესაც კარიერაში ან პირად ცხოვრებაში ყველაფერი ინგრევა და გამოსწორებას აღარ, ან თითქმის აღარ ექვემდებარება.
ლალი ფაცია
AMBEBI.GE
