პროსტიტუციის გამო თურქეთიდან საქართველოს ორი მოქალაქე გააძევეს

საქართველოდან ანტალიაში დასასვენებლად ჩასული ორი ქალბატონი, თურქმა სამართალდამცველებმა პროსტიტუციის ბრალდებით დააკავეს და ქვეყნიდან გამოაძევეს.

ინტერნეტგამოცემა www.mersinhaber.com-ის ცნობით, ორივე ქალაბატონს ფული შემოელიათ და ადგილობრივი შუამავლების მეშვეობით პროსტიტუციის დაწყება გადაწყვიტეს. ერთი კლიენტის მომსახურებისათვის 400 თურქულ ლირას (დაახლოებით 320 ლარი) იღებდნენ.

სამართალდამცველებმა სპეცოპერაცია ჩაატარეს და საქართველოს მოქალაქეებს პოლიციის აგენტი მიუგზავნეს. რის შემდეგაც მათთან ერთად ადგილობრივი შუამავლებიც დააკავეს.