კაბა, რომელმაც ალსუ გადარია და სვაროვსკის სამკაულების ძვირფასი კოლექცია - როგორია ლელა წურწუმიას ვარსკვლავური გარდერობი
ნინა წკრიალაშვილის გადაცემა "გარდერობს" ლელა წურწუმიამ უმასპინძლა. ცნობილია, რომ მომღერალი დიზაინერული ნიჭით გაიმოირჩევა და საკუთარი დიზაინით იკერავს სამოსს, ქმნის სამკაულებს და ა.შ. მაგრამ იმან, რაც ლელას გარდერობში იხილა, მისი მეგობარი და კოლეგა ნინაც დაამუნჯა.
ლელას გარდერობში ძირითადად კლასიკური სტილი სჭარბობს, რომელიც მოდიდან არასდროს გადადის. დოლჩე და გაბანა, ჯუზეპე ზანოტი, შანელი, რობერტო კავალი, ჟან პოლ გოტიე, და ჰუბერტ დე ჟივენში იმ ბრენდების მცირე ჩამონათვალია, რომლებსაც ლელა წურწუმიას ზამთრისა და ზაფხულის სასცენო ფეხსაცმელების კოლექციებში შეხვდებით.
ტანისამოსის უდიდესი ნაწილი, რომელიც ლელას გარდერობშია, სპეციალურად მომღერლისთვისაა შეკერილი და მას ვერსად შეიძენთ. საკონცერტო კოსტუმებს ძირითადად საზღვარგარეთ ყიდულობს.
მომღერალმა გადაცემის წიმყვანს წარუდგინა ავთო ცქვიტინიძის შეკერილი კაბა, რომელიც ალა პუგაჩოვას დაბადების დღეზე ეცვა და რომელიც რუს ვარსკვლავს, ალსუს იმდენად მოეწონა, რომ ავთანდილს მთელი კოლექცია შეუკვეთა. გადაცემაში ასევე იხილავთ კაბას, რომელიც ლელა წურწუმიას ჯორჯ ბუშის საქართველოში ვიზიტის დროს კონცერტზე ეცვა.
საუცხოო და ორიგინალურია ლელას სამკაულების კოლექცია, აბადოკები, ქამრები, ყელსაბამები, ბეჭდები და სამაჯურები. მომღერალს "სვაროვსკის" სამკაულების საკაოდ დიდი კოლექცია აქვს. როგორც ნინამ აღნიშნა, ლელას მხოლოდ სამკაულები რომ არ ეყიდა, კოსტა-რიკაზე აგარაკის შეძენას შეძლებდა.
ვიდეოში იხილავთ ასევე ორიგინალურ ჩანთას, რომლითაც მომღერალმა ამსტერდამელები დაშოკა, ასევე ქუდების, შლაპებისა და ბეწვეულის კოლექციას...
იხილეთ ასევე: რა ქონებას ფლობს ლელა წურწუმია - პოპდივას უძრავი, მოძრავი ქონება და გაუხმაურებელი შემოსავლები
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
