"მას შემ­დეგ, რაც ღა­რი­ბაშ­ვი­ლი ხელს მო­ა­წერს ჭი­კა­ი­ძის გან­ცხა­დე­ბას თა­ნამ­დე­ბო­ბი­დან წას­ვლის თა­ო­ბა­ზე, შს მი­ნის­ტრის მო­ვა­ლე­ო­ბას დრო­ე­ბით მისი მო­ად­გი­ლე ვახ­ტანგ გო­მე­ლა­უ­რი შე­ას­რუ­ლებს. თუმ­ცა სა­პარ­ლა­მენ­ტო უმ­რავ­ლე­სო­ბის წევ­რე­ბი და ექ­სპერტთა ნა­წი­ლი გო­მე­ლა­ურს, რო­გორც ყო­ფი­ლი პრე­მი­ე­რის, ბი­ძი­ნა ივა­ნიშ­ვი­ლის პი­რა­დი დაც­ვის ყო­ფილ უფ­როსს და შე­სა­ბა­მი­სად, ნდო­ბით აღ­ჭურ­ვილ პირს, მი­ნის­ტრის სა­ვარ­ძლის არა დრო­ე­ბით, არა­მედ დიდი ხნით ოფი­ცი­ა­ლუ­რად და­კა­ვე­ბას უწი­ნას­წარ­მე­ტყვე­ლე­ბენ", - წერს გა­ზე­თი "რე­ზო­ნან­სი" სტა­ტი­ა­ში, სა­თა­უ­რით - "ვინ შეც­ვლის ჭი­კა­ი­ძეს - 3 ვერ­სია / შს მი­ნის­ტრის გა­დად­გო­მის შემ­დეგ, ექ­სპერ­ტე­ბი გა­ზა­ფხულ­ზე პრე­მი­ე­რის გა­დად­გო­მა­საც პროგ­ნო­ზი­რე­ბენ".

"პო­ლი­ტო­ლო­გე­ბი ასე­ვე ამ­ბო­ბენ იმა­საც, რომ ჭი­კა­ი­ძე ბოლო სა­კად­რო ცვლი­ლე­ბა არ არის, შს სა­მი­ნის­ტროს შიგ­ნით, ქვე­და ეშე­ლო­ნებ­ში თა­ნამ­დე­ბო­ბას ბევ­რი სხვაც და­ტო­ვებს. ხოლო თუკი მამა-შვი­ლი ვა­ზა­გაშ­ვი­ლე­ბის საქ­მის გა­მო­ძი­ე­ბა­ში რა­ი­მე ღი­რე­ბუ­ლი არ გა­მო­იკ­ვე­თა, და­ახ­ლო­ე­ბით 2-3 კვი­რა­ში, შე­საძ­ლოა, პრო­კუ­რა­ტუ­რა­შიც მოხ­დეს სა­კად­რო ცვლი­ლე­ბე­ბი და სა­ვარ­ძლის და­ტო­ვე­ბა თა­ვად გი­ორ­გი ბა­დაშ­ვილ­საც მო­უ­წი­ოს. პო­ლი­ტო­ლო­გე­ბი გა­ზა­ფხუ­ლის მე­ო­რე ნა­ხე­ვარ­ში თა­ვად პრე­მი­ერ ღა­რი­ბაშ­ვი­ლის მიერ სა­ვარ­ძლის და­ტო­ვე­ბა­საც კი ვა­რა­უ­დო­ბენ - ყო­ფი­ლი პრე­მი­ე­რის ყო­ფილ მრჩე­ველ გია ხუ­ხაშ­ვი­ლის გან­ცხა­დე­ბით, გა­ზა­ფხულ­ზე "უფრო მა­ღა­ლი თა­ნამ­დე­ბო­ბის" პი­რის შეც­ვლაა მო­სა­ლოდ­ნე­ლი. ხოლო, ხა­თუ­ნა ლა­გა­ზი­ძის თქმით, ის კამ­პა­ნია, რაც პრე­მი­ე­რის წი­ნა­აღ­მდეგ მე­დი­ა­ში მიმ­დი­ნა­რე­ობს, შე­საძ­ლოა, პრე­მი­ე­რის გა­და­ყე­ნე­ბით დას­რულ­დეს", - აღ­ნიშ­ნავს გა­მო­ცე­მა.

"გუ­შინ ეს­პა­ნეთ­ში ვი­ზი­ტად მყოფ­მა ალექ­სან­დრე ჭი­კა­ი­ძემ გა­დად­გო­მის თხოვ­ნით პრე­მი­ერს მი­მარ­თა. გა­დად­გო­მის მო­ტი­ვად ზუ­რაბ ვა­ზა­გაშ­ვი­ლის საქ­მე და­ა­სა­ხე­ლა. ჭი­კა­ი­ძეს­თან ერ­თად თა­ნამ­დე­ბო­ბა და­ტო­ვა თბი­ლი­სის კრი­მი­ნა­ლუ­რი პო­ლი­ცი­ის უფ­რო­სის მო­ად­გი­ლე ოთარ მირ­ზო­ევ­მა. რამ­დე­ნი­მე დღის წინ თბი­ლი­სის პო­ლი­ცი­ის მთა­ვა­რი სამ­მარ­თვე­ლოს უფ­რო­სი გი­ორ­გი და­ლა­ქიშ­ვი­ლიც გა­ა­თა­ვი­სუფ­ლეს სამ­სა­ხუ­რი­დან. სწო­რედ ამ ადა­მი­ა­ნე­ბის მფარ­ვე­ლო­ბა­ში ადა­ნა­შა­უ­ლებ­და იური ვა­ზა­გაშ­ვი­ლი აწ უკვე ყო­ფილ შს მი­ნის­ტრ ალექ­სან­დრე ჭი­კა­ი­ძეს. თუმ­ცა, ვა­ზა­გაშ­ვი­ლი ამ ორის გარ­და კი­დევ რამ­დე­ნი­მე ათე­უ­ლი ადა­მი­ა­ნის გვარს ასა­ხე­ლებ­და. აღ­სა­ნიშ­ნა­ვია ისიც, რომ გუ­შინ­ვე თა­ნამ­დე­ბო­ბი­დან გა­ა­თა­ვი­სუფ­ლეს სუს-ის უფ­რო­სის მო­ად­გი­ლე ზაზა როს­ტი­აშ­ვი­ლი, ამა­ვე სამ­სა­ხუ­რის ერთ-ერთი ხელ­მძღვა­ნე­ლი დარ­ბა­ი­სე­ლი და კონ­ტრდაზ­ვერ­ვის დი­რექ­ტო­რის მო­ად­გი­ლე მალ­ხაზ ჩიკ­ვი­ლა­ძე", - გა­ნაგ­რძობს გა­მო­ცე­მა.

"შს მი­ნის­ტრის თა­ნამ­დე­ბო­ბა­ზე მე­დი­ა­ში სხვა­დას­ხვა სა­ვა­რა­უ­დო კან­დი­და­ტი და­სა­ხელ­და: მი­ნის­ტრის მო­ად­გი­ლე ლე­ვან იზო­რია, ასე­ვე შს მი­ნის­ტრის მო­ად­გი­ლე ვახ­ტანგ გო­მე­ლა­უ­რი და სას­ჯე­ლაღ­სრუ­ლე­ბის მი­ნის­ტრი გი­ორ­გი მღებ­რიშ­ვი­ლი. ამ სა­მი­დან ყვე­ლა­ზე დიდი შან­სი გო­მე­ლა­ურს აქვს, რად­გან ის ბი­ძი­ნა ივა­ნიშ­ვი­ლის დაც­ვის უფ­რო­სი იყო და რო­დე­საც რამ­დე­ნი­მე თვის წინ შს მი­ნის­ტრის მო­ად­გი­ლედ და­ნიშ­ნეს, მა­შინ­ვე გაჩ­ნდა ვა­რა­უ­დი, რომ მას მი­ნის­ტრად ამ­ზა­დებ­დნენ და წინ­სწრე­ბით უწყე­ბის შეს­წავ­ლა ევა­ლე­ბო­და. სა­პარ­ლა­მენ­ტო უმ­რავ­ლე­ო­ბა­ში არა­ო­ფი­ცი­ა­ლუ­რად აცხა­დე­ბენ, რომ ახა­ლი მი­ნის­ტრის ვი­ნა­ო­ბა უც­ნო­ბია, მაგ­რამ ის აუ­ცი­ლებ­ლად ბი­ძი­ნა ივა­ნიშ­ვი­ლის კად­რი იქ­ნე­ბა და "თა­ვი­სუ­ფა­ლი დე­მოკ­რა­ტე­ბი­დან" მო­სუ­ლი იზო­რი­ას მი­ნის­ტრო­ბას გა­მო­რი­ცხა­ვენ - მი­უ­ხე­და­ვად იმი­სა, რომ ის ოპო­ზი­ცი­ა­ში წა­სულ თა­ნა­გუნ­დე­ლებს არ შე­უ­ერ­თდა, თა­ნაც ჭი­კა­ი­ძის ნაც­ვლად მთე­ლი სა­მი­ნის­ტრო მას ება­რა, ოღონდ გო­მე­ლა­უ­რის მის­ვლამ­დე. სა­პარ­ლა­მენ­ტო უმ­რავ­ლე­სო­ბა­ში ასე­ვე გა­მო­რი­ცხა­ვენ გი­ორ­გი მღებ­რიშ­ვი­ლის და­ნიშ­ვნას. მი­ზე­ზი კი ისაა, რომ ის ღა­რი­ბაშ­ვი­ლის კად­რად მი­იჩ­ნე­ვა", - დას­ძენს გა­მო­ცე­მა.

"მად­ლო­ბა უნდა ვუ­თხრათ უფალს, რომ ორ­გა­ნი­ზა­ცია "ქარ­თუს" საკ­მა­რი­სი რა­ო­დე­ნო­ბით ჰყავ­და კად­რე­ბი. სხვა შემ­თხვე­ვა­ში, რო­გორც ჩანს, აღარც უშიშ­რო­ე­ბის დე­პარ­ტა­მენ­ტის უფ­რო­სი ეყო­ლე­ბო­და ქვე­ყა­ნას, არც აჭა­რის პირ­ვე­ლი პირი და არც შს მი­ნის­ტრის შემ­ცვლე­ლი მო­ი­ძებ­ნე­ბო­და კად­რე­ბის სამ­ჭედ­ლო თუ იყო "ქარ­თუ", ეს მო­სახ­ლე­ო­ბის­თვის უფრო ადრე უნდა გა­ე­გე­ბი­ნე­ბი­ნათ, ვიდ­რე ეს გუნ­დი ხე­ლი­სუფ­ლე­ბა­ში მო­ვი­დო­და. ასე რომ, რო­გორს ჩანს, კად­რე­ბის დე­ფი­ცი­ტი არ გვექ­ნე­ბა", - აცხა­დებს პო­ლი­ტო­ლო­გი სოსო ცის­კა­რიშ­ვი­ლი. ის არ გა­მო­რი­ცხავს, რომ ანა­ლო­გი­უ­რი პრო­ცე­სი, შე­საძ­ლოა, პრო­კუ­რა­ტუ­რა­შიც ვი­ხი­ლოთ. ასე­ვე არ გა­მო­რი­ცხავს, რომ მი­ნის­ტრის გარ­და თა­ნამ­დე­ბო­ბას შს სა­მი­ნის­ტრო­ში უფრო და­ბა­ლი რან­გის ჩი­ნოვ­ნი­კე­ბიც და­ემ­შვი­დო­ბონ, მათ შო­რის კონ­ტრდაზ­ვერ­ვის რამ­დე­ნი­მე თა­ნამ­შრო­მე­ლი და ის "ქარ­თუს" კად­რე­ბით და­კომ­პლექტდე­ბა", - წერს სტა­ტი­ის ავ­ტო­რი.

"თუკი ეს გა­დად­გო­მა ინი­ცი­რე­ბუ­ლია უფრო მა­ღა­ლი თა­ნამ­დე­ბო­ბის პი­რე­ბის­გან, ვიდ­რე ჭი­კა­ი­ძეა, სჯობ­და, ერთი კვი­რა მა­ინც ეც­ლი­ათ ადა­მი­ა­ნი­სათ­ვის, რო­მე­ლიც უკა­ნას­კნე­ლი დღე­ე­ბის გან­მავ­ლო­ბა­ში სა­ზღვარ­გა­რეთ კო­ლე­გებს ხვდე­ბო­და. სხვა­თა შო­რის, წინა ხე­ლი­სუფ­ლე­ბის პე­რი­ოდ­შიც გვახ­სოვს მი­ნის­ტრე­ბი, რომ­ლე­ბიც თვითმფრი­ნავ­ში ჩას­ხდო­მი­სას იხ­სნე­ბოდ­ნენ. ასე­ვე გვახ­სოვს, ალა­სა­ნი­ას რომ სა­ზღვარ­გა­რეთ ვი­ზი­ტი­სას და­უ­ჭი­რეს რამ­დე­ნი­მე თა­ნამ­შრო­მე­ლი. ახლა ჭი­კა­ი­ძეც უცხო­ეთ­ში ყოფ­ნი­სას გა­უშ­ვეს სახ­ლში. რო­გორც ჩანს, წინა ხე­ლი­სუფ­ლე­ბი­სა­გან ეს გა­მოც­დი­ლე­ბა გა­ი­ზი­ა­რეს, მაგ­რამ მთა­ვა­რი საფრ­თხე ისაა, რომ ქვე­ყა­ნა­ში გამჭვირ­ვა­ლე სა­კად­რო პო­ლი­ტი­კა არ არ­სე­ბობს - თა­ვის დრო­ზე რა პრინ­ცი­პით აირ­ჩა ჭი­კა­ი­ძე ამ თა­ნამ­დე­ბო­ბა­ზე და ახლა რა პრინ­ცი­პით მოვა მის მა­გივ­რად სხვა", - და­ას­კვნის გა­მო­ცე­მის კო­რეს­პონ­დენ­ტთან სა­უბ­რი­სას სოსო ცის­კა­რიშ­ვი­ლი.

"ჭი­კა­ი­ძის გა­და­წყვე­ტი­ლე­ბა გა­დად­გო­მის თა­ო­ბა­ზე სწო­რია, მისი და­ნიშ­ვნი­სა­გან გან­სხვა­ვე­ბით - დღე­ვან­დე­ლი დრა­მის სა­ფუძ­ვე­ლი, რაც მის კა­რი­ე­რა­ში გა­თა­მაშ­და, მისი და­ნიშ­ვნის დღეს ჩა­ი­სა­ხა, რად­გან მისი და­ნიშ­ვნა არა­ნა­ირ სტან­დარტს, არც პო­ლი­ტი­კურ და არც პრო­ფე­სი­ულ კრი­ტე­რი­უმს არ აკ­მა­ყო­ფი­ლებ­და. ის, რომ თით­ქოს ჭი­კა­ი­ძე ვი­ღა­ცებს მფარ­ვე­ლობ­და, მგო­ნია, უსა­მარ­თლო­ბაა და ბა­ტო­ნი იური ვი­ღა­ცამ შეც­დო­მა­ში შე­იყ­ვა­ნა. ჭი­კა­ი­ძის წას­ვლა პო­ზი­ტი­უ­რად უნდა შე­ფას­დეს და ის სა­ზო­გა­დო­ე­ბას სწო­რედ ამით და­ა­მახ­სოვ­რებს თავს. არ შე­იძ­ლე­ბა ასე­თი კრი­ტე­რი­უ­მით შერ­ჩე­ულ ადა­მი­ანს ამ­ხე­ლა ტვირ­თი აკი­დო. ჭი­კა­ი­ძე იმი­ტომ კი არ გა­დად­გა, რომ მფარ­ვე­ლობ­და, არა­მედ პო­ლი­ტი­კუ­რი პა­სუ­ხის­მგებ­ლო­ბა აიღო. ამ საქ­მე­ში თა­ვი­სი წილი პა­სუ­ხის­მგებ­ლო­ბა პრო­კუ­რა­ტუ­რა­საც აქვს, მაგ­რამ მთა­ვა­რი პრო­კუ­რო­რი, მი­ნის­ტრი­სა­გან გან­სხვა­ვე­ბით, პო­ლი­ტი­კუ­რი ფი­გუ­რა არ არის და მის პო­ლი­ტი­კურ პა­სუ­ხის­მგებ­ლო­ბა­ზე ვერ ვი­სა­უბ­რებთ. თუმ­ცა, მა­თაც აი­ღეს 2-3 კვი­რა და ამ დრო­ის გან­მავ­ლო­ბა­ში რა­ღაც უნდა და­დონ. პრო­კუ­რა­ტუ­რის თემა ჯერ და­ხუ­რუ­ლი არ არის და პრო­კუ­რა­ტუ­რა­ში რა მოხ­დე­ბა, ეს ჯერ კი­დევ წინ გვაქვს", - მი­იჩ­ნევს გა­მო­ცე­მის კო­რეს­პონ­დენ­ტთან სა­უბ­რი­სას გია ხუ­ხაშ­ვი­ლი.

"ამან სის­ტე­მუ­რი ხარ­ვე­ზე­ბი კი­დევ უფრო მკვეთ­რად გა­მო­ა­ჩი­ნა. არა მარ­ტო პრო­კუ­რა­ტუ­რის, მთლი­ა­ნად ხე­ლი­სუფ­ლე­ბის ეფექ­ტუ­რო­ბა, პა­სუ­ხის­მგებ­ლო­ბის აღე­ბის უნა­რი დგე­ბა კი­თხვის ნიშ­ნის ქვეშ. სა­მარ­თლი­ა­ნო­ბის აღ­დგე­ნა­ში, ეკო­ნო­მი­კა­სა და სა­გა­რეო პო­ლი­ტი­კა­ში სე­რი­ო­ზუ­ლი კრი­ზი­სი გვაქვს და ვვა­რა­უ­დობ, რომ ეს ყვე­ლა­ფე­რი შე­იძ­ლე­ბა კი­დევ უფრო დიდ კრი­ზის­ში გა­და­ი­ზარ­დოს და სა­ბო­ლოო ჯამ­ში გა­ზა­ფხუ­ლის მე­ო­რე ნა­ხე­ვარ­ში მთავ­რო­ბის­თვის ნდო­ბის სა­კი­თხის და­ყე­ნე­ბის მოწ­მე­ნი გავ­ხდეთ, ვა­ზა­გაშ­ვი­ლის თემა კი ერთ-ერთი კა­ტა­ლი­ზა­ტო­რი გახ­დეს. ძა­ლი­ან ბევ­რი პო­ლი­ცი­ე­ლი, ძა­ლი­ან ბევ­რი პრო­კუ­რო­რი ძვე­ლი საქ­მე­ე­ბის ფი­გუ­რან­ტე­ბი არი­ან და ისი­ნი ჯერ კი­დევ თა­ნამ­დე­ბო­ბებ­ზე რჩე­ბი­ან. არ გა­მო­ვი­და არა თუ გა­მო­ძი­ე­ბა, სა­კუ­თა­რი რი­გე­ბის გაწ­მენ­დაც ვერ მო­ა­ხერ­ხა ხე­ლი­სუფ­ლე­ბამ და აქ უფრო მა­ღა­ლი დო­ნის პა­სუ­ხის­მგებ­ლო­ბის სა­კი­თხი დგე­ბა. გვა­რებ­ზე სა­უ­ბა­რი არ მინ­და. არ ვიცი და არც მინ­და იმა­ზე სა­უ­ბა­რი, ვინ შე­იძ­ლე­ბა და­ი­ნიშ­ნოს შს მი­ნის­ტრად", - დას­ძენს ხუ­ხაშ­ვი­ლი.

"ორი თვის წინ, რო­დე­საც პრე­მი­ერ ღა­რი­ბაშ­ვი­ლის ე.წ. გუნ­დის რამ­დე­ნი­მე წევ­რმა სა­კუ­თა­რი გან­ცხა­დე­ბის სა­ფუძ­ველ­ზე სახ­ლში წას­ვლა გა­და­წყვი­ტა, მა­შინ­ვე ვთქვი, რომ გა­და­ყე­ნე­ბის სე­რია გაგ­რძელ­დე­ბო­და, თუმ­ცა, მა­შინ სა­ზო­გა­დო­ე­ბის­თვის გა­და­საგ­დე­ბი ბარ­ტყე­ბი დრო­ში გა­მო­ი­ზო­გეს. რო­დე­საც ზე­დე­ლაშ­ვი­ლი და ჯან­ყა­რაშ­ვი­ლი ჩა­მო­ა­შო­რეს შს სა­მი­ნის­ტროს და უწყე­ბა­ში უშუ­ა­ლოდ ივა­ნიშ­ვი­ლის ნდო­ბით აღ­ჭურ­ვი­ლი პი­რე­ბი მი­ვიდ­ნენ, ვთქვი და დრო­მაც და­ა­დას­ტუ­რა, რომ ჭი­კა­ი­ძის გა­და­ყე­ნე­ბა მხო­ლოდ დრო­ის სა­კი­თხი იყო. ის გა­და­ა­ყე­ნეს სწო­რედ მა­შინ, რო­დე­საც მო­რი­გი მსხვერ­პლთშე­წირ­ვა მო­ინ­დო­მა სა­ზო­გა­დო­ე­ბამ, იმი­სათ­ვის, რომ სა­ზო­გა­დო­ე­ბის უკ­მა­ყო­ფი­ლე­ბა, ზოგ შემ­თხვე­ვა­ში აგ­რე­სია დრო­ე­ბით მა­ინც გა­ა­ნე­იტ­რა­ლონ. შე­საძ­ლოა, ხე­ლი­სუფ­ლე­ბა­ში ვნა­ხოთ ცვლი­ლე­ბე­ბის გრძე­ლი ჯაჭ­ვიც კი. რაც პრე­მი­ე­რის წი­ნა­აღ­მდეგ მე­დი­ა­ში ხდე­ბა, შე­საძ­ლოა, ეს კამ­პა­ნია თა­ვად პრე­მი­ე­რის გა­და­ყე­ნე­ბით დას­რულ­დეს. შემ­ცვლე­ლად კი არ ვიცი, ვინ იქ­ნე­ბა. დღე­ვან­დელ ხე­ლი­სუფ­ლე­ბა­ში და­ვით სერ­გე­ენ­კო ერ­თა­დერ­თი ავ­ტო­რი­ტე­ტუ­ლი ფი­გუ­რაა", - ამ­ბობს გა­მო­ცე­მის კო­რეს­პონ­დენ­ტთან სა­უბ­რი­სას პო­ლი­ტო­ლო­გი ხა­თუ­ნა ლა­გა­ზი­ძე.