საინტერესო ფაქტები მაიას ცივილიზაციაზე

მაია - მესოამერიკული ცივილიზაციაა, რომელიც ამ ცივილიზაციათა შორის, ყველაზე განვითარებული და დახვეწილი დამწერლობით,  ხელოვნებით, არქიტექტურით, საოცრად დიდი მათემატიკური და ასტრონომიული ცოდნით იყო ცნობილი.

როგორც ცნობილია, მაიას ცივილიზაცია უნიკალური მედიკოსებით გამოირჩეოდა. პირველ ადგილზე ამ ტომისთვის ჯანმრთელობა და მედიცინა იყო, რადგან ამ ცნებების ქვეშ გონება, სხეული, რელიგია, მეცნიერება და ასევე სხვადასხვა რიტუალები მოიაზრებოდა. ამ ცივილიზაციაში მედიკოსები შამანებად, მედიუმებად, ფიზიკურსა და სულიერ სამყაროს შორის მყოფ ადამიანებად მიიჩნეოდნენ.

არქეოლოგებმა აღმოაჩენეს მტკიცებულებები, რომ მაიას ტომებში ადამიანების თმას იარების გასაკერად იყენებდნენ. მაიას ტომის წარმომადგენლები არა მხოლოდ მოტეხილობებს ამთელებდნენ, არამედ კარგ სტომატოლოგებადაც ითვლებოდნენ.

დამტკიცებულია, რომ მაიას ცივილიზაცია ტკივილგამაყუჩებელსაც იყენებდა. ეს ადამიანები რელიგიური რიტუალების დროს ჰალუცინოგენურ წამლებს მოიხმარდნენ, რომლებსაც ტკივილის გაყუჩების ეფექტი ჰქონდათ. ჰალუცინოგენები სოკოების, თამბაქოს და სხვადასხვა მცენარეებისგან მზადდებოდა.

ყველასათვის ცნობილია, რომ მაიას ცივილიზაცია, რელიგიური რიტუალების დროს, ადამიანებს მსხვერპლშეწირვისთვის იყენებდა. თუმცა, ცოტამ თუ იცის, რომ მისი შთამომავლები ახლაც კი მიმართავენ მსხვერპლშეწირვას, მაგრამ ადამიანის სისხლი ამჟამად ქათამმა შეცვალა. სხეულის გასაწმენდად, ისინი აბანოებს მოიხმარდნენ, რომლებიც ერთი შეხედვით, საუნებს მოგვაგონებს. როგორც წესი, საუნებს იყენებდა ყველა - მეფეებიდან დაწყებული ყველაზე ღარიბებით დამთავრებული.