აგ­ვის­ტოს ომ­თან და­კავ­ში­რე­ბით სის­ხლის სა­მარ­თლის სა­ერ­თა­შო­რი­სო სა­სა­მარ­თლო გა­მო­ძი­ე­ბას აწარ­მო­ებს, - ამის შე­სა­ხებ სა­პარ­ლა­მენ­ტო უმ­რავ­ლე­სო­ბის ერთ-ერ­თმა ლი­დერ­მა თინა ხი­და­შელ­მა გუ­შინ გა­და­ცე­მა "არ­ჩე­ვან­ში" გა­ნა­ცხა­და. დე­პუ­ტა­ტის გან­მარ­ტე­ბით, აგ­ვის­ტოს ომში რუ­სე­თის მიერ ეთ­ნი­კუ­რი წმენ­დის გან­ხორ­ცი­ე­ლე­ბის დამ­ტკი­ცე­ბას სწო­რედ სა­ქარ­თვე­ლოს დღე­ვან­დე­ლი ხე­ლი­სუფ­ლე­ბა ცდი­ლობს და წი­ნა­მორ­ბედ მთავ­რო­ბას ამ კუ­თხით სა­ერ­თა­შო­რი­სო სა­სა­მარ­თლო­ში მტკი­ცე­ბუ­ლე­ბის სა­ხით "ერთი ფურ­ცე­ლიც" არ გა­უგ­ზავ­ნია. ხი­და­შე­ლის ამ გან­ცხა­დე­ბებს სო­ცი­ა­ლურ ქსელ­ში ყო­ფი­ლი ხე­ლი­სუფ­ლე­ბის წარ­მო­მად­გე­ნელ­თა გა­მოხ­მა­უ­რე­ბე­ბი მოჰ­ყვა.

გივი თარ­გა­მა­ძე, "ნა­ცი­ო­ნა­ლუ­რი მოძ­რა­ო­ბის" წევ­რი:

"ნა­ხეთ, ვინ ლა­პა­რა­კობს. თი­თე­ბის ქნე­ვი­თა და "არ მი­ვი­ღებ" მკაც­რი შე­ძა­ხი­ლით. იმ პარ­ტი­ის წევ­რი, რო­მე­ლიც უნი­ა­თო ჰა­კი­მის მოს­ვრი­ლის ბე­ჯით დამ­ლა­გებ­ლა­დაა ქცე­უ­ლი; რომ­ლის ლი­დე­რიც პარ­ლა­მენ­ტის თავ­ჯმ­დო­მა­რეა და რე­ა­ლუ­რად, ხელ­მძღვა­ნე­ლო­ბას "პრი­ატ­ნი" ვოლ­სკის უთ­მობს; რომ­ლის გა­მო­ჩე­ნი­ლი წევ­რიც რუ­სე­თის სა­ელ­ჩოს ბოლო მდი­ვანს ენის მო­ჩლე­ქით ან­გა­რიშს აბა­რებ­და მიმ­დი­ნა­რე მოვ­ლე­ნებ­სა და სა­მო­მავ­ლო ვა­რა­უ­დებ­ზე; რომ­ლის მი­ნის­ტრიც, ყა­ზა­ნის უნი­ვერ­სი­ტე­ტის მეც­ნი­ე­რუ­ლი კო­მუ­ნიზ­მის სპე­ცი­ა­ლის­ტი, დღეს უკვე ღიად უკავ­ში­რებს აფხა­ზე­თის ანექ­სი­ას სა­კუ­თარ წარ­მა­ტე­ბას და ბი­ძი­ნა ივა­ნიშ­ვი­ლის და­ვა­ლე­ბით ვოლ­სკის­თან და აბა­ში­ძეს­თან ერ­თად ცდი­ლობს, სა­ქარ­თვე­ლოს მთავ­რო­ბის მო­ღა­ლა­ტე­ობ­რი­ვი დუ­მი­ლი იქამ­დე მი­ა­ტა­ნოს, სა­ნამ ყვე­ლა და­ვა­ლე­ბას არ შე­ას­რუ­ლებს და ქვე­ყა­ნას #1 მტერს, პუ­წინს არ ჩა­ა­ბა­რებს გა­რან­ტი­რე­ბუ­ლად. და რას ლა­პა­რა­კობს. ტყუ­ილს. კა­რა­სინ-აბა­ში­ძე-ზა­ქა­რე­იშ­ვილ-ვოლ­სკის ბი­ძი­ნა­სე­ულ ნა­რა­ტივს. თა­ნაც, რო­გორც სა­ბო­ლო­ოდ ნა­მუს­ზე ხე­ლა­ღე­ბუ­ლებს სჩ­ვე­ვი­ათ, მჭა­ხედ და რი­ხი­ა­ნად. ოლო­ლო თქვენ, ქალ­ბა­ტო­ნო თი­ნა­თინ: სა­ზო­გა­დო­ე­ბა ზუს­ტად ხე­დავს თქვენს რე­ა­ლურ პო­ზი­ცი­ო­ნი­რე­ბას და რი­ხი­ან ტყუ­ი­ლებ­საც გა­ე­ცე­მა სა­კად­რი­სი პა­სუ­ხი!".

თინა ბურ­ჯა­ლი­ა­ნი, იუს­ტი­ცი­ის ყო­ფი­ლი მი­ნის­ტრის მო­ად­გი­ლე:

"ქალ­ბა­ტო­ნი თინა ხი­და­შე­ლის მიერ რუს­თა­ვი 2-ის ეთერ­ში გა­კე­თე­ბუ­ლი გან­ცხა­დე­ბა აგ­ვის­ტოს ომის გა­მო­ძი­ე­ბა­სა და სის­ხლის სა­მარ­თლის სა­ერ­თშო­რი­სო სა­სა­მარ­თლოს­თან სა­ქარ­თვე­ლოს იუს­ტი­ცი­ის სა­მი­ნის­ტრო­სა და მთა­ვა­რი პრო­კუ­რა­ტუ­რის თა­ნამ­შრომ­ლო­ბის შე­სა­ხებ არის ტყუ­ი­ლი, უპა­სუ­ხის­მგებ­ლო­ბა და იმ ადა­მი­ა­ნე­ბის შე­უ­რა­წყო­ფა ვინც წლე­ბია მუ­შა­ობს რუ­სე­თის აგ­რე­სი­ის სა­ერ­თა­შო­რი­სო სა­მარ­თლებ­რი­ვი შე­ფა­სე­ბის მი­ცე­მა­ზე ამ უწყე­ბებ­ში.

სის­ხლის სა­მარ­თლის სა­ერ­თა­შო­რი­სო სა­სა­მარ­თლოს პრო­კუ­რორს შევ­ხვდი პი­რა­დად რუ­სუ­ლი აგ­რე­სი­ის და­წყე­ბი­დან რამ­დე­ნი­მე დღე­ში, 2008 წლის 13 აგ­ვის­ტოს და გა­და­ვე­ცი ჩემს ხელთ იმ დრო­ი­სათ­ვის არ­სე­ბუ­ლი ინ­ფორ­მა­ცია. ასე­ვე შევ­ხვდი 2008 წლის სექ­ტემ­ბერ­ში და გა­და­ვე­ცი საქ­მის მა­სა­ლე­ბი რამ­დე­ნი­მე ტო­მად, რო­მე­ლიც აჩ­ვე­ნებ­და რუსი სამ­ხედ­რო­ე­ბის მიერ ქარ­თვე­ლე­ბის ეთ­ნი­კურ წმენ­დას, ომის და­ნა­შა­ულ­სა და სხვა მძი­მე სა­მარ­თალ­დარ­ღვე­ვებს.

2009 წელს მე და ზუ­რაბ ადე­იშ­ვი­ლი ისევ შევ­ხვდით სის­ხლის სა­მარ­თლის სა­ერ­თშო­რი­სო სა­სა­მარ­თლოს პორ­კუ­რორს ბა­ტონ ოკამ­პოს და გა­და­ვე­ცით და­მა­ტე­ბი­თი მა­სა­ლე­ბი, რაც იმ დრო­ი­სათ­ვის გა­მო­ძი­ე­ბის და სა­ერ­თა­შო­რი­სო თუ არა­სამ­თავ­რო­ბო ორ­გა­ნი­ზა­ცი­ე­ბის მხრი­დან იქნა მო­პო­ვე­ბუ­ლი.

ამას­თან, სის­ხლის სა­მარ­თლის სა­ერ­თშო­რი­სო სა­სა­მარ­თლოს 2009-2011 წლებ­ში რამ­დენ­ჯერ­მე გა­ეგ­ზავ­ნე ასე­უ­ლო­ბით გვერ­დი მტკი­ცე­ბუ­ლე­ბა და სი­ტუ­ა­ცი­ის ანა­ლი­ზი, რო­მე­ლიც ადას­ტუ­რებ­და რუსი სამ­ხედ­რო­ე­ბი­სა და მათ დაქ­ვემ­დე­ბა­რე­ბა­ში მყო­ფი შე­ი­ა­რა­ღე­ბუ­ლი პი­რე­ბის მიერ ქარ­თვე­ლე­ბის ეთ­ნი­კუ­რი წმენ­და­სა და ომის და­ნა­შა­უ­ლებს. ამე­ვე პე­რი­ოდ­ში გან­ხორ­ცი­ელ­და სის­ხლის სა­მარ­თლის სა­ერ­თშო­რი­სო სა­სა­მარ­თლოს პრო­კუ­რო­რის ოფი­სის ვი­ზი­ტე­ბი სა­ქარ­თვე­ლო­ში, რომ­ლის დრო­საც მათ გა­და­ე­ცათ და­მა­ტე­ბი­თი მა­სა­ლე­ბი.

სის­ხლის სა­მარ­თლის სა­ერ­თა­შო­რი­სო სა­სა­მარ­თლოს­თან თა­ნამ­შრომ­ლო­ბა, მათ შო­რის ოფი­ცი­ა­ლუ­რი დო­კუ­მენ­ტე­ბის მი­წო­დე­ბა ხდე­ბო­და პრო­კუ­რა­ტუ­რი­სა და იუს­ტი­ცი­ის სა­მი­ნის­ტროს კან­ცე­ლა­რი­ე­ბის გავ­ლით. ამ წე­რი­ლე­ბის ნომ­რე­ბი და ას­ლე­ბი უნდა ინა­ხე­ბო­დეს ორი­ვე უწყე­ბა­ში. ამას­თან, ადა­მი­ა­ნე­ბი ვინც უშუ­ა­ლოდ მო­ნა­წი­ლე­ობ­დნენ მა­სა­ლე­ბის მომ­ზა­დე­ბა­ში ისევ მუ­შა­ო­ბენ მთა­ვარ პრო­კუ­რა­ტუ­რა­სა და იუს­ტი­ცი­ის სა­მი­ნის­ტრო­ში და მათ ამ­ნე­ზია არ აწუ­ხებთ.

ქარ­თულ მხა­რეს­თან თანმშრომ­ლო­ბა და­დე­ბი­თად შე­ფას­და სის­ხლის სა­მარ­თლის სა­სა­მარ­თლოს 2009/2010, 2010/2011, 2011/2012 წლის ან­გა­რი­შებ­ში, რო­მე­ლიც გა­ე­როს გე­ნე­რა­ლურ ასამ­ბლე­ა­ზე იქნა წარ­დგე­ნი­ლი. ეს დო­კუ­მენ­ტე­ბი სა­ჯა­როა და სის­ხლის სა­მარ­თლის სა­ერ­თშო­რი­სო სა­სა­მარ­თლოს ვებგ­ვერ­დზე დევს (http://www.icc-cpi.int/…/Pag…/reports%20on%20activities.aspx ). ასე­ვე სა­ჯა­როა პრო­კუ­რო­რის 2008 წლის 14 აგ­ვის­ტო­სა და 2010 წლის 25 ივ­ნი­სის გან­ცხა­დე­ბე­ბი სა­დაც სა­უ­ბა­რია ქარ­თუ­ლი მხა­რის მიერ ინ­ფორ­მა­ცი­ის მი­წო­დე­ბა­ზე (http://www.icc-cpi.int/…/pe-ongo…/georgia/Pages/georgia.aspx ).

გარ­და ამი­სა, სა­ქარ­თვე­ლოს იუს­ტი­ცი­ის სა­მი­ნის­ტრომ სარ­ჩე­ლე­ბი შე­ი­ტა­ნა რუ­სე­თის ფე­დე­რა­ცი­ის წი­ნა­აღ­მდეგ მარ­თმსა­ჯუ­ლე­ბის სა­ერ­თა­შო­რი­სო სა­სა­მარ­თლო­ში ჰა­ა­გა­ში და ადა­მი­ა­ნის უფ­ლე­ბა­თა ევ­რო­პულ სა­სა­მარ­თლო­ში სტრას­ბურ­გში.

სტრას­ბურ­გში მიმ­დი­ნა­რე საქ­მე­ზე სა­ქარ­თვე­ლოს გა­ნა­ცხა­დი და­საშ­ვე­ბად იქნა გა­მო­ცხა­დე­ბუ­ლი 2011 წელს. მისი არ­სე­ბი­თი გან­ხილ­ვა ჯერ არ დას­რუ­ლე­ბუ­ლა. უმ­ჯო­ბე­სია ქალ­ბა­ტონ­მა ხი­და­შელ­მა სა­ზო­გა­დო­ე­ბას უთხრას რა ხდე­ბა ამ საქ­მეს­თან და­კავ­ში­რე­ბით მისი გუნ­დის ხე­ლი­სუფ­ლე­ბა­ში ყოფ­ნის პი­რო­ბებ­ში.

რაც შე­ე­ხე­ბა მარ­თმსა­ჯუ­ლე­ბის სა­ერ­თა­შო­რი­სო სა­სა­მარ­თლო­ში და­ვას, შე­გახ­სე­ნებთ, სა­სა­მარ­თლომ მი­იჩ­ნია, რომ რუ­სეთ­სა და სა­ქარ­თვე­ლოს შო­რის ჯერ უნდა მომ­ხდა­რი­ყო ეთ­ნი­კუ­რი წმენ­დის ბრალ­დე­ბის გარ­შე­მო არ­გუ­მენ­ტე­ბის გაც­ვლა მო­ლა­პა­რა­კე­ბის გზით. ჩვენ არ ვე­თან­ხმე­ბო­დით ამ პო­ზი­ცი­ას, თუმ­ცა და­ვის გა­საგ­რძე­ლებ­ლად ამ პი­რო­ბის შეს­რუ­ლე­ბა აუ­ცი­ლე­ბე­ლი იყო.

წინა ხე­ლი­სუფ­ლე­ბის დროს სა­ქარ­თვე­ლოს სა­გა­რეო საქ­მე­თა სა­მი­ნის­ტრომ ნოტა გა­დას­ცა რუ­სე­თის ფე­დე­რა­ცი­ას, სა­დაც ის ცალ­სა­ხად არის და­და­ნა­შა­უ­ლე­ბუ­ლი ქარ­თვე­ლე­ბის ეთ­ნი­კურ წმენ­და­ში, ანუ და­ი­წყო მარ­თმსა­ჯუ­ლე­ბის სა­ერ­თა­შო­რი­სო სა­სა­მარ­თლოს მიერ მი­თი­თე­ბუ­ლი პრო­ცე­სი. ხე­ლი­სუფ­ლე­ბის ცვლის შემ­დეგ ეს პრო­ცე­სი შე­ჩერ­და და მისი ბედი უც­ნო­ბია. ქალ­ბა­ტონ­მა ხი­და­შელ­მა ამა­ზეც უნდა მი­ა­წო­დოს სა­ზო­გა­დო­ე­ბას ინ­ფორ­მა­ცია.

სამ­წუ­ხა­როდ, შე­ვეჩ­ვი­ეთ ზო­გი­ერ­თი პო­ლი­ტი­კო­სის მხრი­დან მთე­ლი რიგი თე­მე­ბით სპე­კუ­ლა­ცი­ას. თუმ­ცა რუ­სეთ-სა­ქარ­თვე­ლოს ურ­თი­ერ­თო­ბე­ბი, რუ­სუ­ლი აგ­რე­სია, სა­ქარ­თვე­ლოს ტე­რი­ტო­რი­ე­ბის ოკუ­პა­ცია და ახლა უკვე ანექ­სია ის სა­კი­თხე­ბია, რო­მელ­თა გა­და­საჭ­რე­ლად უნდა გა­ერ­თი­ან­დეს ყვე­ლა. ქალ­ბა­ტო­ნი ხი­და­შე­ლის დღე­ვან­დე­ლი ეთე­რი მხო­ლოდ სა­წი­ნა­აღ­მდე­გოს აჩ­ვე­ნებს".

სერ­გი კა­პა­ნა­ძე, სა­ქარ­თვე­ლოს რე­ფორ­მე­ბის ასო­ცი­ა­ცი­ის თავ­მჯდო­მა­რე; (სა­გა­რეო საქ­მე­თა მი­ნის­ტრის ყო­ფი­ლი მო­ად­გი­ლე):

"გუ­შინ ქალ­ბა­ტო­ნი თინა ხი­და­შე­ლის მიერ რუს­თა­ვი 2-ის ეთერ­ში გა­კე­თე­ბულ გან­ცხა­დე­ბებ­თან და­კავ­ში­რე­ბით:

- სის­ხლის სა­მარ­თლის სა­ერ­თა­შო­რი­სო სა­სა­მარ­თლოს პრო­კუ­რორს გა­და­ცე­მუ­ლი აქვს რამ­დე­ნი­მე ტომი მა­სა­ლა, მათ შო­რის, და პირ­ველ რიგ­ში რუსი სამ­ხედ­რო­ე­ბის მიერ გან­ხორ­ცი­ე­ლე­ბუ­ლი ეთ­ნი­კუ­რი წმენ­დის აქ­ტებ­თან და­კავ­ში­რე­ბით! ეს მა­სა­ლე­ბი გაგ­ზავ­ნი­ლია ოფი­ცი­ა­ლუ­რად, ასე­ვე გა­და­ცე­მუ­ლია პი­რა­დი შეხ­ვედ­რე­ბის დროს ბ-ნ ოკამ­პოს­თან. ეს არის მარ­ტი­ვად გა­და­სა­მოწ­მე­ბე­ლი. ამი­ტომ, გუ­შინ ამ თე­მა­ზე, სამ­წუ­ხა­როდ, ქალ­ბა­ტო­ნი ხი­და­შე­ლი ცრუ­ობ­და;

- სა­ქარ­თვე­ლომ რუ­სე­თის წი­ნა­აღ­მდეგ სარ­ჩე­ლი შე­ი­ტა­ნა მარ­თლმსა­ჯუ­ლე­ბის სა­ერ­თა­შო­რი­სო სა­სა­მარ­თლო­ში, რო­მე­ლიც სა­სა­მარ­თლომ და­საშ­ვე­ბად არ ცნო, რად­გან მოგვ­თხო­ვა, რომ CERD-ის კონ­ვენ­ცი­ის ფარ­გლებ­ში ჯერ მო­ლა­პა­რა­კე­ბე­ბი გვე­წარ­მო­ე­ბი­ნა. ამ თე­მა­ზე რუ­სეთ­თან ორ­ჯერ გა­იც­ვა­ლა ნო­ტე­ბი 2011-2012 წლებ­ში. დღეს რა მდგო­მა­რე­ო­ბაა ამას­თან და­კავ­ში­რე­ბით, ძა­ლი­ან მა­ინ­ტე­რე­სებს. მოყ­ვა ამ პრო­ცესს გაგ­რძე­ლე­ბა? თუ ჩვენ მარ­თლმსა­ჯუ­ლე­ბის სა­სა­მარ­თლო­ში დაბ­რუ­ნე­ბა გვინ­და ეთ­ნი­კუ­რი წმენ­დის თე­მით, მა­შინ უნდა ვი­ცო­დეთ, რომ ეს დი­ა­ლო­გი უნდა ვა­წარ­მო­ოთ ჯერ და მერე დავ­ბრუნ­დეთ. ისე, ვერ დავ­ბრუნ­დე­ბით. ვა­კე­თებთ რა­მეს დღეს? ჩემი ინ­ფორ­მა­ცი­ით, არა!

- ამ რუ­სულ-აფხა­ზურ ხელ­შეკ­რუ­ლე­ბა­ზე და­სა­პი­რის­პი­რებ­ლად შეგ­ვეძ­ლო გა­მოგ­ვე­ყე­ნე­ბი­ნა მსოფ­ლიო სა­ვაჭ­რო ორ­გა­ნი­ზა­ცი­ა­ში გა­წევ­რი­ა­ნე­ბის დროს რუ­სეთ­თან და­დე­ბუ­ლი სა­ბა­ჟო მო­ნი­ტო­რინ­გის ხელ­შეკ­რუ­ლე­ბა. სა­დაა აბა ეს ხელ­შეკ­რუ­ლე­ბა ამოქ­მე­დე­ბუ­ლი? როცა სა­ერ­თა­შო­რი­სო ინ­სტრუ­მენ­ტებ­ზე და ბერ­კე­ტებ­ზე სა­უბ­რო­ბენ, ავი­წყდე­ბათ, რომ ერთ-ერთი ყვე­ლა­ზე სე­რი­ო­ზუ­ლი ბერ­კე­ტი, რო­მე­ლიც სრუ­ლი­ად არაფ­რი­დან გა­ვა­ჩი­ნეთ რუ­სეთ­თან (და­ვე­ბი მსო-შ შიგ­ნით), დღეს არ გა­მოგ­ვი­ყე­ნე­ბია და არც ვა­პი­რებთ, რო­გორც ჩანს!

- და ბო­ლოს: სა­ნამ რუ­სეთ­ზე ეკო­ნო­მი­კურ და­მო­კი­დე­ბუ­ლე­ბას ვზრდით, ეს სა­უბ­რე­ბი უბ­რა­ლოდ სა­სა­ცი­ლოა. ბოლო ორ წე­ლი­წად­ში ექ­სპორ­ტი რუ­სეთ­თან სა­ერ­თო ექ­სპორ­ტის 2%-დან 10%-მდე გა­ი­ზარ­და. ამ სის­წრა­ფით თუ გაგ­რძელ­და, ორ წე­ლი­წად­ში იმ­დე­ნად ვიქ­ნე­ბით რუ­სეთ­ზე ეკო­ნო­მი­კუ­რად და­მო­კი­დე­ბუ­ლი, რომ სრუ­ლი­ად აზრი და­ე­კარ­გე­ბა რამე სა­გა­რეო პო­ლი­ტი­კურ მცდე­ლო­ბებს, რად­გან ყვე­ლა­ზე სე­რი­ო­ზუ­ლი ბერ­კე­ტი - ხალ­ხის კე­თილ­დღე­ო­ბა ექ­ნე­ბა ხელ­ში კრემლს".