11
აპრილიდღის ზოგადი ასტროლოგიური პროგნოზი
ის დაზიანებები, რომელიც სოციალურ ქსელში გავრცელებულ ვიდეოში ჩანს, არის ფოტოშოპი, - ამის შესახებ ჟურნალისტებს ზურაბ ჟვანიას საქმეზე დაკავებულ მიხეილ ძაძამიას ადვოკატმა გელა ქენქაძემ განუცხადა. მისი თქმით, ზურაბ ჟვანიას და რაულ უსუპოვს არანაირი სიცოცხლისდროინდელი დაზიანებები არ ჰქონიათ.
"მე ვნახე მასალები და ამ მასალებიდან ირკვევა, რომ არანაირი დაზიანებები მათ არ ჰქონიათ. ზურაბ ჟვანიას ტუჩზე იყო მხოლოდ პატარა დაზიანება, ისიც უმნიშვნელო", - განაცხადა ქენქაძემ.
მისი თქმით, მისი დაცვის ქვეშ მყოფი ამ საქმეში უდანაშაულოა, რადგან ის ზურაბ ჟვანიას გარდაცვალების დროს თავის სამსახურებრივ მოვალეობას არ ასრულებდა. მისი თქმით, იმ დროს, როდესაც ძაძამია არ მუშაობდა, მისი სამსახურებრივ გულგრილობაში დადანაშაულება სრულიად უსაფუძვლოა. ამასთან, ქენქაძის განცხადებით, დღევანდელ პროცესზე დაცვის მხარე მოითხოვს, რომ ძაძამიას აღმკვეთი ღონისძიება პატიმრობა შეიცვალოს გირაოთი, 5 ათასი ლარის ოდენობით.
"მიხეილ ძაძამია ამ დროს თავის სამსახურებრივ მოვალეობას არ ასრულებდა, ის საერთოდ არ მუშაობდა. ზურაბ ჟვანიამ დაურეკა და სთხოვა, რომ მიეყვანა იმ ბინაზე - საბურთალოზე, სადაც შეხვედრებს მართავდა, მიიყვანა და წამოვიდა. შესაბამისად, მისი სამსახურებრივ გულგრილობაში დადანაშაულება სრულიად უსაფუძვლოა", - განაცხადა ქენქაძემ.
თბილისის საქალაქო სასამართლოში ამ წუთებში ზურაბ ჟვანიას საქმეზე დაკავებულების, ზურაბ ჟვანიას დაცვის ცვლის უფროსის მიხეილ ძაძამიას და დაცვის უფროსის კობა ხარშილაძის წინა სასამართლო სხდომა იწყება.
