მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ სამოსს ატარებენ ბედნიერი ადამიანები?
13:48 / 23-03-2016
დიდ ბრიტანეთში ჰარტფორდშირის უნივერსიტეტის მეცნიერებმა დაადგინეს, რომ ლურჯი ჯინსის შარვლის ხშირი ტარება დეპრესიაზე მეტყველებს. კვლევის შედეგების თანახმად, ექსპერიმენტის მონაწილეთა უმრავლესობა უგუნებოდ ყოფნის დროს ჯინსის შარვალს იცვამს. გამოკითხულთა მხოლოდ მესამედი ატარებს ჯინსის შარვალს ამაღლებული განწყობით, - ნათქვამია კვლევის შედეგებში, რომელიც უნივერსიტეტის საიტზე გამოქვეყნდა. კვლევას პროფესორი კარენ პაინი ხელმძღვანელობდა.
"ჯინსი ყველას არ უხდება. ის ხშირად ცუდად არის აჭრილი და სხეულის ფორმებს ხაზს არ უსვამს. ჯინსი იძლევა მესიჯს, რომ ადამიანს დიდად არ აღელვებს გარეგნობა. დეპრესიაში მყოფ ადამიანებს არ სურთ, სხვებისგან გამოირჩეოდნენ. ასე რომ, ჯინსსა და დეპრესიას შორის კავშირი არსებობს", - ამბობს პაინი.
ფსიქოლოგების აზრით, სამოსის არჩევასა და განწყობას შორის მჭიდრო კავშირია. მათი ვარაუდით, დეპრესიის დროს ისეთი სამოსი უნდა ატაროთ, რომლებიც ბედნიერებასთან ასოცირდება.
"ტანისამოსი არა მხოლოდ სხვის განწყობაზე მოქმედებს, არამედ ჩვენს განწყობას ირეკლავს. ექსპერიმენტის მონაწილე ქალების უმრავლესობა ამბობდა, რომ მათი განწყობა იმის მიხედვით იცვლება, თუ რა აცვიათ", - აცხადებს პროფესორი პაინი.
ბრიტანელმა სპეციალისტებმა ასევე დაადგინეს, თუ როგორ სამოსს ირჩევენ ბედნიერი ადამიანები. კარგ განწყობაზე ყოფნის დროს ფარფლიან ქუდსა და კაბას გამოკითხულ ქალთა 62% ანიჭებს უპირატესობას. კვლევამ აჩვენა, რომ კაშკაშა და ლამაზი ნაჭრები ამაღლებულ განწყობაზე მყოფ ადამიანებს იზიდავს, ამით მათ საკუთარი სხეულისა და განწყობის ხაზგასმა სურთ. დეპრესიაში მყოფი ადამიანები კი პირიქით, ფართე და მუქი ფერის სამოსს ირჩევენ.
მომზადებულია herts.ac.uk-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
