აღმოსავლეთ უკრაინაში ექვსი ძალოვანი დაიღუპა

აღმოსავლეთ უკრაინაში, ანტიტერორისტული ოპერაციის ზონაში, ბოლო დღე-ღამის განმავლობაში 6 უკრაინელი ძალოვანი დაიღუპა, 24 კი დაიჭრა. ამის შესახებ უკრაინის ეროვნული უსაფრთხოების სამსახურის წარმომადგენელმა ანდრეი ლისენკომ განაცხადა.

როგორც ანდრეი ლისენკომ განაცხადა, წუხანდელი ღამის განმავლობაში სეპარატისტებმა კიდევ უფრო დიდი დანაკლისი განიცადეს, როგორც ცოცხალი ძალების, ასევე ტექნიკის მხრივ.

ანდრეი ლისენკოს ინფორმაციით, ანტიტერორისტული ოპერაციისას აღმოსავლეთ უკრაინაში საერთო ჯამში 568 უკრაინელი სამხედრო დაიღუპა, 2 120 კი დაშავდა.