შარლიზ ტერონი და შონ პენი ქორწინდებიან

როგორც ჩანს, შარლიზ ტერონმა და შონ პენმა გადაწყვიტეს, თავიანთი ურთიერთობა ახალ საფეხურზე აიყვანონ. წყვილი ამ ზაფხულს აპირებს სამხრეთ აფრიკაში დაქორწინებას. ისინი რვა თვე ხვდებოდნენ ერთმანეთს.

”მალე სურთ დაქორწინება. ამაში არაფერია მოულოდნელი, პენი და ტერონი ერთმანეთს 18 წელია იცნობენ. ისინი გეგმავენ დიდი ზეიმის მოწყობას აფრიკაში. შარლიზი და შონი მომავალს იმედის თვალით უყურებენ”, - ყვება წყვილთან დაახლოებული პირი.

ბევრი ჟურნალისტი ფიქრობს, რომ მსახიობებს სწრაფად დაქორწინება 39 წლის შარლიზის ფეხმძიმობის გამო სურთ. ივნისში ტერონი და პენი ლოს ანჟელესში, სამედიცინო ცენტრში შენიშნეს, რომელიც საუკეთესო სპეციალისტებითაა ცნობილი. კორესპონდენტების თქმით, წყვილმა იქ ერთი საათი გაატარა. მსახიობებს აშკარად არ გაუხარდათ ფოტოკამერების დანახვა და ცდილობდნენ სახე დაეფარათ.

აღსანიშნავია ის, რომ ტერონს არაერთხელ გაუკეთებია განცხადება, რომ ოცნებობს ბავშვის გაჩენაზე. რამდენიმე უშედეგო მცდელობის შემდეგ, მსახიობმა იშვილა ფერადკანიანი ბავშვი და სახელად ჯექსონი დაარქვა.

მომზადებულია 7days.ru-ს მიხედვით.