მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვანო მერაბიშვილი - უკრაინა უკვე გათავისუფლდა პრორუსი ოლიგარქი იანუკოვიჩისგან, ჩვენ ეს ბედნიერება წინ გვაქვს
09:58 / 14-07-2014
უკრაინა უკვე გათავისუფლდა პრორუსი ოლიგარქი იანუკოვიჩისგან, ჩვენ ეს ბედნიერება წინ გვაქვს, - ამის შესახებ საქართველოს ყოფილმა პრემიერ-მინისტრმა და შინაგან საქმეთა მინისტრმა ვანო მერაბიშვილმა საპელაციო სასამართლოში 26 მაისის საქმესთან დაკავშირებით მიმდინარე პროცესზე განაცხადა.
ვანო მერაბიშვილი მიესალმა დარბაზში მყოფ უკრაინის ყოფილ შს მინისტრ იური ლუცენკოს, რომელიც დღეს მის პროცესს ესწრებოდა. მერაბიშვილის თქმით, ლუცენკომ უკვე გამოიარა ის, "სადაც დღეს ჩვენ ვდგავართ".
როგორც მერაბიშვილმა აღნიშნა, "ვარდების რევოლუცია" მოხდა ჯერ საქართველოში, შემდეგ უკრაინაში, თუმცა, უკრაინა წინ არის დემოკრატიის კუთხით. რაც შეეხება უშუალოდ სასამართლო პროცესს, მისი თქმით, ეს ისეთივე სასაცილო და სამარცხვინოა, როგორიც იყო მისი კოლეგის, ლუცენკოს შემთხვევაში. მერაბიშვილმა მიმართა მოსამართლეს და პროკურორს და უთხრა, რომ მათ შერცხვებათ ამ პროცესების გამო და ეს მათ ცხოვრებაში ყველაზე სამარცხვინო იქნება.
"მივესალმები ჩემს მეგობარს. ჩვენ კიდევ ერთად ვიბრძოლებთ და გავათავისუფლებთ ქვეყანას ოლიგარქებისა და ოკუპანტებისგან", - განაცხადა ვანო მერაბიშვილმა და პროცესი დატოვა.
პროცესი დატოვეს ასევე მისმა მხარდამჭერებმა, ოჯახის წევრებმა, "ნაციონალური მოძრაობის" ლიდერებმა, ასევე იური ლუცენკომ. ლუცენკომ დარბაზიდან გასვლისას მოსამართლეს რეპლიკით მიმართა - "თქვენ უფრო გეშინიათ, ვიდრე ვანოს" და აქვე აღნიშნა, რომ მისი პატიმრობის გადაწყვეტილების მიმღებმა მოსამართლემ 4 წლიანი სასჯელი მიიღო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
