28
მარტიდღის ზოგადი ასტროლოგიური პროგნოზი
სულ მცირე 27 პალესტინელი დაიღუპა ღაზას სექტორში ისრაელის მიერ განხორციელებული ავიაშეტევის შედეგად.
"ევრონიუსის" ინფორმაციით, დაღუპულთა შორის არიან დაჯგუფება "ისლამური ჯიჰადის" ლიდერი და მისი ოჯახის წევრები, ასევე რამდენიმე ბავშვი.
ადგილობრივ მედიაში გავრცელებული ინფორმაციით, დაშავებულია 100-ზე მეტი ადამიანი.
წუხანდელი ღამის განმავლობაში ისრაელის ჯარებმა ღაზას სექტორში 160 ობიექტზე განახორციელეს შეტევა.
ამასთან, "ჰამასის" ბოევიკებმა მანამდე ისრაელის ტერიტორიაზე სარაკეტო შეტევა განახორციელეს და დაახლოებით 120 რაკეტა გაუშვეს, რომელთაგან ერთ-ერთი საცხოვრებელ კორპუსს მოხვდა, თუმცა არავინ დაშავებულა.
"არც ერთი სხვა ქვეყანა არ ცხოვრობს ასეთი საფრთხის ქვეშ და არც ერთი სხვა ქვეყანა არ შეეგუება ასეთ საფრთხეს. ამიტომ ჩვენ მნიშვნელოვნად უნდა გავაფართოოთ ჩვენი ოპერაცია "ჰამასისა" და სხვა ტერორისტული ორგანიზაციების წინააღმდეგ", - ნათქვამია ისრაელის პრემიერ-მინისტრის ბენიამინ ნეთანიაჰუს განცხადებაში.
მომზადებულია euronews.com-ის მიხედვით.
