მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ქონებას ფლობენ ბათუმის მერობის კანდიდატები
07:06 / 29-05-2014
"საერთაშორისო გამჭვირვალობა-საქართველო" აქვეყნებს მონაცემებს, სადაც მოცემულია ბათუმის მერობის კანდიდატთა ქონების შესახებ ინფორმაცია.
"სალომე ზურაბიშვილი-საქართველოს გზის" ბათუმის მერობის კანდიდატი გოჩა გუგუნავა შეზღუდული პასუხისმგებლობის საზოგადოება GEO TRANS-ში 40%-იან წილს ფლობს.
გოჩა გუგუნავამ 2013 წლის 7 ოქტომბერს, სხვა 4 პირთან ერთად, დააფუძნა არასამეწარმეო (არაკომერციული) საქველმოქმედო ფონდი "ბათუმი", რომელიც, წესდების მიხედვით, მიზნად ისახავს სოციალურად დაუცველი ოჯახების დახმარებას, ნიჭიერი ახალგაზრდების მხარდაჭერას და ა.შ. ოფიციალური დოკუმენტების თანახმად, გოჩა გუგუნავა ამჟამად ფონდის დირექტორია. გუგუნავა კიდევ ერთი შპს-ის დირექტორი და დამფუძნებელია - შპს აჭარის პოკერის ფედერაციაში ბათუმის მერობის კანდიდატი 40%-იან წილსაც ფლობს. საზოგადოების საქმიანობის საგანი, ოფიციალური დოკუმენტების თანახმად, ფსიქოლოგიური სტრესის მოხსნა, ანალიტიკური აზროვნების ჩამოყალიბება და გარკვეული ფინანსური მოგების მიღებაა. გოჩა გუგუნავა 2010 წლის 5 თებერვალს დარეგისტრირებული შპს "აჭარა დისტრიბუშენ 2010"-ის 20%-იანი წილის მფლობელიც არის.
"ერთიანი ნაციონალური მოძრაობის" ბათუმის მერობის კანდიდატი გიორგი დიასამიძე, რომელიც ამჟამად ბათუმის საკრებულოს წევრი და საკრებულოს ჯანდაცვისა და სოციალურ საკითხთა კომისიის თავმდჯომარეა, 2013 წლის 1 ოქტომბერს შევსებული თანამდებობის პირთა ქონებრივი დეკლარაციის თანახმად, ბათუმში, კლდიაშვილის ქუჩის 13-ში ფლობს 55 კვ.მ. ფართობის ბინას, მისი მეუღლე ზეინაბ გვარიშვილი კი ავტომანქანას - 1997 წლის ტოიოტა RAV4. ამავე დეკლარაციით ირკვევა, რომ გიორგი დიასამიძემ საკრებულოს კომისიის თავმჯდომარეობიდან მიღებული შრომის ანაზღაურების გარდა, შემოსავალი საექიმო საქმიანობიდანაც მიიღო. 2012 წელს დიასამიძემ ბათუმის #1 საქალაქო საავადმყოფოში შრომითი ანაზღაურების სახით 9000 ლარი მიიღო. არც გიორგი დიასამიძე და არც მისი მეუღლე არ ფლობენ წილებს კომპანიაში და არც სამეწარმეო საქმიანობას ეწევიან.
იხილეთ ვრცლად
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
