რა უნდა ვქნათ, თუკი დიეტა არ მუშაობს

ხშირად ვარჯიშს ან დიეტას მხოლოდ მცირეხნიანი შედეგი აქვს. მას შემდეგ რაც დიეტას თავს ვანებებთ, დაკლებული კილოგრამები უკან გვიბრუნდება. გასათვალისწინებელია ისიც, რომ გამუდმებული შიმშილი ორგანიზმს გამუდმებული სტრესის ქვეშ აყენებს.

დიეტის შემდეგ, როდესაც ადამიანი სრულფასოვან კვებას იწყებს, ორგანიზმი იმის ”შიშით”, რომ კვლავ შიმშილი არ განიცადოს, მიღებულ საკვებს ”იმარაგებს”. სწორედ ამიტომაა, რომ დიეტის შემდეგ მალევე ხდება კილოგრამების დაბრუნება.

რა უნდა ვქნათ, რომ ეს მოვლენა თავიდან ავირიდოთ?

უარი თქვით მკაცრ შეზღუდვებზე - ზოგიერთი ფიქრობს, რომ პერიოდულად შიმშილი და შემდეგ სხვადასხვა აკრძალული პროდუქტების მიღება შეიძლება. თუმცა გახსოვდეთ, რომ ეს პირდაპირი გზაა ნივთიერებათა ცვლის დარღვევისკენ.

დიეტის და ფიზიკური სავარჯიშოების ეფექტურობის გაზრდისთვის, რეკომენდებულია გამოიყენოთ სპეციალური პროდუქტები და ბიოდანამატები, რომლებიც გააძლიერებენ თქვენს მეტაბოლიზმს და დაგიქვეითებენ მადას. მნიშვნელოვანია, რომ გახდომის პირველ ეტაპზე აკონტროლოთ მადა.

როგორ დავიქვეითოთ მადა?

არსებობს პროდუქტები და სასმელები, რომლებიც აჩქარებენ მეტაბოლიზმის პროცესს და აქვეითებენ მადას. მაგალითად - ნიახური, ანანასი, კოჭა, ყავა, მჟავე კომბოსტო. ასევე,  დიეტოლოგები გვირჩევენ მივიღოთ უჯრედისის შემცველი პროდუქტები (კენკროვანები, კამა...) უჯრედისი საჭმლის მომნელებელ სისტემას "ბერავს" და "დატვირთულობის" შეგრძნებას იძლევა. ამავდროულად, მას ორგანიზმიდან გამოაქვს ტოქსინები.

მთავარი წესები შემდეგია:

1. არ ჭამოთ გვიან ღამე

2. თუკი დაძინებამდე შიმშილის გრძნობა გაგიჩნდებათ, მიიღეთ ერთი ჭიქა უცხიმო კეფირი, რძე ან მინერალური წყალი.

3. დაკავდით სპორტით.

4. ან კალორიების რაოდენობა შეამცირეთ, ან გაზარდეთ ფიზიკური დატვირთვა.

5. იკვებეთ რაციონალურად, არაუმეტეს 3-4 ჯერ, ამასთან ზომიერი ულუფებით.