4
მაისიდღის ზოგადი ასტროლოგიური პროგნოზი
მას შემდეგ, რაც გიორგი თარგამაძემ "ქრისტიან დემოკრატიული მოძრაობა" დატოვა, რითიც მისი პოლიტიკური საქმიანობა დასრულდა, ახალ სფეროში გადაინაცვლა; "ქდმ"-ს ექს-ლიდერი ფერმერობას აპირებს, - იუწყება ქართული ბეჭდური მედია.
გავრცელებული ინფორმაციით, გიორგი თარგამაძე ახალი ბიზნესის წამოწყებამდე ჰოლანდიას სტუმრობდა. ვიზიტების ამსახველი ფოტო-მასალა მის Facebook გვერდზეც მოიპოვება. იქვეა ფოტოები, რომელშიც გიორგი თარგამაძე ჰოლანდიურ ძროხებთან ერთად პოზირებს. გავრცელდა ინფორმაცია, რომ თარგამაძე ჰოლანდიური ძროხების საქართველოში ჩამოყვანას აპირებს.
ფოტომასალის გავრცელების შემდეგ ინფორმაციის გადასამოწმებლად Ambebi.ge თავად გიორგი თარგამაძეს დაუკავშირდა. როგორც გიორგი თარგამაძე ამბობს, "მეგობარს ეხმარება ერთ საერთაშორისო პროექტში" და სწორედ ამ მიზნით იმყოფებოდა ჰოლანდიაში. ამასთან, ჩვენთან საუბარში აღნიშნავს, რომ ამ ეტაპზე "მხოლოდ ლექციების კითხვით და სტუდენტებთან ურთიერთობით არის დაკავებული".
