8
აპრილიდღის ზოგადი ასტროლოგიური პროგნოზი
გასული წლის 1-ელი აგვისტოდან მიმდინარე წლის 13 მარტის ჩათვლით პარლამენტის პლენარულ და საკომიტეტო სხდომებზე 1 701 გაცდენა დაფიქსირდა. ამ გაცდენების 80%-ზე დეპუტატების მხრიდან მითითებულია საპატიო მიზეზი.
ამ წუთებში საპროცესო საკითხთა და წესების საპარლამენტო კომიტეტი პლენარულ და საკომიტეტო სხდომებზე დეპუტატების დასწრების ანგარიშს განიხილავს. ანგარიში კომიტეტმა ბიუროს დავალებით და პარლამენტის თავმჯდომარის ინიციატივით მოამზადა. შემოწმდა დეპუტატების პლენარულ და საკომიტეტო სხდომებზე დასწრების სტატისტიკა და გააანალიზა გაცდენების მიზეზები, მათ შორის საპატიო გაცდენის მიზეზი.
როგორც კომიტეტის სხდომაზე კომიტეტის თავმჯდომარე გიორგი კახიანმა განაცხადა, საპატიო გაცდენებთან დაკავშირებით ყველაზე მაღალი მაჩვენებელია ოჯახური მდგომარეობის გამო გაცდენა, რაც 61%-ს შეადგენს, 16%-ია გაცდენა მივლინების გამო, 9% - ავადმყოფობის გამო, 1% - შვებულების გამო, ხოლო 4% - პოლიტიკური შეხედულებების გამო. ასევე გამოიკვეთა გაცდენის რეგლამენტით გაუთვალისწინებელი შემთხვევები. კომიტეტის თავმჯდომარემ აღნიშნა, რომ გამოიკვეთა ისეთი სურათი, როდესაც პარლამენტის წევრი მიუთითებს, რომ ის კომიტეტის სხდომას ვერ ესწრება ოჯახური მდგომარეობის გამო, მაგრამ იმავე დღეს ის მონაწილეობას იღებს პლენარულ სხდომაში.
