"ძირეული ცვლილებების პერიოდი გეწყებათ" - როგორი იქნება ზაფხულის ბოლო თვე თხის რქებისთვის და რა სიახლეები გელით ცხოვრების სხვადასხვა სფეროში

ძირეული ცვლილებების პერიოდი გეწყებათ. მოგინდებათ ფსიქოლოგიაში (პირად და გარშემო მყოფების) უკეთ გარკვევა. იმუშავეთ საკუთარი თავის გაუმჯობესებაზე. მოიმატებს ემოციურობა, მგრძნობელობა და ეცადეთ, მაქსიმალურად მოთოკოთ საკუთარი თავი. კარგად იგრძნობთ გარშემო მყოფების ენერგეტიკას, ან ისინი გამოავლენენ ნამდვილ სახეს.

სწავლა, ბიზნესი, კონტაქტები

გაგიმძაფრდებათ ინტერესი ყველაფერი ფარულისა და საიდუმლოსადმი. დეტექტიური, მისტიკური ჟანრის წიგნების წაკითხვა გაგიტაცებთ ან შეიძლება დეტექტიურ სიტუაციებში გაეხვიოთ, სექსუალურობისკენ გადახრით. მოგინდებათ საკუთარი თავისა და პარტნიორების გადაკეთება. თვის ბოლოს გააუმჯობესეთ დამოკიდებულება უცხოელ პარტნიორებთან, ზოგიერთმა შეიძლება ფულიც კი მიიღოთ საზღვარგარეთიდან, გაემგზავროთ საზღვარგარეთ სასწავლებლად, სამუშაოდ.

ფული და სიყვარული

მოგინდებათ რომანტიკული ურთიერთობის გაბმა უცხოელთან ან საზღვარგარეთ მოგზაურობის დროს გელით რომანტიკული თავგადასავალი. 17 აგვისტოს შემდეგ მარტოხელმა შეიძლება რომანი გააბათ კოლეგასთან, საქმიან პარტნიორთან. აგვისტოში შანსი გაქვთ, დაფინანსება მიიღოთ უცხოეთიდან. ზოგიერთი ოფიციალურ ქორწინებას გადაწყვეტს.

ჯანმრთელობა

ენერგიის მოზღვავებას იგრძნობთ. მოგემატებათ ოპტიმიზმი, იუმორის გრძნობა, სიცოცხლის ხალისი. მძაფრად განიცდით ინტრიგებს, უსამართლობას. სამსახურის საქმეების გამო პირად ცხოვრებას გვერდზე ნუ ჩააჩოჩებთ. რაც შეეხება ჯანმრთელობას, თავს თუ გაუფრთხილდებით, საფრთხეები არ გელით.

8 აგვისტოს შემდეგ მოაგვარეთ ფინანსური საკითხები. გადაწყვეტთ ძირეულ ცვლილებებს და პირველ რიგში, საკუთარ თავში. უნდა ისწავლოთ კრიზისებთან გამკლავება. გაგიმრავლაფეროვნდებათ სექსუალური ცხოვრება.

22 აგვისტოს შემდეგ მოაგვარეთ ფინანსური საკითხები. შეიძლება ფული მიიღოთ ადრე შესრულებული საქმისთვის. გადახედეთ ბიუჯეტს. აკონტროლეთ შემოსვალ-გასავალი. შანსი მოგეცემათ, შეიძინოთ ნივთი, რისთვისაც დიდი ხნის განმავლობაში აგროვებდით თანხას.