მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას უნდა ველოდოთ მწვანე დრაკონისგან
17:49 / 27-10-2023
ახალი წლის დადგომამდე სულ ცოტა დრო რჩება და ალბათ თითოეული ჩვენგანი ფიქრობს: რას უნდა ველოდოთ 2024 წლიდან, რას მოგვიტანს დრაკონის წელი?.. მთლიანობაში, ეს იქნება წარმატებული, ნაყოფიერი პერიოდი, რომელიც აგავსებთ ამბიციითა და თავდაჯერებულობით. შეძლებთ ახალ დონეს მიაღწიოს მუშაობაში. ზოგიერთი გეგმა წარმატებით განხორციელდება, თუ მოთმინებასა და ენთუზიაზმს გამოავლენთ, ბევრი შანსი გექნებათ დაიკავოთ სათანადო ადგილი.
ხის მწვანე დრაკონის წელი დადგება 10 თებერვალს, 2:59 საათზე და გაგრძელდება 2025 წლის 29 იანვრამდე. გველოდება მშვიდობა და სიკეთე. მეომარი მხარეები, პოლიტიკურ ასპარეზზე თუ პირად ცხოვრებაში, მივლენ საბოლოო კომპრომისამდე. აღმოსავლეთში დრაკონი ხომ სულიერი წონასწორობისა და აღორძინების სიმბოლოა. ბევრი დადებითი ცვლილებაა მოსალოდნელი ეკონომიკურ და პროფესიულ სფეროში. დაოჯახებულების ცხოვრებაში მოსალოდნელია ბავშვის დაბადება.
2024 წელს არავინ დარჩება უსაქმოდ, უნდა დაივიწყოთ მოწყენილობა და რუტინა. პირიქით, გააქტიურდით, და აიღეთ ახალი პროექტი. მარტოხელებს გელოდებათ რომანტიკული ნაცნობობა, სიყვარული, წარმოუდგენელი თავგადასავლები. დრაკონის წელი მოწყენის საშუალებას არ მოგცემთ. ერთადერთი, რასაც უნდა მოერიდოთ, არის რისკები და თაღლითობა. არ მოაწეროთ ხელი გარიგებებს, თუ მათი პირობები საეჭვოა; არ დაიწყოთ თანამშრომლობა ადამიანებთან, რომელთა პატიოსნებაშიც დარწმუნებული არ ხართ.
ჩინურ ასტროლოგიაში ხუთი დრაკონია. ყველაზე ცნობისმოყვარე, მშვიდობიანი და კრეატიული არის მწვანე ხის დრაკონი , რომლის წელიც მოდის. მას უყვარს სწავლა, ექსპერიმენტები, საზოგადოებაში თაყვანს სცემენ, რადგან უყვარს ლაპარაკი და ხალისიანია. მაგრამ უნდა გვახსოვდეს, რომ დრაკონი მკაცრი და გაბედული არსებაა. ჯობია არ გააბრაზოთ. მოგვიწევს მის განწყობასა და სურვილებთან ადაპტაცია.
პლუტონი თხის რქიდან გადავა და შეგვეძლება ვენდოთ ხელისუფლების მშვიდობიან ქმედებებს, ეკონომიკური კრიზისი აღმოიფხვრება. ცვლილებები თანდათანობით მოხდება, სწრაფი შედეგების იმედი არ უნდა გვქონდეს. მხოლოდ შემოდგომის ბოლოს დაწყნარდება სიტუაცია, როცა პლუტონი საბოლოოდ გადავა მერწყულში. ბევრი თავს უკეთ და თავდაჯერებულად იგრძნობს.
ადამიანებს შეეძლებათ თავისუფლად გადაადგილება მთელ მსოფლიოში. ზოგიერთი ადამიანის შესახებ გაირკვევა დამალული ინფორმაცია. იმ პირების ვინაობა, ვინც პოლიტიკურ ასპარეზზე ქაოსურად ან უსამართლოდ მოიქცა, საჯარო გახდება. ილუზორული სამყარო დაინგრევა, პრიორიტეტები სხვაგვარად დაისახება. უკვე 2025 წელს, როცა პლუტონი სატურნთან ასპექტს შექმნის, ჰარმონიული პერიოდი დაიწყება.
ურანი კუროში იქნება, რაც სამწუხაროდ, მატერიალურ სტაბილურობაზე იმოქმედებს, უნდა მოერგოთ ბაზრის ტენდენციებს, რომლებიც მუდმივად შეიცვლება, იქნება ეკონომიკური და სავალუტო რყევები. ფინანსურ სექტორში შესაძლებელია ზარალი. ეს იმაზეც მეტყველებს, რომ სულიერი ფასეულობები და შემოქმედებითი აზროვნება მეტად უნდა დაფასდეს.
იუპიტერი კუროში 2024 წლის 26 მაისამდე იქნება. რაც კარგ გავლენას მოახდენს სამიწათმოქმედო და სოციალურ სფეროებზე. ხოლო როცა იუპიტერი ტყუპში გადავა, ძალაუფლებაში ძლიერი და ახალგაზრდა ლიდერები მოვლენ. ბევრ ადამიანს მოუნდება გახდეს უფრო მნიშვნელოვანი სხვებისთვის. პლანეტის ტრანზიტი სხვადასხვა გარემოსთან ადაპტაციისა და კონტაქტების გაძლიერების უნარს, პრობლემების მარტივად გადაჭრის საშუალებას მოგცემთ. თუმცა, არ არის გამორიცხული ჭორაობა, არაკეთილსინდისიერების ინტრიგები. ამ ყველაფრისგან თავი შორს უნდა დაიჭიროთ.
ნეპტუნი თევზებში იქნება. რაც ადამიანებში გაზრდის მეოცნებეობას, სულიერებას, შეავსებს მათ სიყვარულითა და შემოქმედებითი შთაგონებით. კინემატოგრაფია და ფოტოინდუსტრია წარმატებით განვითარდება.
დრაკონის წელი ნაკიანი იქნება. რას ნიშნავს ეს? იმას, რომ 2024 წლის თებერვალში 29 დღე იქნება და არა 28. რატომ ხდება ეს? დედამიწა მზის გარშემო ბრუნვას ანდომებს: 365 დღეს, 5 საათს 48 წუთს 46 წამს. ნაკიან წელიწადში კი 366 დღეა. 6-საათიანი სხვაობის ასანაზღაურებლად კალენდარს ყოველ 4 წელიწადში ემატება ერთი დღე. ძველად, ნაკიანი წელი ადამიანებში იწვევდა შიშს. რადგან ამ პერიოდში ხშირად ხდებოდა კატასტროფები, უბედური შემთხვევები, სტიქიური უბედურებები, ეპიდემიები... გირჩევთ, სიმშვიდე შეინარჩუნოთ და თუ შესაძლებელია, მოერიდეთ ძვირად ღირებული ნივთების შეძენას, გარიგებების დადება, ქორწინების რეგისტრაციას, არ არის მიზანშეწონილი სახლის გაყიდვა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
