მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას მოგვიტანს ახალმთვარეობა ქალწულში და ვისზე იმოქმედებს ყველაზე მეტად
18:07 / 02-09-2024
3 სექტემბერს 5:55-ზე ახალმთვარეობა გველოდება პრაქტიკული ქალწულის მეთორმეტე გრადუსში. ახალმთვარეობის ენერგიები აქტუალური იქნება 2 ოქტომბრამდე. მთვარის ამ თვეში უნდა მოვაგვაროთ ჩვენი რუტინული ყოველდღიური საქმეები, როგორც სამსახურში, ასევე სახლში; საყოფაცხოვრებო. საკუთარი ჯანმრთელობისა და საყვარელი ადამიანების ჯანმრთელობაზე მეტი ზრუნვა გვმართებს. შინაური ცხოველებიც მეტ ყურადღებასა და მოვლას საჭიროებენ.
საუკეთესო პერიოდია ინფორმაციის დამუშავების, ანალიტიკის, გამოთვლების, საბუთების და სამუშაო საკითხების მოსაწესრიგებლად. აღსანიშნავია ისიც, რომ ქალწულის მმართველი - მერკური რეტროგრადული სვლიდან გამოვიდა და 26 სექტემბრამდე თავის ნიშანში დარჩება.
მთვარის ეს თვე ასევე კარგია ვიტამინების, დიეტური დანამატების კურსის ან დაბერების საწინააღმდეგო კოსმეტიკური პროცედურების ჩასატარებლად, რეჟიმის დასამყარებლად, ეფექტური ყოველდღიური რუტინის შესაქმნელად. სავარაუდოდ, ამ დროს ჩვენი უფროსი ნათესავებიც მოითხოვენ ყურადღებას.
ახალმთვარეობაზე მზესა და მთვარეს უპირისპირდება სატურნი, რომელიც ქმნის შეზღუდვებისა და დაბრკოლებების ენერგიებს და გვიწესებს ვალდებულებებს. ბევრი ჩვენგანი სექტემბრის დასაწყისში აღმოჩნდება ფაქტიურად "ბორკილებით" გარკვეული გარემოებების ან რეჟიმის გამო. გაჭიანურდება დაგროვილი პრობლემურ ამოცანების მოგვარება. ნუ გექნებათ იმის იმედი, რომ რაღაც თავისით გამოვა, ვინმე დაგეხმარებათ. ყველაფერს ბეჯითი შრომით მიაღწევთ.
ახალმთვარეობაზე ვენერა სასწორშია ლილიტთან (შავი მთვარე) და დაღმავალი კარმულ კვანძთან. ვენერა სასწორში ისწრაფვის ჰარმონიის, ამაღლებული გრძნობების, სილამაზისა და ესთეტიკისკენ. თუმცა, ლილიტის გავლენით შეიძლება განვიცდიდეთ ძლიერ ფსიქოლოგიურ მოთხოვნილებას სიყვარულისა და ურთიერთობების მიმართ. ჩვენი ნებისმიერი სურვილის, მათ შორის ფარულის ასრულებას, სილამაზის, იმიჯის და სტილის საკითხებზე დაფიქსირებასა და ცდუნებას.
ახალმთვარეობის მეორე დღეს მარსი კირჩხიბში გადავა და უსიამოვნო ასპექტს შექმნის ნეპტუნთან. მარსი მოგვიწოდებს ყოველდღიური ოჯახური და საყოფაცხოვრებო საკითხების მოგვარებას. ნეპტუნთან ასპექტი ასევე ხელს უწყობს ფანატიზმს საქმიანობაში. იყავით ყურადღებიანი, თაღლითები სხვადასხვა სახის ფანატიკოსები გააქტიურდებიან.
ახალმთვარეობის დღეს, ტრადიციულად კარგია მომავლის გეგმების, მიზნებისა და ამოცანების ჩამოწერა. თანაც, მერკური რეტროგრადული სვლიდან უკვე გამოსულია. მზარდი მთვარის პერიოდი - 3-დან 18 სექტემბრამდე - კარგია ახალი წამოწყებისთვის, კლებადი მთვარის პერიოდი - 18 სექტემბრიდან 2 ოქტომბრამდე - კარგია მზარდ მთვარეზე დაწყებული საქმეების დასასრულებლად.
ვისზე იმოქმედებს ახალმთვარეობა ყველაზე მეტად?
კუროს, თხის რქას, კირჩხიბს და მორიელს ახალი ხელსაყრელი შესაძლებლობები და შანსები გეძლევათ რაიმე ახალი წამოწყებისთვის და არ იზარმაცოთ.
ქალწული, თევზები, ტყუპი და მშვილდოსანი შეიძლება წააწყდნენ პრობლემებს, სირთულეებს, დაბრკოლებებს და შეზღუდვებს, რომლებიც საჭიროებენ დაფიქრებას, მათ გადაჭრას ძალისა და რესურსების გამოყენებით, მოთმინებისა და გამძლეობის გამოვლენის ან არჩევანის გაკეთების.
ბედნიერ ახალმთვარეობას გისურვებთ!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
