"სა­ა­კაშ­ვი­ლი პრე­ზი­დენ­ტის პოსტს და­ტო­ვებს, რო­გორც სა­ქარ­თვე­ლოს ჯორჯ ვა­შინგტო­ნი, რად­გან მან უხელ­მძღვა­ნე­ლა დე­მოკ­რა­ტი­ა­ში გა­დას­ვლას რე­გი­ონ­ში, სა­დაც არ­ჩე­უ­ლი ლი­დე­რე­ბი ძა­ლი­ან ხში­რად დიქ­ტა­ტო­რე­ბი ხდე­ბი­ან" - ეს სტრი­ქო­ნე­ბი რამ­დე­ნი­მე თვის წინ, გავ­ლე­ნი­ან ამე­რი­კულ გა­მო­ცე­მა­ში, "უოლ-სტრიტ ჯორ­ნალ­ში"და­ი­ბეჭ­და. და­სავ­ლურ პრე­სა­ში გა­მოქ­ვეყ­ნე­ბუ­ლი მსგავ­სი სტა­ტი­ე­ბი სა­ქარ­თვე­ლო­ში არა­ერ­თხელ გამ­ხდა­რა ცხა­რე კა­მა­თის სა­გა­ნი: სა­ზო­გა­დო­ე­ბა მსჯე­ლობ­და და მსჯე­ლობს, - რა იყო ეს, - ჟურ­ნა­ლის­ტის პი­რა­დი მო­საზ­რე­ბა თუ და­ქი­რა­ვე­ბუ­ლი ლო­ბის­ტუ­რი ჯგუ­ფე­ბის მუ­შა­ო­ბის შე­დე­გი?

ფაქ­ტია, რომ წინა ხე­ლი­სუფ­ლე­ბა პი­არს ძა­ლი­ან კარ­გად იყე­ნებ­და და ამას ვე­რა­ვინ უარ­ყოფს. თა­ვი­ანთ ოპო­ნენ­ტებს "ნა­ცი­ო­ნა­ლე­ბი"არა­ერ­თგზის გა­უკ­რი­ტი­კე­ბი­ათ პი­არ­ში და­ხარ­ჯუ­ლი მი­ლი­ო­ნე­ბის გამო, რად­გან ლო­ბის­ტუ­რი მომ­სა­ხუ­რე­ბა მთელ მსოფ­ლი­ო­ში საკ­მა­ოდ ძვი­რია. ქარ­თველ სა­ზო­გა­დო­ე­ბა­ში ხში­რად სა­უბ­რო­ბენ იმა­ზე, რომ პი­ა­რის მხრივ ახ­ლან­დე­ლი ხე­ლი­სუფ­ლე­ბა მო­ი­კოჭ­ლებს და ამ მი­მარ­თუ­ლე­ბით "ნა­ცი­ო­ნა­ლე­ბი"გა­ცი­ლე­ბით უკეთ მუ­შა­ობ­დნენ. ამ თე­მა­ზე პი­ა­რის ექ­სპერ­ტი, ელ­დარ პირ­მი­საშ­ვი­ლი გვე­სა­უბ­რე­ბა:

- წინა ხე­ლი­სუფ­ლე­ბა პი­ა­რის მე­თო­დებს მარ­თლა კარ­გად იყე­ნებ­და, ზოგ­ჯერ გა­და­ჭარ­ბე­ბი­თაც კი, რაც სა­ზო­გა­დო­ე­ბის გა­ღი­ზი­ა­ნე­ბა­საც იწ­ვევ­და. მით უმე­ტეს, რომ მათი პი­ა­რი ხში­რად რე­ა­ლო­ბას იყო აც­დე­ნი­ლი: თუ ადა­მი­ა­ნი მხო­ლოდ ლა­პა­რა­კობს და შე­დე­გი არ ჩანს, რა­საკ­ვირ­ვე­ლია, მას ხალ­ხი აღარ და­უ­ჯე­რებს, თუმ­ცა პი­ა­რი ხშირ შემ­თხვე­ვა­ში მი­ზანს მა­ინც აღ­წევს.

- ეთან­ხმე­ბით მო­საზ­რე­ბას, რომ "ქარ­თუ­ლი ოც­ნე­ბა"პი­არს ისე კარ­გად არ თუ ვერ იყე­ნებს, რო­გორც "ნა­ცი­ო­ნა­ლუ­რი მოძ­რა­ო­ბა"?

- ერ­თმნიშ­ვნე­ლოვ­ნად ვერ ვი­ტყვით, რომ ახა­ლი მთავ­რო­ბა არ იყე­ნებს ამ ხერ­ხს. საქ­მე ის გახ­ლავთ, რომ ახა­ლი ხე­ლი­სუფ­ლე­ბა და­აკ­ვირ­და სი­ტუ­ა­ცი­ას, რო­მე­ლიც ქვე­ყა­ნა­ში დახ­ვდა, და­აკ­ვირ­და სა­ზო­გა­დო­ე­ბის სხვა­დას­ხვა ჯგუ­ფის გან­წყო­ბას, კრი­ტი­კუ­ლად გა­ა­ა­ნა­ლი­ზა წინა მთავ­რო­ბის გა­მოც­დი­ლე­ბა და პი­ა­რის აქ­ტი­უ­რად გა­მო­ყე­ნე­ბა სა­ჭი­როდ აღარ მი­იჩ­ნია. თუმ­ცა, ამ ერთ წე­ლი­წად­ში "ქარ­თუ­ლი ოც­ნე­ბის"წარ­მო­მად­გენ­ლე­ბი მიხ­ვდნენ, რომ პი­ა­რიც სა­ჭი­რო ყო­ფი­ლა თუნ­დაც იმის­თვის, რომ ხე­ლი­სუ­ფალ­მა ხალ­ხს ინ­ფორ­მა­ცია მი­ა­წო­დოს. იქ, სა­დაც არ არ­სე­ბობს ინ­ფორ­მა­ცია, ჩნდე­ბა ჭო­რე­ბი, ჭორი კი ამა­ხინ­ჯებს სი­ნამ­დვი­ლეს და ხელს უშ­ლის მის აღ­ქმას. ახა­ლი მთავ­რო­ბა თან­და­თან მიხ­ვდა, რომ რე­ი­ტინ­გი და­უ­ვარ­დე­ბა, თუ პიარ-სა­შუ­ა­ლე­ბებს არ გა­მო­ი­ყე­ნებს და ძა­ლი­ან ზო­მი­ე­რად, მაგ­რამ ნელ-ნელა უკვე და­ი­წყო ამ ხერ­ხის გა­მო­ყე­ნე­ბა. ვფიქ­რობ, ეს პრო­ცე­სი მო­მა­ვალ­ში უფრო გა­აქ­ტი­ურ­დე­ბა, რად­გან სა­არ­ჩევ­ნო პე­რი­ო­დი ახ­ლოვ­დე­ბა. აქვე უნდა ვთქვა: აქ­ტი­უ­რი პი­ა­რი არ გუ­ლის­ხმობს მხო­ლოდ მე­დი­ა­სა­შუ­ა­ლე­ბე­ბის გა­მო­ყე­ნე­ბას, აქ იგუ­ლის­ხმე­ბა პირ­და­პი­რი და არა­პირ­და­პი­რი პი­ა­რიც - შეხ­ვედ­რე­ბის ორ­გა­ნი­ზე­ბა, ამ შეხ­ვედ­რებ­ზე მე­სი­ჯე­ბი­სა და სხვა­დას­ხვა ტი­პის აქ­ტი­ვო­ბის გა­მომ­ზე­უ­რე­ბა და ა.შ. სხვა­თა შო­რის, ძველ მთავ­რო­ბას ეს ყვე­ლა­ფე­რი კარ­გად გა­მოს­დი­ო­და და სის­ტე­მა­ში ჰქონ­და მოყ­ვა­ნი­ლი.

- ბა­ტო­ნო ელ­დარ, უნდა ვა­ღი­ა­როთ, რომ ქარ­თველ­მა სა­ზო­გა­დო­ე­ბამ ძნე­ლად მი­ი­ღო ახა­ლი პრე­ზი­დენ­ტის იმი­ჯი: გი­ორ­გი მარ­გვე­ლაშ­ვი­ლი დღემ­დე იშ­ვი­ა­თად ჩნდე­ბა მე­დი­ა­ში, ზედ­მე­ტად არ აქ­ტი­უ­რობს და არც ყუ­რა­დღე­ბის მი­პყრო­ბას ცდი­ლობს. წამ­გე­ბი­ა­ნი ხომ არ არის მის­თვის ეს პო­ზი­ცია?

- ახალ­მა პრე­ზი­დენ­ტმა მარ­თლაც შე­იქ­მნა იმი­ჯი, რო­მე­ლიც სა­ა­კაშ­ვი­ლის­გან მკვეთ­რად გან­სხვა­ვე­ბუ­ლია, ის ზედ­მე­ტად არ აქ­ტი­უ­რობს და მეტ-ნაკ­ლე­ბად მოკ­რძა­ლე­ბუ­ლია. მარ­გვე­ლაშ­ვილ­მა ეს თა­ვი­დან­ვე გან­სა­ზღვრა და სა­კუ­თა­რი პი­როვ­ნე­ბი­სად­მი ინ­ტე­რე­სი არ გა­ამ­ძაფ­რა, რაც წინა პრე­ზი­დენ­ტის­გან რა­დი­კა­ლუ­რად გან­სხვა­ვე­ბუ­ლი პო­ზი­ცი­აა. თა­ვი­დან ამან სა­ზო­გა­დო­ე­ბა გა­აკ­ვირ­ვა, მაგ­რამ თან­და­თან მა­ინც შე­ეჩ­ვია აზრს, რომ მარ­გვე­ლაშ­ვი­ლი სა­ა­კაშ­ვი­ლი­სა­გან თვი­სებ­რი­ვად გან­სხვა­ვე­ბუ­ლი პრე­ზი­დენ­ტია. თა­ნაც, არ უნდა დაგ­ვა­ვი­წყდეს, რომ პრე­ზი­დენ­ტის იმი­ჯის შექ­მნა­ზე თა­ვი­დან სხვებ­მაც იმუ­შა­ვეს: ყვე­ლა­ზე აქ­ტი­უ­რად კი - ბი­ძი­ნა ივა­ნიშ­ვილ­მა. თით­ქოს პო­ლი­ტი­კო­სე­ბი გვე­უბ­ნე­ბი­ან, რომ ჩვე­ნი ქვეყ­ნის პრე­ზი­დენ­ტი არ იქ­ნე­ბა ისე­თი აქ­ტი­უ­რი, რო­გო­რიც სა­ა­კაშ­ვი­ლი იყო. შე­იძ­ლე­ბა, ეს იმი­ტო­მაც ხდე­ბა, რომ პრე­ზი­დენ­ტის როლი ქვე­ყა­ნა­ში თან­და­თან და­იკ­ლებს, ხოლო პრე­მი­ე­რის - გა­იზ­რდე­ბა. შე­სა­ბა­მი­სად, ამ პერ­სო­ნებ­მა კონ­კუ­რენ­ცია არ უნდა გა­უ­წი­ონ ერ­თმა­ნეთს.

- რა როლი ეკის­რე­ბა მე­დი­ას ამა თუ იმ პი­როვ­ნე­ბის ან პრო­ცე­სის "გა­პი­ა­რე­ბის"დროს?

- მე­დია ამ საქ­მე­ში ძა­ლი­ან დიდ როლს ას­რუ­ლებს, ვი­ნა­ი­დან ის არის მე­დი­ა­ტო­რი სა­ზო­გა­დო­ე­ბა­სა და ორ­გა­ნი­ზა­ცი­ებს შო­რის. რო­დე­საც ამა თუ იმ პრო­ცეს­ში მე­დი­აც არის ჩარ­თუ­ლი, მას­ში მთე­ლი სა­ზო­გა­დო­ე­ბა ერ­თვე­ბა და ინ­ფორ­მა­ცი­ის ხალ­ხთან მი­ტა­ნა უფრო იოლ­დე­ბა. შე­სა­ბა­მი­სად, ძალ­ზე მნიშ­ვნე­ლო­ვა­ნია გა­მო­ი­ყე­ნონ ის მე­დი­ა­სა­შუ­ა­ლე­ბე­ბი, რო­მელ­თა სან­დო­ო­ბის ხა­რის­ხიც მა­ღა­ლია. "ნა­ცი­ო­ნა­ლე­ბი"ამ ხერ­ხს შე­უ­და­რებ­ლად იყე­ნებ­დნენ. პი­ა­რის­თვის მნიშ­ვნე­ლო­ვა­ნია არა მარ­ტო ის, თუ რას ვამ­ბობთ, არა­მედ რას ვა­კე­თებთ და რა შე­დეგს ვი­ღებთ. ასე­ვე მნიშ­ვნე­ლო­ვა­ნია, როცა სა­კუ­თარ თავს ჩვენ კი არ ვა­ქებთ, არა­მედ სხვა, და­მო­უ­კი­დე­ბე­ლი წყა­რო გვა­ქებს, - უმ­ჯო­ბე­სია, ეს იყოს პო­პუ­ლა­რუ­ლი გა­ზე­თი, ჟურ­ნა­ლი ან ტე­ლე­ვი­ზია. ლო­ბის­ტე­ბი ამ ტი­პის სა­მუ­შა­ო­ში სო­ლი­დურ თან­ხას იღე­ბენ. მა­გა­ლი­თად, ამ ცოტა ხნის წინ სი­რი­ის სა­კი­თხის გამ­წვა­ვე­ბის გამო ვლა­დი­მირ პუ­ტინ­მა ამე­რი­კულ ლო­ბის­ტურ კომ­პა­ნი­ას კო­ლო­სა­ლუ­რი თან­ხა გა­და­უ­ხა­და - და­ახ­ლო­ე­ბით 200 მი­ლი­ონ დო­ლა­რამ­დე. რუ­სეთ­ში ყვე­ლა­ნა­ი­რად ცდი­ლობ­დნენ, რომ ამ თე­მა­ზე აშშ-ის მო­სახ­ლე­ო­ბის აზრი შეც­ვლი­ლი­ყო და მი­ზანს მარ­თლაც მი­აღ­წი­ეს. სა­ერ­თოდ, პი­ა­რი ძა­ლი­ან მნიშ­ვნე­ლო­ვა­ნი ია­რა­ღია იმი­სათ­ვის, რომ ამა თუ იმ სა­კი­თხის ირ­გვლივ სა­ზო­გა­დო­ებ­რი­ვი აზრი შე­იც­ვა­ლოს და ცუდი ამა­ში არა­ფე­რია. ლო­ბის­ტუ­რი ჯგუ­ფე­ბი მუ­შა­ო­ბენ, შეხ­ვედ­რებს მარ­თა­ვენ, სი­უ­ჟე­ტებს ამ­ზა­დე­ბენ, სტა­ტი­ებს წე­რენ, რაც მიზ­ნად მათ­თვის სა­სურ­ვე­ლი შე­დე­გის მიღ­წე­ვას ისა­ხავს. თუმ­ცა ბუ­ნებ­რი­ვია, რომ გა­და­ჭარ­ბე­ბუ­ლი არა­ფე­რი ვარ­გა და მათ შო­რის - ზედ­მე­ტი პი­ა­რიც.

- არ­ჩევ­ნე­ბი ახ­ლოვ­დე­ბა. ამ ეტაპ­ზე რო­გორ იყე­ნე­ბენ პი­ა­რის ხე­ლოვ­ნე­ბას "ნა­ცი­ო­ნა­ლე­ბი"და "ქარ­თუ­ლი ოც­ნე­ბა"?

- ამ ეტაპ­ზე ქარ­თვე­ლი პო­ლი­ტი­კო­სე­ბი პი­არს აქ­ტი­უ­რად არ იყე­ნე­ბენ, მაგ­რამ არ­ჩევ­ნე­ბი მარ­თლაც მოგ­ვი­ახ­ლოვ­და და ეს მე­თო­დი აუ­ცი­ლებ­ლად დას­ჭირ­დე­ბათ. არ­ჩევ­ნე­ბამ­დე გარ­კვე­უ­ლი იმი­ჯის შექ­მნა პო­ლი­ტი­კო­სის­თვის ძა­ლი­ან მნიშ­ვნე­ლო­ვა­ნია, მით უმე­ტეს, რომ პო­ლი­ტი­კო­სის მო­ვა­ლე­ო­ბაა სა­ზო­გა­დო­ე­ბის ინ­ფორ­მი­რე­ბა არა მარ­ტო ქვეყ­ნის შიგ­ნით, არა­მედ სა­გა­რეო ას­პა­რეზ­ზე. მათ უცხო­ელ პარტნი­ო­რებს უნდა მი­ა­წო­დონ ინ­ფორ­მა­ცია, რა ხდე­ბა ქვე­ყა­ნა­ში, რა რე­ფორ­მე­ბი მიმ­დი­ნა­რე­ობს, ვინ არის ამ რე­ფორ­მე­ბის მომ­ხრე თუ მო­წი­ნა­აღ­მდე­გე და ა.შ. ძალ­ზე მნიშ­ვნე­ლო­ვა­ნია ამ პრო­ცეს­ში ექ­სპერ­ტე­ბის ჩარ­თვაც. პი­ა­რი ერთ-ერთი სე­რი­ო­ზუ­ლი და მძლავ­რი ია­რა­ღია სა­ზო­გა­დო­ებ­რი­ვი აზ­რის შე­საქ­მნე­ლად.

- თუმ­ცა ოქ­ტომ­ბრის არ­ჩევ­ნე­ბის დროს "ქარ­თულ ოც­ნე­ბას"სე­რი­ო­ზუ­ლი პიარ-კამ­პა­ნია არც დას­ჭირ­ვე­ბია, ისე გა­ი­მარ­ჯვა.

- სხვა­თა შო­რის, 2013 წლის ოქ­ტომ­ბრის არ­ჩევ­ნე­ბამ­დე "ქარ­თულ­მა ოც­ნე­ბამ"აქ­ტი­უ­რად მი­მარ­თა ცნო­ბი­ლი სახე­ების გა­მო­ყე­ნე­ბის მე­თოდს, რო­მე­ლიც მთელ მსოფ­ლი­ო­ში აპ­რო­ბი­რე­ბუ­ლია და კარ­გად მუ­შა­ობს, გა­მო­ი­ყე­ნეს პი­ა­რის სხვა მე­თო­დე­ბიც. ერთი სი­ტყვით, პი­ა­რის ხე­ლოვ­ნე­ბას ეს მთავ­რო­ბაც მი­მარ­თავს, მაგ­რამ გა­ცი­ლე­ბით ზო­მი­ე­რად და და­ფიქ­რე­ბუ­ლად იმი­ტომ, რომ იცის: ჩვენს სა­ზო­გა­დო­ე­ბას ცოტა არ იყოს, მტრუ­ლი და­მო­კი­დე­ბუ­ლე­ბა აქვს პი­არ­ზე თან­ხის და­ხარ­ჯვა­ზე. მაგ­რამ ხალ­ხმა არ უნდა და­ი­ვი­წყოს, რომ ამა თუ იმ ქვეყ­ნის, პო­ლი­ტი­კუ­რი პარ­ტი­ი­სა თუ მთავ­რო­ბის იმი­ჯის შექ­მნას ყო­ველ­დღი­უ­რი საქ­მი­ა­ნო­ბა სჭირ­დე­ბა და ლო­ბის­ტუ­რი კომ­პა­ნი­ე­ბი სწო­რედ ამა­ზე არი­ან ორი­ენ­ტი­რე­ბუ­ლი. სა­ქარ­თვე­ლო­ში არ­ჩევ­ნე­ბის­თვის მზა­დე­ბის პე­რი­ო­დია, ამი­ტომ ჯერ­ჯე­რო­ბით რთუ­ლია შე­ვა­ფა­სოთ, რა და რო­გორ იქ­ნე­ბა, მაგ­რამ ფაქ­ტია, რომ ორი­ვე მხა­რე ემ­ზა­დე­ბა და ალ­ბათ რამ­დე­ნი­მე კვი­რა­ში უკვე რე­ა­ლუ­რი კამ­პა­ნი­აც და­ი­წყე­ბა. ამ კამ­პა­ნი­ის დროს თა­ვის­თა­ვად გამ­ჟღავ­ნდე­ბა, რო­მელ პო­ლი­ტი­კურ დაჯ­გუ­ფე­ბას რა მე­სი­ჯი აქვს, ვის რა გეგ­მე­ბი და შე­ხე­დუ­ლე­ბა აქვს ქვეყ­ნის მო­მა­ვალ­ზე. ჩვენც ობი­ექ­ტუ­რად უნდა შე­ვა­ფა­სოთ ეს მე­სი­ჯე­ბი.

- ბა­ტო­ნო ელ­დარ, ერ­თმა­ნეთ­თან და­პი­რის­პი­რე­ბულ ქვეყ­ნებ­ში მოქ­მე­დი პიარ-კომ­პა­ნი­ე­ბიც თა­ნამ­შრომ­ლო­ბენ ერ­თმა­ნეთ­თან?

- ზოგ­ჯერ ასეც ხდე­ბა. ამი­ტომ, დიდი ლო­ბის­ტუ­რი ჯგუ­ფე­ბი ყო­ველ­თვის იცა­ვენ კონ­ფი­დენ­ცი­ა­ლო­ბას და თა­ვი­ანთ იმიჯს უფრთხილ­დე­ბი­ან. არც ერთ მათ­განს არ სურს, თუნ­დაც დიდი თან­ხის ფა­სად შე­ი­ლა­ხოს იმი­ჯი იმი­ტომ, რომ მათ ისე­დაც მი­ლი­არ­დო­ბით დო­ლა­რის შე­მო­სა­ვა­ლი აქვთ. სე­რი­ო­ზუ­ლი კომ­პა­ნია თა­ვი­დან­ვე ხელს არ მოჰ­კი­დებს ისეთ შეკ­ვე­თას, რო­მელ­საც ვერ შე­ას­რუ­ლებს. სა­წყი­სი ეტა­პი­დან­ვე მიმ­დი­ნა­რე­ობს შე­თან­ხმე­ბა იმა­ზე, თუ რა იქ­ნე­ბა და რო­გორ... არც ერთი სე­რი­ო­ზუ­ლი ლო­ბის­ტუ­რი ჯგუ­ფი არ მოჰ­კი­დებს ხელს სა­ეჭ­ვო საქ­მეს: და­ვუშ­ვათ, სთხო­ვენ, რომ ერთ თვე­ში მო­ა­ხერ­ხოს სა­ზო­გა­დო­ებ­რი­ვი აზ­რის შეც­ვლა, კო­რექ­ტი­რე­ბა. ასეთ დაკ­ვე­თა­ზე ყვე­ლა უარს იტყვის, მაგ­რამ თუ დამ­კვეთს გო­ნივ­რუ­ლი მო­თხოვ­ნე­ბი აქვს, მა­შინ შე­თან­ხმე­ბა იოლი ხდე­ბა. ეს გა­მოვ­ლინ­და სი­რი­ის სა­კი­თხშიც: ამე­რი­კამ თავი შე­ი­კა­ვა შე­ი­ა­რა­ღე­ბუ­ლი და­პი­რის­პი­რე­ბის­გან იმი­ტომ, რომ რუ­სე­თის მიერ და­ქი­რა­ვე­ბულ­მა ლო­ბის­ტურ­მა ჯგუ­ფებ­მა ძა­ლი­ან კარ­გად იმუ­შა­ვეს. ამი­ტომ, სი­რი­ა­ში არ გა­მე­ორ­და ის, რაც ერაყ­ში მოხ­და. ამ კონ­ფლიქ­ტის თა­ვი­დან აცი­ლე­ბა ნა­წი­ლობ­რივ პიარ-სა­შუ­ა­ლე­ბე­ბის დახ­მა­რე­ბი­თაც მო­ხერ­ხდა.

- ცნო­ბი­ლია, რომ პი­არს ძა­ლი­ან დიდი მნიშ­ვნე­ლო­ბა აქვს სა­ხელ­მწი­ფოს­თვი­საც. რო­გორ იყე­ნებს მას სა­ქარ­თვე­ლო?

- დიახ, ასეა და ძა­ლი­ან სამ­წუ­ხა­როა, რომ ბოლო ხა­ნებ­ში სხვა­დას­ხვა ორ­გა­ნი­ზა­ცი­ის მიერ გა­მოქ­ვეყ­ნე­ბულ რე­ი­ტინ­გებ­ში ჩვე­ნი ქვე­ყა­ნა უკა­ნას­კნელ ად­გი­ლებ­ზე გა­დის, რაც იმას ნიშ­ნავს, რომ სა­ერ­თა­შო­რი­სო ას­პა­რეზ­ზე სა­ქარ­თვე­ლოს პი­ა­რი შე­სუს­ტდა. სამ­წუ­ხა­როდ, მსოფ­ლი­ო­ში ჩვენ შე­სა­ხებ ბევ­რი ნე­გა­ტი­უ­რი ინ­ფორ­მა­ცია გა­დის, რა­საც ხში­რად პა­სუხ­საც არ ვცემთ ხოლ­მე. თუ პიარ-სა­შუ­ა­ლე­ბე­ბის გა­მო­ყე­ნე­ბა გა­იზ­რდე­ბა, ეს სა­ქარ­თვე­ლოს­თვის ძა­ლი­ან კარ­გი იქ­ნე­ბა. უნდა შე­მუ­შავ­დეს სტრა­ტე­გია, რო­მე­ლიც სა­ერ­თა­შო­რი­სო ას­პა­რეზ­ზე ჩვე­ნი ქვეყ­ნის იმიჯ­საც აა­მაღ­ლებს და მის ცნო­ბა­დო­ბა­საც გაზ­რდის.

ხა­თუ­ნა ჩი­გო­გი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)