პრეზიდენტმა პარლამენტს ცენტრალური აფრიკის მისიაში ქართველი სამხედროების გაგზავნის თხოვნით მიმართა
ჩვენ მზად ვართ გაერო-სა და ევროკავშირის მისიებში მონაწილეობისთვის, - ამის შესახებ საქართველოს პრეზიდენტმა, გიორგი მარგველაშვილმა პარლამენტში სიტყვით გამოსვლისას განაცხადა.
მისი თქმით, 2013 წელს ვილნიუსში ხელი მოეწერა ჩარჩო ხელშეკრულებას ევროკავშირის კრიზისის ოპერაციებში საქართველოს მონაწილეობის თაობაზე.
პრეზიდენტის განცხადებით, საქართველომ სამ ოპერაციაში მონაწილეობაზე მიიღო მიწვევა, რასაც მხარი დაუჭირა.
"ამ მისიებში მონაწილეობა ზრდის როგორც გლობალურ უსაფრთხოებას, ასევე ჩვენი ქვეყნის უსაფრთხოებას. შესაბამისად, მე, როგორც საქართველოს შეიარაღებული ძალების მთავარსარდალს, მიზანშეწონილად მიმაჩნია ცენტრალური აფრიკის რესპუბლიკაში, ევროკავშირის სამშვიდობო ოპერაციაში, საქართველოს შეირაღებული ძალების ქვეითი ასეულის გაგზავნა. მივმართავ, საქართველოს პარლამენტს, მხარი დაუჭიროს აღნიშნულ გადაწყვეტილებას", - განაცხადა პრეზიდენტმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
