მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბუნდოვანი" მოქალაქეობა - "ეს სარისკოა"
04:32 / 09-02-2014
პარლამენტში შეტანილი კანონპროექტი "საქართველოს მოქალაქეობის შესახებ" არაერთ ცვლილებას ითვალისწინებს, მათ შორის, ფართოვდება დანაშაულთა ჩამონათვალი, რომელშიც მონაწილეობისას პირს ქვეყნის მოქალაქეობაზე უარი ეთქმება. რას მოიტანს ეს ცვლილება, მკაცრდება თუ მარტივდება საქართველოს მოქალაქეობის მიღება? - ამ საკითხზე არასამთავრობო ორგანიზაციების - "საერთაშორისო გამჭვირვალობა-საქართველოსა" და "ახალგაზრდა იურისტთა ასოციაციის" წარმომადგენლები გიგი ჩიხლაძე და გიორგი გოცირიძე გვესაუბრებიან.
გიგი ჩიხლაძე: - კანონპროექტში კონკრეტდება დანაშაულთა ჩამონათვალი, თუ რა შემთხვევაში ვერ მოიპოვებს პირი ნატურალიზაციის გზით საქართველოს მოქალაქეობას, რაც საშუალებას არ აძლევს თანამდებობის პირს, თავისი ინტერპრეტაციით მიიღოს გადაწყვეტილება. ეს დანაშაულებია: ადამიანის, სახელმწიფოს, საზოგადოებრივი უშიშროების წინააღმდეგ მიმართული განსაკუთრებით მძიმე დანაშაული; ასევე, როცა პირის საქართველოში ყოფნა საფრთხეს უქმნის სახელმწიფოს ურთიერთობას სხვა სახელმწიფოებთან, ან არსებობს ინფორმაცია, რომელიც მაღალი ალბათობით მიუთითებს პირის კავშირს ქვეყნის უსაფრთხოებისადმი მტრულად განწყობილ სახელმწიფოსთან, შეიარაღებულ ძალებთან, უცხო ქვეყნის სადაზვერვო სამსახურებთან, ტერორისტულ ან ექსტრემისტულ ორგანიზაციებთან, ნარკოტიკების ბრუნვასთან და ა.შ. რაც შეეხება მოქალაქეობის დაკარგვას, თუ პირი კომპეტენტური ორგანოების უნებართვოდ შევა უცხო ქვეყნის სამხედრო, პოლიციის ან უშიშროების სამსახურში - ქვეყნის მოქალაქეობას კარგავს, მსგავსი რეგულაცია თითქმის ყველა ქვეყანას აქვს, მაგრამ ამჟამინდელი ცვლილება აწესებს გამონაკლისს, რაც აქამდე არ ყოფილა: იმ შემთხვევაში, თუ პირს მოქალაქეობა პრეზიდენტის მიერ აქვს მინიჭებული, მისი უცხო ქვეყნის ძალოვან სტრუქტურაში სამსახური არ გახდება მისთვის მოქალაქეობის შეწყვეტის წინაპირობა, ახალი რედაქციით, ასეთ პირს ნებისმიერი სხვა ქვეყნის მოქალაქეობის მიღებაც შეეძლება; ასევე, თუ მშობლებიდან ერთ-ერთი მაინც არის საქართველოს მოქალაქე, შვილს შეუძლია მიიღოს მოქალაქეობა, მშობლის მიერ უძრავი ქონების ფლობა აუცილებელი აღარ არის.
გიორგი გოცირიძე: - ამ ცვლილებების შედეგად, ორმაგი მოქალაქეობის მქონე პირს, მათ შორის სხვა ქვეყნის ძალოვან სტრუქტურაში დასაქმებულს, არ ეკრძალება მაღალი თანამდებობის დაკავება შინაგან საქმეთა თუ სხვა ძალოვან სამინისტროებში, რაც, ვფიქრობთ, გარკვეულწილად, სახიფათოა ქვეყნის სუვერენიტეტისა და უსაფრთხოებისთვის, ეს ჩანაწერი უნდა გაუქმდეს, რადგან ამ შემთხვევაში, სხვა ქვეყნის სპეცსამსახურში მყოფ პირს შეიძლება საიდუმლო ინფორმაციაზე მიუწვდებოდეს ხელი, რაც ქვეყნისთვის საფრთხის შემცველია. რაც შეეხება პირისთვის მოქალაქეობაზე უარის თქმას, ამჟამად უარის მიზეზი ხშირად მკაფიო არ არის, უნდა დაზუსტდეს, რატომ მიიჩნევს დაზვერვის დეპარტამენტი, რომ ესა თუ ის მოქალაქე ქვეყნისთვის საფრთხეს წარმოადგენს. ასევე ბუნდოვანია დებულება, რომლითაც პირს შეიძლება უარი ეთქვას მოქალაქეობაზე, თუ ამით საქართველოს სხვა სახელმწიფოსთან ან საერთაშორისო ორგანიზაციასთან ურთიერთობა გაუფუჭდება. ჩვენი აზრით, ეს ეწინააღმდეგება კონსტიტუციას, რომლის თანახმადაც, საქართველომ არ შეიძლება თავის ტერიტორიაზე შემოსვლაზე უარი უთხრას პირს, ვისაც სხვა ქვეყანაში პოლიტიკური ნიშნით დევნიან; შემდგომში კი მისთვის მოქალაქეობის მინიჭების საკითხიც შეიძლება წამოიჭრას.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
