მნიშვნელოვანი ინფორმაცია
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სოჭის ოლიმპიურ სოფელში ქართული დროშა აღიმართა
03:46 / 07-02-2014
სოჭში, ოლიმპიურ სოფელში ქართული დროშა აღიმართა. დროშის აღმართვის საზეიმო ცერემონია, რომელიც ყველა ოლიმპიადას წინ უსწრებს, სოჭის ოლიმპიურ სოფელში 6 თებერვალს გაიმართა. საქართველოს სახელმწიფო დროშა, "სოჭი 2014"-ის მონაწილე 87 ქვეყნის დროშის გვერდით ფრიალებს.
"ჩვენი ქვეყანა საერთაშორისო ოლიმპიური ოჯახის წევრია. ოლიმპიურ სოფელში საქართველოს სახელმწიფო დროშა აღიმართა, 7 თებერვალს კი ჩვენი გუნდი თამაშების გახსნის საზეიმო ცერემონიალში მიიღებს მონაწილეობას", - განაცხადა საქართველოს ეროვნული ოლიმპიური კომიტეტის ვიცე-პრეზიდენტმა, სოჭში საქართველოს გუნდის ხელმძღვანელმა მამუკა ხაბარელმა.
დროშის აღმართვის ცერემონიალში სპორტსმენებისა და მამუკა ხაბარელის გარდა სეოკ-ის პრეზიდენტი ლერი ხაბელოვი, გენერალური მდივანი ემზარ ზენაიშვილი, სეოკ-ის რამდენიმე თანამშრომელი და თამაშებზე აკრედიტებული ქართველი ჟურნალისტებიც მონაწილეობდნენ.
სოჭის ოლიმპიადაში სულ ოთხი ქართველი სპორტსმენი იღებს მონაწილეობას: მოთხილამურეები ნინო წიკლაური, იასონ აბრამიშვილი, ალექსი ბენიაიძე და მოციგურავე ელენე გედევანიშვილი, რომელიც სოჭში 14 თებერვალს კანადიდან ჩავა. საქართველოს ნაკრების მედროშე ოლიმპიადის გახსნაზე ნინო წიკლაური იქნება.
იხილეთ ფოტოგალერეა: საქართველოს ოლიმპიური დელეგაცია სოჭში
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
