15
აპრილიდღის ზოგადი ასტროლოგიური პროგნოზი
კომპანია Jet Aviation Basel-მა თვითმფრინავ ACJ340-600-ის კომპლექტაცია დაასრულა, რომელიც აზერბაიჯანის პრეზიდენტ ილჰამ ალიევისა და აზერბაიჯანის პირველი პირებისთვისაა განკუთვნილი. თვითმფრინავმა Jet Aviation Basel-ის კომპლექტაციის ცენტრი უკვე დატოვა და დუბლინში შესაღები სამუშაოებისთვის გადაფრინდა. ერთი თვის შემდეგ ავიალაინერს დამკვეთს გადასცემენ.
თვითმფრინავის ინტერიერის დეტალების შესახებ ცოტა რამ არის ცნობილი. 80-ადგილიანი ACJ340-600-ის სალონი სასადილო ოთახს, მისაღებს, ორ VIP-საძინებელს, აბაზანებს, ოფისს და სამუშაო კაბინეტს მოიცავს. ასევე თვითმფრინავის უკანა ნაწილში თანმხლები პირებისთვის განკუთვნილი კომპაქტურად განლაგებული სავარძლებია.
Jet Aviation Basel-ის ვიცე-პრეზიდენტ რუდი კრაფტის თქმით, სალონის ინტერიერი კომპანიის დიზაინ-სტუდიამ შეიმუშავა.
ამჟამად, აზერბაიჯანის პირველი პირები ავაილაინერებით - Boeing 767-300 და Airbus ACJ319 და ასევე კომპანია SW Business Aviation-ის თვითმფრინავებით -Gulfstream G550-ითა და Gulfstream G450-ით დაფრინავენ.
მომზადებულია BizavNews-ის მიხედვით.
