მნიშვნელოვანი ინფორმაცია
19
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მანიკა ასათიანი - სასაცილო იქნებოდა ყოველ დღე მაკა ასათიანთან იმის შეთანხმება, რას ჩავიცვამდი
23:20 / 27-01-2014
ჩვენი რესპონდენტი ტელეწამყვანი და მოდელი მანიკა ასათიანია. მანიკა მაყურებელმა წლების წინ "ჯეოსტარით" გაიცნო, მსმენელს თავი სიმღერით და კარგი გარეგნობით დაამახსოვრა.
- მანიკა, ამჟამად რას საქმიანობ?
- ბოლო დროს "მაესტროზე" გადაცემა "მაღვიძარას" წამყვანი ვიყავი. მოგეხსენებათ, ახლა არხზე რეორგანიზაცია მიმდინარეობს, ცვლილებები იგეგმება და ჩემი გადაცემაც ამას შეეწირა. ამიტომ ახლა სამსახურის გარეშე თუმცა სიახლეების მოლოდინში ვარ.
- "მაესტროზე" დარჩები?
- არხს ნამდვილად არ ვიცვლი. ისევ "მაესტროზე" დავრჩები, მაგრამ რა გადაცემით დავბრუნდები ეთერში და როდის - ჯერჯერობით ვერაფერს ვიტყვი. დილის გადაცემა განახლებული ფორმატითა და წამყვანებით დაბრუნდება ეთერში. თავისუფალ დროს ჩემს შვილთან ერთად ვატარებ და ეს ძალიან მსიამოვნებს. ყოველდღე 6 საათზე ვიღვიძებდი და ცოტა გადაღლილი ვიყავი, რამდენიმე კვირა დასვენება სასიამოვნოა, თუმცა მუშაობას ბავშვობიდან მიჩვეული ვარ.
- ცნობილია, რომ მაკა ასათიანი აქტიურად არის ჩართული "მაესტროს" საქმიანობაში, ახლაც აგრძელებ მასთან ურთიერთობას?
- როცა "მაესტროზე" ამიყვანეს წამყვანად, მე და ნინუცა მაყაშვილი ვიყავით მილანში, მაკამ შეგვიძინა საეთერო სამოსი. როგორც იცით, მაკა მოსკოვში ცხოვრობს, სასაცილო იქნებოდა ყოველდღე მასთან იმის შეთანხმება, რას ჩავიცვამდით ეთერში. მაკასთან დღემდე კარგი ურთიერთობა მაქვს, ის სილამაზის ეტალონია და ამასთან, ძალიან კარგი ადამიანი, კეთილი და ყურადღებიანი. "ფეისბუქით" ხშირად გვაქვს მიმოწერა.
- ბავშვის გაზრდაში ვინ გეხმარება?
- თავისუფალ დროს ყოველთვის გიოსთან ერთად ვატარებ. მყავს ძიძა, მეხმარებიან დედაჩემი და ჩემი დედამთილიც. ჩემს შვილს ყურადღებას არ ვაკლებ. გიო ყოველდღე მაოცებს.
- შენი მეუღლე, ბექა წივწივაძე როგორ აფასებს შენს საქმიანობას?
- ბექა ყველაფერში ხელს მიწყობს. Mმისი ცოლობა ცალკე პროფესიაა. რადგან კალათბურთელია, მუდმივად რეჟიმში უწევს ყოფნა, დროულად უნდა დაიძინოს, ივარჯიშოს, ჯანსაღად იცხოვროს. ერთი დღეც რომ დაარღვიოს, შეიძლება ორი კვირით დაიხიოს უკან. ამიტომ მუდმივად ხელს ვუწყობ. ახლახან დაბრუნდა უცხოეთიდან, იქ შეკრება ჰქონდათ და უკვე დაიწყო ვარჯიში. ჯერჯერობით სამოგზაუროდ წასვლასაც ვერ ვახერხებთ მისი საქმიანობის გამო.
- მოდელობის ან სიმღერის მიმართულებით ხომ არ გეგმავ რამე სიახლეს?
- არა, ამ მხრივ არაფერს ვგეგმავ. თავი ნამდვილ მომღერლად არ მიმაჩნია, უბრალოდ, მიყვარს სიმღერა, ჩემი ჰობია. სხვებსაც თუ მოსწონთ - სასიამოვნოა. გადაცემა მაძლევდა იმის საშუალებას, კვირაში რამდენჯერმე მემღერა პირდაპირ ეთერში, მესიამოვნებინა საკუთარი თავისთვისაც და სხვისთვისაც. ნინო ცქიტიშვილის სააგენტოს მოდელი ვარ, ნინო მუდმივად ცდილობს, მისმა მოდელებმა უცხოურ სააგენტოებთან დადონ კონტრაქტი, სხვა მოდელების მონაცემებთან ერთად ჩემს ფოტოებსაც გზავნის, ხშირად მომდის მოწვევები, მაგრამ მოწვევა მოწვევად რჩება. გათხოვილი ქალი ვარ, შვილი მყავს და შეუძლებელია საზღვარგარეთ წავიდე სამუშაოდ. უცხოელებს კი უკვირთ, 21 წლისა გათხოვილი და შვილიანი რომ ვარ.
- გული არ გწყდება, ასეთ შემოთავაზებებზე უარის თქმა რომ გიწევს?
- ზოგჯერ მწყდება გული, როცა კარგი შემოთავაზებებია, მაგრამ ჩემთვის ოჯახია პირველ ადგილზე. ბოლოს ნიუ-იორკიდან მივიღე შემოთავაზება, ნებისმიერი გოგონა ოცნებობს ამ ქალაქში მოხვდეს და იმუშაოს, მაგრამ ვერ წავალ ამერიკაში სამუშაოდ. ჩემს შვილთან ყოფნა ყველაზე დიდი ბედნიერებაა ჩემთვის. ერთდროულად რამდენიმე საქმის კარგად კეთება შეუძლებელია, კარგი მოდელი, მომღერალი და ჟურნალისტი ერთად ვერ იქნები.
- ქართული მოდის მდგომარეობა გამოკეთდა?
- სხვადასხვა მიზეზის გამო შარშან მოდის კვირეულები არ ჩატარდა, ეს მოდელებისთვის ძალიან კარგი საშუალება იყო, დღესდღეობით კი ყველაფერი გაუფასურდა, ფოტოგადაღებებშიც ძალიან ცოტას იხდიან.
- რომელიმე თამამი კოსტიუმის ჩაცმაზე ან ფოტოგადაღებაზე გითქვამს უარი?
- როცა მოდელობა დავიწყე და ახალი სახე ვიყავი, უამრავი შემოთავაზება მქონდა. იყო წინადადებები, რომელზეც უარს ვამბობდი, რადგან ზედმეტი სიშიშვლის მომხრე არ ვარ. შეიძლება ვიღაცამ გოიმად ჩამთვალოს, მაგრამ რა ვქნა, ვერ ვიპოზიორებ კამერის წინ ზედმეტად თამამად. მოდელობა რომ გამეხადა მთავარ პროფესიად, შეიძლება დავთანხმებოდი მსგავს შემოთავაზებებს.
ესაუბრა თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ტრამპის სატარიფო ქაოსი - გაძვირდება თუ არა საქართველოში ამერიკიდან ავტომობილების შემოყვანა?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
