სოფელ გლდანში ტაძარი გაძარცვეს

სოფელ გლდანში ტაძარი გაძარცვეს. მამა თადეოზ თანდაშვილის თქმით, წაღებულია მისი პირადი ნივთები და ტაძრისთვის განსაზღვრული ფულადი თანხა, დაახლოებით 3000 ლარის ოდენობით.

"საუბედუროდ, მოხდა ცუდი შემთხვევა. გატანილია ფულადი თანხა ტაძრიდან, რომელიც უშუალოდ ტაძარს მოხმარდებოდა. ეს ფაქტი არის ძალიან გულსატკენი და გულდასაწყვეტი", - განაცხადა გრიგოლ ღვთისმეტყველის ტაძრის მოძღვარმა, მამა თადეოზ თანდაშვილმა.

როგორც ტაძრის მრევლი აცხადებს, რამდენიმე დღის წინ ტაძრიდან ასევე გაიტაცეს შესაწირი ყუთი, რომელიც ტყეში ცარიელი იპოვეს.

ტაძრის ძარცვის შესახებ ინფორმაციას ტელეკომპანია "იმედი" ავრცელებს.

"ინტერპრესნიუსი"