”საერთაშორისო გამჭვირვალობის” წევრებმა პარლამენტის ლოჟაში პროტესტის ნიშნად პლაკატები გადაფინეს
მოწმეთა მხოლოდ სასამართლოში დაკითხვის წესის გადავადებასთან დაკავშირებით, არასამთავრობო ორგანიზაცია ”საერთაშორისო გამჭვირვალობა - საქართველოს” წევრებმა საკუთარი უარყოფითი პოზიცია პარლამენტის პლენარულ სხდომაზე დააფიქსირეს.
სისხლის სამართლის საპროცესიო კოდექსში შესატანი ცვლილებების პროექტს, რომლის მიხედვით, მოწმეთა მხოლოდ სასამართლოში დაკითხვის მოდელი ორი წლით - 2015 წლის 31 დეკემბრამდე უნდა გადავადდეს, პარლამენტი ამ წუთებში განიხილავს.
საკითხზე მსჯელობის დროს პარლამენტის ლოჟიდან არასამთავრობო ორგანიზაციის წარმომადგენლებმა გადაფინეს პლაკატები, შემდეგი შინაარსით: "ადამიანის უფლებები ორი წელი ვერ მოიცდის", "უთხარით უარი გადავადებას", "დაიცავი დაცვის უფლება". მათ ამ ინიციატივას საპარლამენტო უმცირესობა ტაშით შეხვდა.
თუმცა, პარლამენტის სხდომათა დარბაზის აივანზე მალევე მივიდნენ მანდატურები, რომელთაც გადმოფენილი პლაკატები აიღეს და არასამთავრობო ორგანიზაციის წარმომადგენლებს ლოჟა დაატოვებინეს.
კანონპროექტს პარლამენტის წინაშე შინაგან საქმეთა მინისტრის მოადგილე ლევან იზორია წარადგენს.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
