მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დავით ნარმანია თბილისის მერობის კანდიდატი ხდება
03:16 / 24-11-2013
"ქართული ოცნების" პოლიტსაბჭომ გადაწყვეტილება მიიღო, რომ თბილისის მერობის კანდიდატად დავით ნარმანია დაასახელოს. როგორც "ინტერპრესნიუსს" პარტია "ქართული ოცნების" პრესსამსახურიდან აცნობეს, კოალიცია "ქართული ოცნების" პოლიტიკური საბჭოს მორიგი სხდომა 22 ნოემბერს გაიმართა.
მათივე ცნობით, შეხვედრაზე კოალიციის ლიდერებმა თვითმმართველობის რეფორმასა და მის მნიშვნელობაზე იმსჯელეს. ამავე შეხვედრაზე გადაწყდა, რომ თბილისის მერობის კანდიდატად დავით ნარმანია დასახელდეს, რომელიც ამჟამად რეგიონული განვითარებისა და ინფრასტრუქტურის მინისტრია.
დავით ნარმანია ადასტურებს, რომ თბილისის მერობის კანდიდატად სახელდება და კოალიცია "ქართულ ოცნებას" ნდობისთვის მადლობას უხდის.
"41 გამოყოფილ პრობლემას 41 ამოცანით დავუპირისპირდებით", - აღნიშნა გუშინ გამართულ ბრიფინგზე მინისტრმა დავით ნარმანიამ.
მისი თქმით, ბოლო დღეების განმავლობაში მან კონსულტაციები გამართა კოალიცია "ქართული ოცნების" ხელმძღვანელობასთან.
"გამოვხატავ მზაობას იმასთან დაკავშირებით, რომ ვიყო იქ, სადაც ჩემს ქვეყანას სჭირდება. ამ შემთხვევაში არჩევანი არის ის, რომ დედაქალაქში არსებულ რთულ პრობლემებს და გამოწვევებს შევეჭიდო იმ ადამიანებთან ერთად, რომლებიც მიცხადებენ ნდობას", - განაცხადა ნარმანიამ.
მისი თქმით, პრობლემებით დატვირთული დედაქალაქის მერობა, ერთი მხრივ, მისთვის დიდი გამოწვევაა, თუმცა მეორე მხრივ, დიდი პატივია.
"კარგად ვიცნობ იმ პრობლემებს და პროგრამებს რომლებიც ხორციელდება. ასევე კარგად ვიცნობ იმ ხარვეზებს, რაზეც უნდა იყოს მიმართული ჩვენი კოალიციის მხრიდან დასახელებული დედაქალაქის მერის საქმიანობა. ეს ყველაფერი ბოლო დღეების განმავლობაში კიდევ ერთხელ გავაანალიზე და 41 გამოყოფილ პრობლემას 41 ამოცანით დავუპირისპირდებით. მინდა დიდი მადლობა გადავუხადო, ბატონ ბიძინა ივანიშვილს, ირაკლი ღარიბაშვილს და კოალიციის სხვა წევრებს, რომლებმაც განსაკუთრებული ნდობა გამომიცხადეს და ვპირდები, რომ ის, რაც გასაკეთებელი იქნება, აუცილებლად გავაკეთებ და მე ვიქნები არა პოლიტიკოსი მერი, არამედ რეალურად სამეურნეო საქმიანობით დაკავებული მერი და დედაქალაქის მერიას ისე დავაყენებ ფეხზე, როგორც ეს სამინისტრო ერთი წლის წინ ჩავიბარე", - განაცხადა ნარმანიამ.
დავით ნარმანიას დაიბადა 1979 წლის 7 მარტს.
2006 წელს, ასპირანტურის დამთავრების შემდეგ, მიენიჭა ეკონომიკის აკადემიური დოქტორის ხარისხი. სტაჟირება გაიარა გერმანიის პოცდამის უნივერსიტეტში. მიღებული აქვს ჯორჯ შულცის სახელობის სტიპენდია და სხვა ჯილდოები.
2002 წელს მიენიჭა ეკონომიკის მაგისტრის სამეცნიერო ხარისხი საერთაშორისო ბიზნესის მენეჯერის კვალიფიკაციით.
2000 წელს მიიღო ეკონომიკის ბაკალავრის აკადემიური ხარისხი;
1996 - 2000 წლებში სწავლობდა ივ. ჯავახიშვილის სახელობის თბილისის სახელმწიფო უნივერსიტეტის მენეჯმენტისა და მიკროეკონომიკის ფაკულტეტზე",საგარეო ეკონომიკური საქმიანობის ორგანიზაციისა და მართვის" სპეციალობით.
სამუშაო გამოცდილება:
2012 წლის 25 ოქტომბრიდან არის საქართველოს რეგიონული განვითარებისა და ინფრასტრუქტურის მინისტრი.
2009 წლიდან მუშაობდა "კავკასიის ეკონომიკური და სოციალური კვლევითი ინსტიტუტის" აღმასრულებელ დირექტორად.
2008-2009 წლებში იყო "საკონსულტაციო-ანალიტიკური ტრენინგ-ცენტრის" კვლევითი განყოფილების უფროსი.
2005-2006 წლებში მუშაობდა "პრივატიზებულ საწარმოთა რესტრუქტურიზაციისა და მენეჯმენტის დახმარების ცენტრში";
2004-2005 წლებში მუშაობდა კომპანია "ბიზნეს კონსალტინგის ჯგუფში" გენერალურ დირექტორად.
2003-2004 წლებში იყო "საზოგადოებრივი განვითარების ინსტიტუტის" საგადასახადო-საბიუჯეტო პროგრამის კოორდინატორი.
2001-2003 წლებში მუშაობდა საქართველოს საგადასახადო შემოსავლებისა და ფინანსთა სამინისტროებში.
1999-2001 წლებში მუშაობდა საქართველოს ახალგაზრდა ეკონომისტთა ასოციაციაში.
სხვადასხვა დროს იყო "საქართველოს ახალგაზრდა ეკონომისტთა ასოციაციის" გამგეობის თავმჯდომარის მოადგილე, შემდეგ კი გამგეობის თავმჯდომარე.
სხვადასხვა დროს იყო არაერთი საერთაშორისო ორგანიზაციის, მათ შორის, ამერიკის განვითარების ინსტიტუტის, მსოფლიო ბანკისა და სხვა ორგანიზაციების ექსპერტი.
არის 24 სამეცნიერო და პოპულარული ნაშრომის ავტორი და 34 სამეცნიერო ნაშრომის თანაავტორი;
არის ივანე ჯავახიშვილის სახელობის თბილისის სახელმწიფო უნივერსიტეტის სრული პროფესორი.
ჰყავს მეუღლე და ორი ვაჟი.
ფლობს ქართულ, რუსულ, ინგლისურ და გერმანულ ენებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
