15
აპრილიდღის ზოგადი ასტროლოგიური პროგნოზი
ხელნაწერთა ეროვნულ ცენტრში ქართველი მეფეების ათეულობით უნიკალური ხელნაწერი ინახება. გასულ ნომრებში რუბრიკა "რეიტინგში" ქართველი დიდგვაროვნების კუთვნილი იარაღის შესახებ მოგითხრობდით. ახლა კი ჩვენი მკითხველის თხოვნით, იმ ხელნაწერ დოკუმენტებზე გიამბობთ, სადაც მეფეების ხელმოწერებია დაფიქსირებული. ქართველი მეფეების ხელნაწერი დოკუმენტები ექსკლუზიურად "ყველა სიახლეში" იბეჭდება.
თეიმურაზ პირველი
კახეთის მეფის, თეიმურაზ პირველის ხელნაწერი წყალობის სიგელი 1616 წლით თარიღდება და ბაადურ ციციშვილს მფარველობასა და უვნებლობას ჰპირდება.
ლუარსაბ მეორე
მეფემ დახმარება აღუთქვა ქაიხოსრო ციციშვილს, უკანონოდ მიტაცებული მამულების: ნიჩბისის, ოხერასის, დოესის, ავკეთის, ქვენაფლავის, ღვისისხევის დაბრუნებაში.
კონსტანტინე მეორე
კახეთის მეფე კონსტანტინე მეორემ იოთამ მაღლანიძეს სოფელი ზერტი უწყალობა. აღნიშნული წყალობის სიგელი 1472 წლით თარიღდება.
ალექსანდრე პირველი
გაერთიანებული საქართველოს მეფეს ალექსანდრე პირველს 1440 წელს გამოუცია დოკუმენტი, რომლის მიხედვითაც, თემურ ლენგისგან დაქცეული ეკლესიებისა და ციხეების აღსადგენად და ასაშენებლად საკომლო გადასახადი დაუწესებია.
ლუარსაბ პირველი
ხელნაწერთა ეროვნულ ცენტრში დაცული დოკუმენტი გადასახადის განახლებას გულისხმობს და მას მეფე ლუარსაბ პირველი ამტკიცებს.
გიორგი მერვე
გაერთიანებული საქართველოს უკანასკნელი მეფის, გიორგი მერვის წყალობის სიგელი ვენახის გადაცემას ეხება.
თამარ მეფე
თამარ მეფის ხელნაწერი ყმების შეწირულობის წყალობის სიგელი 1202 წლით თარიღდება. 1. ანტონ ჭყონდიდელ-მთავარეპისკოპოსის თხოვნით მეფემ სხალტბას წყლის მკაზმავებად ქოსაისძენი შესწირა. 2. თამარს შიო მღვიმის მონასტრისთვისაც შეუწირავს ყმები. სიგელს თამარ მეფე, დავით სოსლანი, მღვიმის კრებული, ანტონ ჭყონდიდელი და ქართლის მთავარეპისკოპოსი ამტკიცებენ.
გიორგი მეთერთმეტე
ქართლის მეფე გიორგი მეთერთმეტე ქვეყნის დამოუკიდებლობისთვის მებრძოლი მეფეა. მის მიერ დამტკიცებული წყალობის წიგნი ხელნაწერთა ეროვნული ცენტრის საცავებში ინახება.
თეკლა ტუღუში
ყოველკვირეული გაზეთი "ყველა სიახლე"
(გამოდის ოთხშაბათობით)
_2019-10-07_pcZAK5dDPSlBIBs.jpg)
