მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა საქმიანობა წამოიწყო ნინი ბადურაშვილმა კახა კუხიანიძესთან ერთად
07:29 / 23-10-2013
თბილისში არაერთი საბავშვო მუსიკალური სტუდიაა, მათ რიცხვს კიდევ ერთი შეემატა: მომღერლებმა - ნინი ბადურაშვილმა და კახა კუხიანიძემ საბავშვო ვოკალური სკოლა-სტუდია "მზე" დააფუძნეს და ცდილობენ, მუსიკალური ნიჭით დაჯილდოებული არაერთი პატარა მიიზიდონ და მუსიკას აზიარონ.
კახა კუხიანიძე:
- დიახ, მე და ნინი ბადურაშვილმა საბავშვო მუსიკალური სტუდია დავაფუძნეთ, რომელსაც თბილისის უბნებში ფილიალები აქვს. მაგალითად, ვაკეში 2-ია, არის საბურთალოზე, იხნება დიღმის მასივში, დიდ დიღომსა და ვარკეთილში.
- რას სთავაზობთ პატარებს?
- ეს სტუდიები, სკოლებშია განთავსებული, რაც ბავშვებისთვის და მათი მშობლისთვის ძალზე მოხერხებულია. პატარები სკოლაში საგაკვეთილო პროცესს როგორც კი დაამთავრებენ, სტუდიას მიაკითხავენ. ფასიც შეღავათიანია. მუშაობენ კარგი პედაგოგები.
ბავშვებს კონცერტები ექნებათ სკოლებში, თბილისის პარკებში, მონაწილეობას მიიღებენ შოუპროგრამებში, ტელეგადაცემებში... სტუდიას "მზე" დავარქვით, რაც პატარებთან ყველაფერ დადებითთან ასოცირდება, უპირველესად კი - თბილ გარემოსთან.
- ამ საქმემ შენ და ნინი როგორ დაგაკავშირათ, მეგობრები ხართ?
- ბავშვობიდან ვმეგობრობთ, ნინი ჩემი ახლობელია. ძალიან მიყვარს როგორც ადამიანი. როდესაც ორი პიროვნება ერთად საქმის კეთებას იწყებს, საჭიროა, რომ ერთმანეთი დააბალანსონ. ამასთან, საქმიანობისას ჰქონდეთ სტიმული. ამ შემთხვევაში ნინი დიდ სტიმულს მაძლევს, რომ საქმე კარგად და ხარისხიანად გამოგვივიდეს. მეც ასევე ვარ მისთვის. მხარში ვუდგავარ. მოკლედ, ერთმანეთს ვაბალანსებთ... კარგი ახლობლები ვართ (სიცილით ამბობს)... საბავშვო მუსიკალურ სფეროში 7 წელია, ვმუშაობ და გამოცდილებაც მაქვს, რა, როგორ უნდა გავაკეთო, კარგად ვიცი და მგონია, რომ ერთად უკეთესად გამოგვივა.
- ნინისთვის ბავშვებთან მუშაობა, მგონი, ახალი ხილია... როგორც ვიცი, მას პედაგოგიური მუშაობის გამოცდილება არ აქვს...
- კი, მაგრამ ის პატარებს ძალიან უყვართ... მერე დედა გახდა და ბავშვი მისთვის განსაკუთრებული რამაა უკვე. ამიტომ მათთან მუშაობის დიდი სურვილი აქვს. თითოეულ ბავშვზე ნერვიულობს, ვინ როგორ მღერის. მოკლედ, საქმეში აქტიურად ჩაერთო...
ზოგადად თუ არ იაქტიურებ და ხარისხს არ აჩვენებ, არ გამოვა. თბილისში ყველა ნაბიჯზე მუსიკალური სტუდიაა გახსნილი, სადაც საკმაოდ დაბალი ხარისხია... ჩვენ რაღაცით ხომ უნდა გამოვირჩეოდეთ?
- ნინიმ ბოლო დროს დიდი სტრესს გაუძლო და როგორც ჩანს, ახლა მზად არის, ასეთი სერიოზული საქმიანობა წამოიწყოს...
- ერთ-ერთი მთავარი მომენტი, რატომაც მინდოდა, რომ ნინი ამ საქმიანობაში ჩართულიყო, ის არის, რომ საკმაოდ ძლიერი ადამიანია. თუნდაც იმ ყველაფრის მერე, რაც მან გადაიტანა და განიცადა, მყარად დგას, - შინაგანად ძლიერია. მიმაჩნია, რომ საქმეშიც ასეთივე იქნება და ამიტომაც გადავწყვიტე მასთან ამ საქმეში თანამშრომლობა... ამასთან, ლამაზია და ყოველთვის სასიამოვნოა, მშვენიერ ქალბატონთან ურთიერთობა. მოკლედ, მონდომებულები ვართ და დარწმუნებულებიც, რომ შედეგიც გვექნება.
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
