მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პლაკატების ომი" წინასაარჩევნო კამპანიაში
00:26 / 23-10-2013
წამზომი ჩართულია. . .
საპრეზიდენტო არჩევნებს რამდენიმე დღე გვაშორებს და ბრძოლაც გამარჯვებისთვის უკვე ბოლო საათებს ითვლის. შესაბამისად, პიკს აღწევს საპრეზიდენტო კანდიდატებისა და მათი მხარდამჭერების აქტიურობაც, განსაკუთრებით რეგიონებში. ბრძოლის ყველაზე გავრცელებული მეთოდი კი კონკურენტის სააგიტაციო მასალაზე "შურისძიებაა". "პლაკატების ომში", ძირითადად, კონკურენტის პლაკატების ჩამოხევისა და ზედ გადაკვრის პრაქტიკაა გავრცელებული. პლაკატების ომი ძირითადად სამი კანდიდატის მხარდამჭერებს შორის არის გაჩაღებული. ესენი არიან: ნინო ბურჯანაძე, გიორგი მარგველაშვილი და დავით ბაქრაძე.
ოზურგეთის რაიონსა და მის სოფლებში დავით ბაქრაძის პლაკატების ჩამოხევა, გაკვრიდან მეორე დღესვე დაიწყეს. მაშინ ბაქრაძის ოზურგეთის შტაბის ხელმძღვანელი, მიხეილ გოგოტიშვილი ამ ფაქტით დაინტერესებას შესაბამის უწყებებს მოუწოდებდა. თუმცა დამნაშავე დაუსჯელი დარჩა. ამ დრომდე გაურკვეველია, ვინ ჩამოხია დავით ბაქრაძის პლაკატები თელავშიც.
ბაქრაძის პლაკატების დაზიანების ბოლო შემთხვევა გუშინ დაფიქსირდა. ლანჩუთში "აჯანყებული გურულისა" და პოლიციის მიმდებარე ტერიტორიაზე არსებული შენობის ვიტრინებზე გაკრულ ბაქრაძის პლაკატებს "ქართული ოცნების" აქტივისტებმა, გიორგი მარგველაშვილის პლაკატები გადააკრეს. როგორც თვითმხილველები ამბობენ, ამ დროს ადგილზე "ნაციონალური მოძრაობის" რაიონული ორგანიზაციის ხელმძღვანელი, კახა ასკურავა მივიდა, რასაც "ოცნების" აქტივისტ გიორგი ზენაიშვილთან ფიზიკური დაპირისპირება მოჰყვა.
თელავში ნინო ბურჯანაძის წინასაარჩევნო პოსტერები გაკვრიდან რამდენიმე დღეში ჩამოხიეს. ეს იყო ერთადერთი ფაქტი, რომელსაც რეაგირება მოყვა. 21 ოქტომბერს, თელავის რაიონულ სასამართლოში ბურჯანაძის ბანერის დაზიანებაში ბრალდებული 6 არასრულწლოვანის პროცესი გაიმართა, სადაც მათ სისხლის სამართლის კოდექსით წარუდგინეს ბრალი.
ოთხი დღეც და საქართველოს მომავალ პრეზიდენტს ავირჩევთ. სავარაუდოდ, დარჩენილ დროშიც მოასწრებენ საარჩევნო სუბიექტების მხარდამჭერები ერთმანეთის სარეკლამო მასალებზე თავდასხმებს. მაგრამ ეს ის პერიოდი, როცა მხოლოდ პლაკატები ვეღარ იქონიებს მოსახლეობის არჩევანზე გავლენას. თუმცა მოვლენები ელვის უსწრაფესად ვითარდება და არაფერია გამორიცხული.
შეგახსენებთ, საქართველოს საარჩევნო კოდექსის შესაბამისად, წინასაარჩევნო მოწოდებების, განცხადებების, წარწერების, ფურცლების, ფოტო და სხვა მასალების გავრცელებისათვის ხელის შეშლა 1 000 ლარის ოდენობით ჯარიმდება.
ბელა თაბუაშვილი, "ამბები.ge"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
