21
აპრილიდღის ზოგადი ასტროლოგიური პროგნოზი
მომღერალ სოფო ბედიას და მიშა შაყულაშვილის წყვილი სამაგალითო ოჯახად ითვლებოდა, თუმცა მათი სიყვარულიც დასრულდა. სოფოს და მიშას საერთო შვილი ჰყავთ, რომელსაც ნიკოლოზი ჰქვია. წყვილი ერთად 5 წელზე მეტხანს ცხოვრობდა, ისინი ყველგან ერთად ჩნდებოდნენ და სიყვარულის ნიშნად დუეტიც კი ჩაწერეს... რა გახდა სოფოსა და მიშიკოს დაშორების მიზეზი, ამას თავად მომღერლისგან შეიტყობთ.
- სოფო, რატომ დაშორდით ქმარს?
- არ მინდა დეტალებზე საუბარი. მე და მიშამ ხუთწელიწად-ნახევარი ვიცხოვრეთ ერთად, მანამდე სამი წელი შეყვარებულები ვიყავით, მაგრამ ბოლოს აღმოვაჩინეთ, რომ ხასიათებით ვერ ვეწყობოდით ერთმანეთს, ამიტომაც გადავწყვიტე მასთან დაშორება. ხაზგასმით მინდა აღვნიშნო, რომ ღალატის გამო არ დავშორებულვართ.
- დიდი ხანია დაშორდით?
- ერთი თვეა, რაც ოფიციალურად დავშორდით. ზაფხულში უკვე აღარ ვიყავით ერთად. მიშას უნდა შერიგება, უნდა რომ კვლავ ერთად ვიცხოვროთ, მაგრამ გადაწყვეტილი მაქვს, არასდროს შევურიგდე.
- არ გაგიჭირდება მარტოხელა დედობა?
- ახლა მარტო ვარ და ბუნებრივია, ემოციურად ამ ყველაფრის გადატანა ძნელია. მართალია, მე თვითონ წამოვედი, მაგრამ დაშორება ადამიანთან, რომელიც ძალიან გიყვარდა, ძალიან ძნელია. მარტოობას რაც შეეხება, არ ვაპირებ, მომავალში მარტო ვიცხოვრო, მეც უნდა ვიპოვო ახალი სიყვარული და მიშამაც.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
