მნიშვნელოვანი ინფორმაცია
15
მარტიდღის ზოგადი ასტროლოგიური პროგნოზი
შაბათი, მთვარის მეჩვიდმეტე დღე დაიწყება 21:07-ზე, მთვარე სასწორშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კოტე თოლორდავამ წიგნების გაყიდვა დაიწყო
23:02 / 30-09-2013
ცოტა ხნის წინ მსახიობმა კოტე თოლორდავამ ტელეკომპანია "პალიტრა ტვ" -ის ეთერში განსხვავებული ამპლუა მოირგო. პირველად, სატელევიზიო სივრცეში გამომცემლობა "პალიტრა L" -მა წიგნების "ტელემარკეტი" დაიწყო. კოტე თოლორდავა მაყურებელს წიგნების შესახებ დაწვრილებით ესაუბრება. როგორც ჟურნალი "რეიტინგი" წერს, პირველი გადაცემისთვის გამომცემლობამ 3D "ვეფხისტყაოსანი" შეარჩია. მაყურებელს გადაცემის მიმდინარეობისას და შემდეგაც, შეუძლია, ნებისმიერ დროს დარეკოს და წიგნი შეიძინოს.
"საერთოდ, წიგნებისადმი ძალიან კარგი დამოკიდებულება მაქვს და ამ პროექტსაც იმიტომ დავთანხმდი, რომ ამოსავალი წერტილი წიგნი გახლდათ. "პალიტრა ტვ" -ს ხელმძღვანელმა მაკა ლომიძემ დამირეკა და "ტელემარკეტის" სტილის გადაცემის წამყვანობა შემომთავაზა. მახსოვდა, ადრე მსგავსი ფორმატის გადაცემები გადიოდა, ოღონდ სხვა ტიპის პროდუქციას ეხებოდა, მაგრამ ამ გზით წიგნებზე საუბარი - ეს რაღაც ახალი იყო და ეგრევე დავთანხმდი. პირველი წიგნი, რომელიც მაყურებელს წარვუდგინე, 3D "ვეფხისტყაოსანი" გახლდათ. ეს არის ფანტასტიკური მიგნება და ჩემი აზრით, გამომცემლობა კეთილ საქმეს ემსახურება. დღეს, როცა ბავშვების თაობა კომპიუტერშია შემძვრალი, წიგნის ასეთი სახით მიწოდება არაჩვეულებრივი მიგნებაა.
არ მინდა გაცვეთილი ფრაზებით ლაპარაკი, მაგრამ "ვეფხისტყაოსანი" ფანტასტიკური წიგნია. ეს არის შოთა რუსთაველის საჩუქარი მსოფლიოსთვის. თეატრალურ ინსტიტუტში რომ ვაბარებდი, საზეპიროებს ვსწავლობდი. ეს საზეპიროები მეტყველების გასავარჯიშებლად არაჩვეულებრივია. ბევრჯერ მიფიქრია, როგორი იქნება ფილმად, მაგრამ მაინც მგონია, რომ ყველაფერს გააფუჭებს. მე ვის როლს ვითამაშებდი? - არ ვიცი, ამაზე არ მიფიქრია", - აღნიშნა მსახიობმა.
ცოტა ხნის წინ მხატვრულ-დოკუმენტური ფილმის "ვინ მოკლა ილია" გადაღებები დაიწყო, სადაც კოტე თოლორდავა ილიას როლს თამაშობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
