კონ­სტი­ტუ­ცი­ი­დან იმ ნორ­მის ამო­ღე­ბა, რომ­ლი­თაც პარ­ლა­მენ­ტის აგილმდე­ბა­რე­ო­ბის სა­კი­თხი გა­ნი­სა­ზღვრე­ბა, საპ­რე­ზი­დენ­ტო არ­ჩევ­ნე­ბის შემ­დგო­მი პე­რი­ო­დის­თვის გა­და­ი­დო. თუკი იმ ფაქტს გა­ვით­ვა­ლის­წი­ნებთ, რომ პარ­ლა­მენ­ტის ქუ­თა­ის­ში ყოფ­ნა სა­ა­კაშ­ვი­ლის­თვის პრინ­ცი­პუ­ლად მნიშ­ვნე­ლო­ვა­ნია და მისი გუნ­დის გა­რე­შე უმ­რავ­ლე­სო­ბა კონ­სტი­ტუ­ცი­ა­ში ცვლი­ლე­ბის შე­ტა­ნას ვერ ახერ­ხებს, ამ გა­და­წყვე­ტი­ლე­ბას სრუ­ლი­ად პრაქ­ტი­კუ­ლი ახ­სნა აქვს.

თუმ­ცა, მე­ო­რე მხრივ, ეს და­მო­კი­დე­ბუ­ლი იქ­ნე­ბა მა­ნამ­დე კონ­სტი­ტუ­ცი­ა­ში იმ ნორ­მის შეც­ვლა­ზე, რო­მე­ლიც კონ­სტი­ტუ­ცი­ა­ში ცვლი­ლე­ბის შე­ტა­ნის­თვის სა­ჭი­რო კვო­რუმს გან­სა­ზღვრავს. დღეს მოქ­მე­დი ნორ­მით, ამის­თვის დე­პუ­ტატ­თა 2/3-ის, ანუ მი­ნი­მუმ, 100 დე­პუ­ტა­ტის თან­ხმო­ბაა სა­ჭი­რო. 2010 წელს მი­ღე­ბუ­ლი ნორ­მით კი, საპ­რე­ზი­დენ­ტო არ­ჩევ­ნე­ბის შემ­დეგ დე­პუ­ტატ­თა 3/4-ის, ანუ 113 დე­პუ­ტა­ტის თან­ხმო­ბა იქ­ნე­ბა სა­ჭი­რო.

რო­დე­საც ასი ხმის მოგ­რო­ვე­ბაა პრობ­ლე­მა, ცხა­დია, 113-ის მოგ­რო­ვე­ბა გა­ცი­ლე­ბით ძნე­ლი იქ­ნე­ბა.

მე­ო­რე მხრივ კი, სა­ა­კაშ­ვი­ლის გუნ­დი არც იმ სა­კონ­სტი­ტუ­ციო ცვლი­ლე­ბის­თვის აპი­რებს ხმის მი­ცე­მას, რო­მელ­მაც სა­კონ­სტი­ტუ­ციო ცვლი­ლე­ბის მი­სა­ღე­ბად სა­ჭი­რო კვო­რუ­მის უც­ვლე­ლად და­ტო­ვე­ბა უნდა უზ­რუნ­ველ­ყოს. ეს კი­დევ მე­ო­რე სა­კი­თხია, თუ რამ­დე­ნად მი­ზან­შე­წო­ნი­ლი იქ­ნე­ბა კვო­რუ­მის ამ ფორ­მით გან­სა­ზღვრა.

კონ­სტი­ტუ­ცი­ი­დან პარ­ლა­მენ­ტის ად­გილმდე­ბა­რე­ო­ბის გან­სა­ზღვრის ამო­ღე­ბა პირ­და­პირ კავ­შირ­შია სა­კა­ნონ­მდებ­ლო ორ­გა­ნოს დე­და­ქა­ლაქ­ში დაბ­რუ­ნე­ბას­თან, ან სუ­ლაც სხვა ად­გი­ლას გა­და­ტა­ნას­თან. ყო­ველ შემ­თხვე­ვა­ში, ის არ­გუ­მენ­ტი, რომ პარ­ლა­მენ­ტის სად­მე გა­და­ტა­ნა ამ რე­გი­ო­ნის გან­ვი­თა­რე­ბას უწყობს ხელს, ისე­თი­ვე წარ­მა­ტე­ბით შე­იძ­ლე­ბა იქ­ნეს გა­მო­ყე­ნე­ბუ­ლი, რო­გორც ქუ­თა­ის­ში გა­და­ტა­ნი­სას.

ამი­ტო­მაც, ამ გა­და­წყვე­ტი­ლე­ბის მი­ღე­ბა, რომ რეგ­ლა­მენ­ტმა გან­სა­ზღვროს პარ­ლა­მენ­ტის ად­გილმდე­ბა­რე­ო­ბის სა­კი­თხი, ყვე­ლა­ზე მე­ტად ქმნის პარ­ლა­მენ­ტის აქეთ-იქით ტა­რე­ბის სა­შიშ­რო­ე­ბას. იმ პი­რო­ბის და­დე­ბა კი, რომ ეს ასე არ მოხ­დე­ბა, ვი­თა­რე­ბას არა­ნა­ი­რად არ ცვლის და არა­ნა­ირ გა­რან­ტი­ას არ იძ­ლე­ვა, რომ ასე არ მოხ­დე­ბა. მით უმე­ტეს, გა­და­ტა­ნა-გად­მო­ტა­ნის პრე­ცე­დენ­ტი უკვე შექ­მნი­ლია.

მე­ო­რე მხრივ კი, დღე­ვან­დე­ლი სა­პარ­ლა­მენ­ტო უმ­რავ­ლე­სო­ბა იმ პრობ­ლე­მა­ზე სა­უბ­რობს, რა­საც პარ­ლა­მენ­ტის ქუ­თა­ის­ში ყოფ­ნა ქმნის. მთა­ვა­რი კი ის და­მა­ტე­ბი­თი ხარ­ჯია, რისი გა­წე­ვაც სა­ხელ­მწი­ფოს სწო­რედ იმის გამო უწევს, რომ პარ­ლა­მენ­ტი დე­და­ქა­ლა­ქი­დან 200 კი­ლო­მეტ­რით არის და­შო­რე­ბუ­ლი.

"სა­ქარ­თვე­ლო არ არის მდი­და­რი ქვე­ყა­ნა, რომ ჩვენ ამ­დე­ნი ხარ­ჯი გავ­წი­ოთ მთავ­რო­ბის წევ­რე­ბი­სა და პარ­ლა­მენ­ტა­რე­ბის აქეთ-იქით სი­ა­რულ­ში. ცოტა ხნის წინ იყო ასე­თი შემ­თხვე­ვა, როცა უმ­ცი­რე­სო­ბა ითხოვ­და მაია ფან­ჯი­კი­ძის ჩას­ვლას ქუ­თა­ის­ში, პარ­ლა­მენ­ტში. დარ­წმუ­ნე­ბუ­ლი ვარ, პარ­ლა­მენ­ტი რომ ყო­ფი­ლი­ყო თბი­ლის­ში, ფან­ჯი­კი­ძე მო­ა­ხერ­ხებ­და, 1 სა­ა­თი გა­მო­ე­ყო და მო­სუ­ლი­ყო პარ­ლა­მენ­ტში.

"ძა­ლი­ან რთუ­ლია, მი­ნის­ტრმა რამ­დე­ნი­მე სა­ა­თი და­ხარ­ჯოს გზა­ში. ამის ფუ­ფუ­ნე­ბა არც ჩვენს მთავ­რო­ბას არ აქვს. მა­შინ მთავ­რო­ბაც უნდა გა­და­ვი­დეს ქუ­თა­ის­ში, ყვე­ლა სა­მი­ნის­ტრო ქუ­თა­ის­ში უნდა იყოს, პო­ლი­ტი­კუ­რი ცენ­ტრი უნდა გა­და­ვი­დეს ქუ­თა­ის­ში. რად­გა­ნაც პო­ლი­ტი­კუ­რი ცენ­ტრი თბი­ლის­შია და ყვე­ლა სა­მი­ნის­ტრო ოპე­რი­რებს თბი­ლის­ში, ძა­ლი­ან რთუ­ლია ასე­თი დის­ტან­ცი­ის რე­ჟიმ­ში მუ­შა­ო­ბა", - გა­ნა­ცხა­და მა­ნა­ნა კო­ბა­ხი­ძემ ცოტა ხნის წინ, რო­დე­საც სა­გა­რეო საქ­მე­თა მი­ნის­ტრმა უმ­ცი­რე­სო­ბის მო­თხოვ­ნა ვერ შე­ას­რუ­ლა და პარ­ლა­მენ­ტში ვერ მი­ვი­და.

სა­პარ­ლა­მენ­ტო უმ­რავ­ლე­სო­ბის წევ­რი ზვი­ად ძი­ძი­გუ­რიც პარ­ლა­მენ­ტსა და მთავ­რო­ბას შო­რის არ­სე­ბუ­ლი რამ­დე­ნი­მე ასე­უ­ლი კი­ლო­მეტ­რით გა­მოწ­ვე­ულ დის­კომ­ფორტზე ამახ­ვი­ლებს ყუ­რა­დღე­ბას და მი­იჩ­ნევს, რომ ამით ხე­ლი­სუფ­ლე­ბის ორი­ვე შტოს მუ­შა­ო­ბის ეფექ­ტუ­რო­ბა მცირ­დე­ბა.

"პარ­ლა­მენ­ტის ერთ-ერთი მთა­ვა­რი ფუნ­ქცია კონ­სტი­ტუ­ცი­ის მი­ხედ­ვით არის მთავ­რო­ბის და სა­ბი­უ­ჯე­ტო კონ­ტრო­ლი. ამ კონ­ტრო­ლის გან­ხორ­ცი­ე­ლე­ბას და თა­ნამ­შრომ­ლო­ბას მთავ­რო­ბას­თან სჭირ­დე­ბა ძა­ლი­ან ხში­რი ურ­თი­ერ­თო­ბა და პრაქ­ტი­კუ­ლად, სა­ქარ­თვე­ლოს მთავ­რო­ბაც და პარ­ლა­მენ­ტიც არი­ან დრო­ის კარ­გვის რე­ჟიმ­ში, რო­დე­საც ამ­დე­ნი კი­ლო­მეტ­რით სი­შო­რის გამო მუდ­მი­ვად არი­ან გზა­ში.

"ჩვენ ამის ფუ­ფუ­ნე­ბის უფ­ლე­ბა არ გვაქვს, რომ მთავ­რო­ბი­სა და პარ­ლა­მენ­ტის წევ­რე­ბი მუდ­მი­ვად ის­ხდნენ ავ­ტო­მო­ბი­ლებ­ში და კარ­გავ­დნენ დროს. გარ­და ამი­სა, სა­ქარ­თვე­ლოს პარ­ლა­მენ­ტის ერთ-ერთი მთა­ვა­რი ფუნ­ქცია დიპ­ლო­მა­ტი­უ­რი მი­მარ­თუ­ლე­ბით საქ­მი­ა­ნო­ბაა. დღეს პარ­ლა­მენ­ტის მუ­შა­ო­ბა ამ თვალ­საზ­რი­სით არ არის საკ­მა­რი­სი, რად­გან ყვე­ლა დიპ­ლო­მა­ტი­უ­რი წარ­მო­მად­გენ­ლო­ბის ოფი­სი თბი­ლის­შია და, შე­სა­ბა­მი­სად, მათ­თან ძნელ­დე­ბა კო­მუ­ნი­კა­ცია, რაც არის სე­რი­ო­ზუ­ლი შე­მა­ფერ­ხე­ბე­ლი პარ­ლა­მენ­ტის საქ­მი­ა­ნო­ბი­სა.

"იგი­ვეს ვი­ტყო­დი პრე­სას­თან ურ­თი­ერ­თო­ბის თვალ­საზ­რი­სი­თაც. თქვენ შე­გიძ­ლი­ათ ჰკი­თხოთ თქვენს კო­ლე­გებს, რამ­დე­ნად არის გარ­თუ­ლე­ბუ­ლი სხვა­დას­ხვა სა­კი­თხე­ბის გა­შუ­ქე­ბა მე­დი­ა­ში. არა­სამ­თავ­რო­ბო სექ­ტორ­თან ურ­თი­ერ­თო­ბის­თვი­საც ეს სე­რი­ო­ზუ­ლად შე­მა­ფერ­ხე­ბე­ლია", - გა­ნა­ცხა­და ზვი­ად ძი­ძი­გურ­მა ამ თე­მა­ზე კო­მენ­ტა­რი­სას ჟურ­ნა­ლის­ტებ­თან, რო­დე­საც სა­კონ­სტი­ტუ­ციო ცვლი­ლე­ბის მი­ღე­ბის სა­კი­თხი გა­ნი­ხი­ლე­ბო­და.

ამას ემა­ტე­ბა ის ხარ­ჯე­ბი, რა­საც პარ­ლა­მენ­ტის თა­ნამ­შრომ­ლე­ბი იღე­ბენ. ქუ­თა­ის­ში ცხოვ­რე­ბის­თვის. პარ­ლა­მენ­ტში ყვე­ლა თა­ნამ­შრო­მე­ლი, დამ­ლა­გებ­ლე­ბიც კი თბი­ლი­სი­დან და­დი­ან და ის არ­გუ­მენ­ტი, რომ პარ­ლა­მენ­ტის გა­და­ტა­ნა ქუ­თა­ი­სე­ლე­ბის და­საქ­მე­ბას შე­უ­წყობ­და ხელს, უსა­ფუძ­ვლო აღ­მოჩ­ნდა.

უმ­რავ­ლე­სო­ბის გან­ცხა­დე­ბით­ვე, ძვი­რია ძვი­რა­დღი­რე­ბუ­ლი შე­ნო­ბის შე­ნახ­ვაც, რო­მე­ლიც მთლი­ა­ნად კონ­დი­ცი­რე­ბის სის­ტე­მა­ზეა გათ­ვლი­ლი. ამას­თან, პარ­ლა­მენ­ტში იმა­საც ამ­ბო­ბენ, რომ შე­ნო­ბა ჯერ ექ­სპლუ­ა­ტა­ცი­ა­შიც არ არის შე­სუ­ლი და ყო­ველ­გვარ ოფი­ცი­ა­ლურ ხარ­ჯებ­ზე სა­უ­ბა­რი ნა­ად­რე­ვია.

ამ ეტაპ­ზე პარ­ლა­მენ­ტის აპა­რატ­ში და­ახ­ლო­ე­ბით 750 ადა­მი­ა­ნია და­საქ­მე­ბუ­ლი. აპა­რატ­ში ერთ-ერთი ყვე­ლა­ზე მო­თხოვ­ნა­დი - წამ­ყვა­ნი სპე­ცი­ა­ლის­ტის ანა­ზღა­უ­რე­ბა სა­შე­მო­სავ­ლოს დაქ­ვით­ვის გა­რე­შე 880 ლა­რია.

"ამ ხელ­ფა­სით ეს ადა­მი­ა­ნე­ბი ელე­მენ­ტა­რუ­ლი ბი­ნის ფულ­სა და კვე­ბის ხარ­ჯებს ვერ და­ფა­რავ­დნენ, თო­რემ სხვა რა­მე­ზე არ არის სა­უ­ბა­რი. მათ ოჯა­ხე­ბი და­ტო­ვეს. სწო­რედ ამი­ტომ, პარ­ლა­მენ­ტმა მი­ი­ღო გა­და­წყვე­ტი­ლე­ბა, რომ მათი ცხოვ­რე­ბის ხარ­ჯე­ბიც აა­ნა­ზღა­უ­როს. ეს მოხ­და და­მა­ტე­ბი­თი ეკო­ნო­მი­ი­სა და რე­ზერ­ვე­ბის გა­მო­ყე­ნე­ბის ხარ­ჯზე. თუმ­ცა, მო­მა­ვა­ლი წლი­დან რა იქ­ნე­ბა და ბი­უ­ჯე­ტი რის სა­შუ­ა­ლე­ბას მოგ­ვცემს, არ ვიცი.

"ფაქ­ტია, რომ პარ­ლა­მენ­ტის შე­ნახ­ვის ხარ­ჯე­ბი, პარ­ლა­მენ­ტა­რე­ბის ბი­ნის ქი­რის უზ­რუნ­ველ­ყო­ფით თვე­ში 400 000 ლა­რით ძვირ­დე­ბა, რაც წე­ლი­წად­ში 5 მი­ლი­ო­ნი ლა­რია. ამას ემა­ტე­ბა პარ­ლა­მენ­ტის კო­მუ­ნა­ლუ­რი გა­და­სა­ხა­დე­ბის ხარ­ჯე­ბი, რად­გან აქ ფან­ჯა­რა არ იღე­ბა და მთე­ლი სის­ტე­მა ვენ­ტი­ლა­ცი­ა­ზეა და­მო­კი­დე­ბუ­ლი. ხარ­ჯებს იწ­ვევს დე­პუ­ტა­ტე­ბის საწ­ვა­ვი­სა და გა­და­ად­გი­ლე­ბის სა­კი­თხი", - გან­მარ­ტა პარ­ლა­მენ­ტის აპა­რა­ტის უფ­როს­მა ზუ­რაბ მა­რაქ­ვე­ლი­ძემ მა­შინ, რო­დე­საც პარ­ლა­მენ­ტმა თა­ნამ­შრომ­ლე­ბის ხარ­ჯე­ბის და­ფარ­ვის გა­და­წყვე­ტი­ლე­ბა მი­ი­ღო.

შე­გახ­სე­ნებთ, რომ ქუ­თა­ის­ში მოვ­ლი­ნე­ბუ­ლი პარ­ლა­მენ­ტა­რე­ბი­სათ­ვის სა­ცხოვ­რებ­ლე­ბის მშე­ნებ­ლო­ბა თავ­და­პირ­ვე­ლად წყალ­ტუ­ბო­ში იგეგ­მე­ბო­და, სა­დაც ად­გი­ლიც შერ­ჩე­უ­ლი იყო. თუმ­ცა, არც ეს არ შეს­რულ­და.

"ნა­ცი­ო­ნა­ლუ­რი მოძ­რა­ო­ბის" წარ­მო­მად­გე­ნე­ლი სერ­გო რა­ტი­ა­ნი კი ისევ იმა­ზე აპე­ლი­რებს, რომ ქუ­თა­ის­ში პარ­ლა­მენ­ტის და­ტო­ვე­ბით ქუ­თა­ი­სი გან­ვი­თარ­დე­ბა ეკო­ნო­მი­კუ­რად, ინფრას­ტრუქ­ტუ­რუ­ლად და პო­ლი­ტი­კუ­რა­დაც.

"ეს თუ არ მოხ­და, მოხ­დე­ბა წარ­სულ­ში დაბ­რუ­ნე­ბა, რო­დე­საც ერთი ქა­ლა­ქი დო­მი­ნი­რებ­და. თბი­ლი­სი მო­წყო­ბი­ლი იყო მოს­კო­ვის ხა­ტად და და­რად - როცა არ­სე­ბობს ერთი ქა­ლა­ქი და არ არ­სე­ბობს პო­ლი­ტი­კუ­რი სივ­რცე სხვა ქა­ლა­ქებ­ში", - ამ­ბობს ის.

"იმე­რეთ­ში 200 მი­ლი­ო­ნამ­დე ლა­რის პრო­ექ­ტე­ბია შე­ჩე­რე­ბუ­ლი. გზავ­ნილ­მა სა­ზო­გა­დო­ე­ბი­სად­მი, რომ ქუ­თა­ის­ში იქ­ნე­ბო­და პარ­ლა­მენ­ტი, გა­ა­ჩი­ნა მი­ზი­დუ­ლო­ბის ცენ­ტრი ინ­ვეს­ტო­რე­ბი­სათ­ვის. ამან მო­ი­ზი­და ინ­ვეს­ტო­რე­ბი.

მა­გა­ლი­თად, "ჰო­ლი­დეი ინი" ქუ­თა­ის­ში, წყალ­ტუ­ბოს გან­ვი­თა­რე­ბის პრო­ექ­ტი, თვი­თონ ქუ­თა­ის­ში შენ­დე­ბა რამ­დე­ნი­მე სას­ტუმ­რო, რო­მე­ლიც ახლა შე­ჩე­რე­ბუ­ლია. პარ­ლა­მენ­ტის თბი­ლის­ში გად­მო­ტა­ნით ეს პერ­სპექ­ტი­უ­ლი პრო­ექ­ტე­ბი შე­ჩერ­დე­ბა.

"გარ­და ამი­სა, როცა ვსა­უბ­რობთ სოფ­ლის გან­ვი­თა­რე­ბა­ზე, სო­ფე­ლი პა­ტა­რა ქა­ლა­ქე­ბის, ცენ­ტრე­ბის გა­რე­შე ვერ გან­ვი­თარ­დე­ბა. მხო­ლოდ ერთი ქა­ლა­ქი, თბი­ლი­სი ვერ გა­ნა­ვი­თა­რებს მთელ სო­ფელს," - გა­ნა­ცხა­და სერ­გო რა­ტი­ან­მა პარ­ლა­მენ­ტში ცოტა ხნის წინ ამ სა­კი­თხზე სა­უბ­რი­სას.

პარ­ლა­მენ­ტის ვიცე-სპი­კე­რი კი არ ეთან­ხმე­ბა ამ მო­საზ­რე­ბას და ამ­ბობს, რომ "ეს აბ­სურ­დუ­ლი მო­საზ­რე­ბაა", რო­მე­ლიც ლო­გი­კას არ ექ­ვემ­დე­ბა­რე­ბა".

"მაგ ლო­გი­კით პარ­ლა­მენ­ტი უნდა იყოს ზუგ­დიდ­შიც, უნდა იყოს თე­ლავ­შიც, სიღ­ნაღ­შიც და ყველ­გან. შეგ­ვიძ­ლია ბორ­ბლებ­ზე შევსვათ პარ­ლა­მენ­ტი, ერთი წელი ერ­თგან იყოს, მე­ო­რე წელი - მე­ო­რე­გან. ეს არის აბ­სურ­დი, რა­ზეც სა­უბ­რობს უმ­ცი­რე­სო­ბა. მთა­ვა­რია, რომ რე­გი­ო­ნი გან­ვი­თარ­დეს იმ რე­გი­ო­ნის სა­ჭი­რო­ე­ბის შე­სა­ბა­მი­სად," - ამ­ბობს მა­ნა­ნა კო­ბა­ხი­ძე.

აღ­სა­ნიშ­ნა­ვია, რომ რამ­დე­ნი­მე წლის წინ, რო­დე­საც სა­ა­კაშ­ვი­ლის ხე­ლი­სუფ­ლე­ბამ ქვეყ­ნის დე­ცენ­ტრა­ლი­ზა­ცი­ის აუ­ცი­ლებ­ლო­ბა­ზე და­ი­წყო სა­უ­ბა­რი, დე­ცენ­ტრა­ლი­ზა­ცი­ი­სა და ეკო­ნო­მი­კუ­რი ეფექ­ტის მოხ­დე­ნის მო­ტი­ვით, ქუ­თა­ის­ში სა­ქარ­თვე­ლოს ენერ­გე­ტი­კის მა­რე­გუ­ლი­რე­ბე­ლი კო­მი­სია და აუ­დი­ტის სამ­სა­ხუ­რი გა­და­ი­ტა­ნეს. თუმ­ცა, ამ სტრუქ­ტუ­რე­ბის ქუ­თა­ის­ში გა­დას­ვლას რა­ი­მე გან­სა­კუთ­რე­ბუ­ლი ეკო­ნო­მი­კუ­რი ეფექ­ტი არ ჰქო­ნია.

შე­მო­სავ­ლე­ბის სამ­სა­ხუ­რის ოფი­ცი­ა­ლუ­რი მო­ნა­ცე­მე­ბით, სა­ხელ­მწი­ფო ბი­უ­ჯეტ­ში ქუ­თა­ი­სი­დან შე­სუ­ლი სა­გა­და­სა­ხა­დო შე­მო­სავ­ლე­ბი 2009 წელს 159 022 ლარს შე­ად­გენ­და, 2010-ში 149 663, ხოლო 2011 წელს – 139 358 ლარს. ანუ სა­გა­და­სა­ხა­დო კუ­თხით, თვალ­ში სა­ცე­მი ცვლი­ლე­ბე­ბი არ მომ­ხდა­რა.

მე­ო­რე მხრივ კი, სა­პარ­ლა­მენ­ტო სტა­ტუს­მა საგ­რძნობ­ლად გა­ზარ­და ფასი მი­წა­ზე და უძ­რავ ქო­ნე­ბა­ზე. თუ მი­წის კვად­რა­ტუ­ლი მეტ­რის ფასი წინა წლებ­ში 4-დან 8 ლა­რამ­დე მერ­ყე­ობ­და, ახლა გა­ათ­მა­გე­ბუ­ლია. მა­გა­ლი­თად, პარ­ლა­მენ­ტის მიმ­დე­ბა­რე ტე­რი­ტო­რი­ა­ზე, რო­მე­ლიც გა­რე­უ­ბანს გა­ნე­კუთ­ვნე­ბა და პირ­ვე­ლი ზო­ნის ქვეს­ტა­ტუ­სი მი­ე­ნი­ჭა, კვად­რა­ტუ­ლი მეტ­რის ფას­მა 100-120 ლა­რამ­დე აი­წია.

ამ ეტაპ­ზე ერ­თა­დერ­თი "ბიზ­ნე­სი", რო­მე­ლიც "მუ­შა­ობს", ბი­ნე­ბის გა­ქი­რა­ვე­ბაა. ამ მხრი­ვაც სე­რი­ო­ზუ­ლი ზრდა შე­ი­ნიშ­ნე­ბა. თუ აქამ­დე ქუ­თა­ის­ში 100 ლა­რად შე­იძ­ლე­ბო­და სა­ცხოვ­რე­ბე­ლი ფარ­თის და­ქი­რა­ვე­ბა, ახლა ფასი და­ახ­ლო­ე­ბით 500 ლა­რამ­დე ადის.

თუმ­ცა, იმის გამო, რომ ბი­ნე­ბის დამ­ქი­რა­ვე­ბე­ლი პარ­ლა­მენ­ტარ­თა კონ­კრე­ტუ­ლი რა­ო­დე­ნო­ბაა და ბი­ნებს ქუ­თა­ი­სელ­თა უმე­ტე­სო­ბა ვერ აქი­რა­ვებს, ეს ად­გი­ლობ­რი­ვი მო­სახ­ლე­ო­ბის უმე­ტე­სო­ბის უკ­მა­ყო­ფი­ლე­ბას იწ­ვევს, რად­გან გა­ი­ზარ­და ფა­სე­ბი და არ გაზ­რდი­ლა მათი შე­მო­სავ­ლე­ბი, ცალ­კე­უ­ლი გა­მო­ნაკ­ლი­სე­ბის გარ­და, რაც სა­ერ­თო მდგო­მა­რე­ო­ბა­ზე არა­ნა­ირ გავ­ლე­ნას არ ახ­დენს.

ფაქ­ტია, რომ არ­გუ­მენ­ტე­ბი ორი­ვე მხა­რეს გა­აჩ­ნია, მაგ­რამ ძნე­ლი სათ­ქმე­ლია, გა­და­წყვე­ტი­ლე­ბა სა­ბო­ლო­ოდ რო­მე­ლი მათ­გა­ნის სა­სარ­გებ­ლოდ იქ­ნე­ბა მი­ღე­ბუ­ლი. მით უმე­ტეს, რომ პრობ­ლე­მა სა­კონ­სტი­ტუ­ციო უმ­რავ­ლე­სო­ბის მოგ­რო­ვე­ბაა და "ნა­ცი­ო­ნა­ლუ­რი მოძ­რა­ო­ბა" ამას კარ­გად იყე­ნებს მი­უ­ხე­და­ვად იმი­სა, რომ პი­რად სა­უბ­რებ­ში ისი­ნიც იმას ამ­ბო­ბენ, რომ პარ­ლა­მენ­ტის ქუ­თა­ის­ში ყოფ­ნა ძა­ლი­ან ბევრ პრობ­ლე­მას ქმნის.

რუ­სი­კო მა­ჩა­ი­ძე

გა­ზე­თი "რე­ზო­ნან­სი"