ჟურნალისტმა ინგა გრიგოლიამ საზოგადოებრივი მაუწყებელი დატოვა. როგორც ცნობილი იყო, ჟურნალისტი საზოგადოებრივ-პოლიტიკურ თოქ-შოუს ამზადებდა, რომელიც სექტემბრიდან "პირველი არხის" ეთერში უნდა გასულიყო. ინგა გრიგოლიას არხიდან წასვლის შესახებ ინფორმაცია ტელეარხის საზოგადოებასთან ურთიერთობის სამსახურში დაადასტურეს. მათი თქმით, თოქ-შოუ, რომელსაც ინგა გრიგოლია ამზადებდა, ახალი სეზონიდან საზოგადოებრივი მაუწყებლის ეთერში ახალ წამყვანთან ერთად მაინც გავა. გადაცემაზე ახალი შემოქმედებითი ჯგუფი იმუშავებს.
როგორც ამბობენ, ინგა გრიგოლიამ არხიდან წასვლასთან დაკავშირებით 1 აგვისტოს საზოგადოებრივი მაუწყებლის ხელმძღვანელობას განცხადება დაუწერა, თუმცა მასში მიზეზი, არ მიუთითებია.
გრიგოლიასთან დაკავშირება "ამბები.გე"-მ ვერ მოახერხა.
