მნიშვნელოვანი ინფორმაცია
21
აპრილიდღის ზოგადი ასტროლოგიური პროგნოზი
ორშაბათი, მთვარის ოცდამესამე დღე დაიწყება 04:35-ზე, მთვარე მერწყულში იქნება 03:21-დან
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. გაფრთხილდით, მოსალოდნელია ტრავმები და მოტეხილობები. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართული ქორწილის უცნაურობები
23:11 / 27-07-2013
ქართული ქორწილი განსაკუთრებული ფენომენია. სტუმრებს რომ თავი დავანებოთ, ზოგჯერ ისეთ უცნაურ სიძე-პატარძალსა და ახირებულ ნათესავებს გადააწყდები, წინასწარ იცი, რომ იმ ქორწილში აუცილებლად რაღაც მოხდება. ასეთი ამბები კი ყველაზე მეტად ვის ეცოდინება, თუ არა ქორწილის გადამღებ, მრავლისმნახველ ოპერატორებსა და ფოტოგრაფებს. "ყველა სიახლე" უცნაურ მექორწინეებსა და მათ უცნაურ თუ კურიოზულ ქმედებებზე ტელეოპერატორ გიორგი კაპანაძესა და ფოტოსტუდია SaveMomentstudio-ს დამფუძნებელს, ფოტოგრაფ გიორგი გრძელიშვილს ესაუბრა.
გიორგი კაპანაძე: ერთ ქორწილში სიძისა და დედოფლის მამებმა ისე სცემეს ერთმანეთს, რომ არა სხვა ნათესავების აქტიურობა, ქორწილი ჩაიშლებოდა. ნამტირალევი პატარძალი გადღაბნილი მაკიაჟით იჯდა სუფრასთან...
ერთ-ერთ ჯვრისწერაზე რამდენიმე წყვილი იდგა. მღვდელი თავის საქმეს შეუდგა. რომელ წყვილსაც ვიღებდი, იმ პატარძალთან მივიდა, პირჯვარი გადასახა, მთელი რიტუალი ჩაატარა და სიძის ჯერი რომ დადგა, გამოიხედა და სად არის სიძე? ბოლოს ძირს აღმოაჩინა გულწასული. ძლივს მოასულიერეს საწყალი ბიჭი. ფიზიკურად სუსტი იყო, დილიდან უჭმელი, თანაც ამდენ ემოციურ დატვირთვასა და სიცხეს ვეღარ გაუძლო. მოსულიერების შემდეგ, რა თქმა უნდა, ჯვრისწერა გაგრძელდა, მაგრამ პატარძალი ფეხზე იდგა, სიძე კი სკამზე იჯდა...
ზოგჯერ ისეთი უცნაური და ახირებული წყვილია, ცუდადაც კი მთავრდება ყველაფერი. ერთხელ ჯვრისწერამდე ფოტოსესიისთვის წყვილი ბუნებაში გავიდა, რა თქმა უნდა, მეც თან გავყევი და ვიღებდი. პატარძალმა აიხირა, გინდა თუ არა, ხეზე უნდა ავიდე, ტოტზე კაბა ლამაზად გადმოვფინო და ისე გადავიღო ფოტოო. მეჯვარეებმაც გააფრთხილეს, არ ახვიდეო, სიძემაც, მაგრამ ვის დაუჯერა?!. ხეირიანად არც იყო ასული, რომ გადმოვარდა... ბოლოს ქორწილში სახეზე ნაკერებდადებული იჯდა...
ერთხელ კი მძიმეწონიანმა პატარძალმა მასზე ბევრად მცირე წონის სიძეს ხელში აყვანა და ფოტოს ისე გადაღება მოსთხოვა. ბიჭმა წინააღმდეგობა ვერ გაუწია, მოერიდა, თან საშინელი ამინდი იყო, ტანმორჩილმა სიძემ, რა თქმა უნდა, ამხელა წონას ვერ გაუძლო და პატარძალი ტალახში აღმოჩნდა. მიუხედავად იმისა, რომ კაბის გასუფთავებას ბევრი ცდილობდა, ქორწილში მაინც ტალახიანი კაბით იჯდა...
ერთ ქორწილში კი სიძის დედამ სტუმრები ჩამოიარა და ტირილით ამცნო ყველას, რომ პატარძალი არ მოსწონდა, მაგრამ მისმა შვილმა არ დაუჯერა და მაინც მოიყვანა. ყველაზე გასაკვირი ის იყო, რომ მეც კი შემომტირა. ბოლოს დედამთილის წუწუნს პატარძლის ნათესავებმაც მოჰკრეს ყური და რომ არა მისი მეუღლის დროული ჩარევა, ალბათ ქორწილი ჩაიშლებოდა.
ფოტოგრაფი გიორგი გრძელიშვილი: ერთ ქორწილში საშინელი პატარძალი იყო, სიძე კი საკმაოდ სიმპათიური. არიან წყვილები, გარეგნობა რომ არ ანაღვლებთ, რადგან ერთმანეთი უყვართ და ეს იგრძნობა ხოლმე, მაგრამ ამ წყვილს სიყვარულიც კი არ აკავშირებდა. როდესაც ჯვრისწერა დასრულდა, სიძის დამ მილოცვის ნაცვლად ტირილი დაიწყო, სიძე კი ამშვიდებდა - კარგი, ხომ არ ვთხოვდები, ცოლი მომყავს, რაც არის, ეგ არისო. ყველაზე უცნაური და თვალშისაცემი კი ის იყო, რომ ყველა ცერემონიალს - ჯვრისწერას, ხელის მოწერას - ავტომობილში მჯდარი მამაკაცი აკონტროლებდა. თანაც ერთხელაც კი არ გადმოსულა მანქანიდან, იქიდან აკვირდებოდა თითოეულ დეტალს. ფოტოსესიისას კი სიძე თავის მეგობარ გოგონებთან პოზიორობდა და მეძახდა, მოდი, ერთი, ნორმალურ გოგოებთან გადამიღე ფოტოოო.. სიძე-პატარძალმა ერთად სულ რამდენიმე ფოტო გადაიღო, ისიც ისეთი გამომეტყველებით, რომ...
ერთი სიძე მიმავალი მანქანის ფანჯრიდან სანახევროდ გამოძვრა და შამპანურს ისე ხსნიდა, წონასწორობა ვერ შეინარჩუნა და გადმოვარდა...
მარი ონეზაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სააღდგომო ეპისტოლე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
