მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფიზიკური ვარჯიში ადამიანის დნმ-ს ცვლის
23:48 / 21-07-2013
ხანმოკლე სპორტულ ცხოვრებასაც შეუძლია დნმ-ში დადებითი ცვლილებები გამოიწვიოს და შეამციროს სიმსუქნისა და მასთან დაკავშირებული დაავადებების განვითარების რისკი. ამ დასკვნამდე ლუნდის უნივერსიტეტის მეცნიერები ნახევარი წლის განმავლობაში 23 ახალგაზრდა ქალსა და მამაკაცზე დაკვირვების შედეგად მივიდნენ. ექსპერიმენტის ყველა მონაწილეს წონის პრობლემა ჰქონდა, ვარჯიშის დაწყებამდე ფიზიკური აქტიურობით არ გამოირჩეოდნენ და ყველა ჯანმრთელი იყო.
კვლევის თანახმად, მონაწილეებს კვირაში სამჯერ უნდა ევარჯიშათ აერობიკასა და ველოაერობიკაში. თუმცა მამაკაცები, რომლებიც რეგულარულ ფიზიკურ ვარჯიშს არ იყვნენ მიჩვეული, მხოლოდ კვირაში ორჯერ ვარჯიშობდნენ. ექვსი თვის დაკვირვების შემდეგ მკვლევარებმა ექსპერიმენტში მონაწილე ადამიანების გენები გააანალიზეს. აღმოჩნდა, რომ არახანგრძლივ ვარჯიშსაც არ ჩაუვლია ფუჭად - შეიცვალა იმ გენების მუშაობის პროცესი, რომლებიც ცხიმის შენახვასა და სიმსუქნის განვითარებაზე აგებენ პასუხს.
მეცნიერები დააკვირდნენ ცვლილებებს ე.წ. სამიზნე ჯგუფებში - ცხიმოვან უჯრედებში, ანუ იმ მოლეკულებში, რომლებიც გენების შემცველობაში შედიოდნენ. ცნობილია, რომ სამიზნე ჯგუფები "გენების ექსპრესიაზე" ზემოქმედებენ. ისიც ცნობილია, რომ ყველა უჯრედი, მათ შორის ცხიმოვანი უჯრედები დნმ-ს შეიცავენ და გენეტიკურ ინფორმაციას ინახავენ. მიუხედავად იმისა, რომ გენები მემკვიდრეობით გადაიცემა და მთლიანობაში არ იცვლება, გენების შიგნით სამიზნე ჯგუფებზე სხვადასხვა ფაქტორი ზეგავლენას მაინც ახდენს. ეს ფაქტორებია - ფიზიკური ვარჯიში, დიეტა და ზოგადად, ადამიანის ცხოვრების წესი.
"ჩვენმა ექსპერიმენტმა ფიზიკური ვარჯიშის დადებითი ეფექტი აჩვენა, - ამბობს კვლევის ავტორი. აღმოჩნდა, რომ ეპიგენეტიკური ცვლილებები 7 000-მდე გენს შეეხო, რაც გენომის 35%-ს შეადგენს. გარდა ამისა, მეცნიერებმა გააანალიზეს ის გენებიც, რომლებიც ტრადიციულად შაქრიანი დიაბეტის ტიპ 2-ს და სიმსუქნეს უკავშირდება და აქაც დადებითი ცვლილებები აღმოაჩინეს. გარდა ამისა, შემცირდა გენების აქტიურობა, რომლებიც შაქრის შენახვაში მონაწილეობენ. ორი საკვანძო გენის მოდიფიკაციამ კი შეამცირა თავისუფალი ცხიმოვანი მჟავების გამომუშავება (მათი მაღალი დონე დაკავშირებულია შაქრიანი დიაბეტის მე-2 ტიპთან).
კვლევის შედეგები ლაბორატორიაში ჩატარებული ცდებით დამტკიცდა. კვლევამ აჩვენა, რომ ფიზიკური ვარჯიში ადამიანის დნმ-ზე დადებითად მოქმედებს.
ლიკა კერატიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდა "ტიტანიკის“ ჩაძირვის ღამეს სინამდვილეში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
