გურჯაანში გლეხებს ატამი ბაღებში ულპებათ

გურჯაანის მიმდებარე სოფლების ცენტრალურ მაგისტრალებზე ყოველ დილით ატმის ბაზრობა ეწყობა. თუმცა მოსახლეობა, დაბალი ფასის მიუხედავად, საკუთარი მოსავლის რეალიზებას ვერ ახერხებს და ატმით სავსე ყუთები გასაყიდი რჩება. ადგილობრივები მთავარ პრობლემად რუსეთის ბაზრის დაკეტვას ასახელებენ. მათი თქმით, საქართველოს მთავრობამ საერთო ენა ვერც აზერბაიჯანთან გამონახა და სწორედ ამიტომ საბაჟო გადასახადი გაძვირდა. იქაური მოვაჭრეები ან აღარ ჩამოდიან, ან მიზერულ ფასად ყიდულობენ ატამს.

"გურჯაანში რომ ჩახვიდე და ნახო, ტირილი მოგინდება, შეგეცოდება. იქაურობა ყარს, მოსავალი სულ დაბლაა გაფენილი და ლპება. უკრაინიდან ან სხვა ქვეყნიდან მყიდველი რომ მოვიდეს, ამას მაინც არ წაიღებს, რადგან ხარისხიანი ატამი უნდათ. უცხოებს ვინ ჩივის, ადგილობრივებიც კი არ ყიდულობენ. საცოდავი ხალხი მოიტანს დილით ადრიანად, საღამოს უკან მიაქვს. რომ გაიგეს დასეტყვილიაო, მოდიან და გვეუბნებიან ერთ სათლში ლარი გინდათო? ერთი კვირაა დავატარებ ატამს მანქანით, ღორებიც არ მყავს, რომ იმათ მაინც ვაჭამო. ოდესმე ასე ყოფილა, რომ ერთ სათლ ატამს ერთი ნაყინის ფასი ჰქონოდა?", - ამბობს ერთ-ერთი გამყიდველი.

იხილეთ ვრცლად

”სპექტრი”