მერაია ქერიმ იტალიელები მოხიბლა

ტყუპების გაჩენის შემდეგ ზედმეტ წონასთან ბრძოლა მერაია ქერისთვის ნომერ პირველ პრობლემად იქცა. მომღერალმა ფორმის აღდგენა დიდი ძალისხმევის შემდეგ მოახერხა. პაპარაცები კუნძულ კაპრიზე ვარსკვლავის ახალი კლიპის გადაღების პროცესს თვალყურს ადევნებდნენ. 

ფოტორეპორტიორებმა ინტერნეტში ფოტოები გამოაქვეყნეს, რომელზეც მომღერალი თამამ საცურაო კოსტუმში პოზირებს. იმის გათვალისწინებით, რომ მერაია უკვე 43 წლისაა, შესანიშნავად გამოიყურება.

2 წლის წინ მერაიამ ტყუპები, მოროკანა და მონრო გააჩინა. ორსულობისას მომღერალმა ძალიან მოიმატა. ბავშვების გაჩენა რომ შესძლებოდა, ვარსკვლავს ექიმებთან ჰორმონალური თერაპიის გავლა მოუხდა, რამაც წონის მომატებას შეუწყო ხელი. ახლა კი მერაია შესანიშნავად გამოიყურება და საკუთარი სხეულით ამაყობს. თავად ვარსკვლავის თქმით, მშობიარობის შემდეგ მან 70 ფუნტი (31 კილოგრამი) დაიკლო.

"70 ფუნტი დავიკელი, მაგრამ ფოტოებს თუ შეხედავთ გეგონებათ თითქოს 9000 ფუნტია, ვუთანაგრძნობ იმ ადამიანებს, რომელთაც წონის დაკლება მოუწიათ. თავად გავაკეთე ეს და ვიცი როგორია. მაშინ ვფიქრობდი, რომ უწინდებურად ვეღარასოდეს ვიგრძნობდი თავს",-აღნიშნავს მომღერალი.

ბავშვების გაჩენის შემდეგ მერაია სპორტით დაკავდა და სწორად კვება დაიწყო. მომღერალმა პირადი მწვრთნელიც კი დაიქირავა.

მომზადებულია eg.ru-ს მიხედვით.