21
აპრილიდღის ზოგადი ასტროლოგიური პროგნოზი
პოლიტიკის ანალიზის ცენტრის ექსპერტი ნათია სამუშია მიიჩნევს, რომ ცვლილებები ძალზე გაართულებს დამსაქმებელსა და დასაქმებულს შორის ურთიერთობას და დასაქმება დასჯადი ქმედება ხდება, რადგან, დამსაქმებელი თუ აიყვანს დასაქმებულს სამსახურში, ძალიან რთული იქნება მისი სამსახურიდან გაშვება. ამიტომ დამსაქმებელი ყოველთვის ეცდება, რაღაცნაირად დაიზღვიოს თავი და მხოლოდ მას შემდეგ აიყვანოს სამსახურში, ვიდრე მის სრულყოფილებასა და პროფესიონალიზმში ბოლომდე არ დარწმუნდება.
"მგონი, ამ კანონს ისეთი ადამიანები წერდნენ, რომლებიც იურიდიულ საკითხებში მთლად ვერ ერკვევიან, იმიტომ რომ გამოვიდა ასეთი რამ - დამსაქმებელი თუ ეტყვის დასაქმებულს სამსახურიდან გათავისუფლებაზე, დასაქმებულს შეუძლია გაიფიცოს და გაფიცვის დროს შრომითი ურთიერთობების შეწყვეტა დაუშვებელია. შესაბამისად, დამსაქმებელს შეიძლება სამუდამოდ ჰყავდეს დასაქმებული, რომელიც იქნება გაფიცული და ვერასოდეს გაუშვებს სამსახურიდან. ვიმედოვნებ, ეს ხარვეზი გამოსწორდება, ასეთი რამ წარმოუდგენელია და არც ერთ ნორმალურ ქვეყანაში მსგავსი რამ არ ხდება.
ვინ არიან დამსაქმებლები? მაგალითად, ჩემი მეზობელი, რომელმაც გამოიტანა კრედიტი, გახსნა პატარა მაღაზია ჩემს ეზოში, ჩადო ბინა უზრუნველსაყოფად და იხდის სესხში 800 ლარს. ეს ადამიანი იძულებული იქნება, ჰყავდეს ერთი დასაქმებულის მაგივრად ორი დასაქმებული, რადგან სამუშაო საათების რაოდენობა შემცირდა. გამოდის, რომ ან მაღაზია უნდა დაკეტოს შაბათ-კვირას და შემოსავალი შეიმციროს, ან უნდა ამუშაოს 10-დან 6-საათამდე, ან უნდა აიყვანოს 2 ადამიანი და უფრო მეტი გადაიხადოს. დამსაქმებლისა და დასაქმებულის შრომით ურთიერთობაში დამსაქმებელი მეტად რისკავს. შესაბამისად, შრომით ურთიერთობებში ხარჯები ისე არ უნდა გავუზარდოთ, რომ იმ ადამიანმა სესხი ვერ გადაიხადოს და ჩადებული ბინა დაკარგოს. არადა, თუ იარსებებს, კარგი იქნება, რადგან ერთ ადამიანს მაინც დაასაქმებს და თავის ოჯახსაც არჩენს.
ჩვენი პროფკავშირი, რომელიც მოთქვამს, რომ ხალხი მონობაშია, დადის ისეთი მანქანით, რომლის შესაძენად მე დიდი სესხის გამოტანა მომიწევს. ეს ყველაფერი ცოტა ფარისევლობაა. ისინი მაგონებენ კანონიერ ქურდებს, რომლებიც ემსახურებიან რაღაც ჯგუფს და, უკაცრავად ამ სიტყვის გამოყენებისთვის, "ობშჩიაკს" აგროვებენ, ანუ ერთ პროცენტს თუ გადაუხდი, მოგემსახურებიან.
ვფიქრობ, რომ შრომის ახალი კოდექსი დააზიანებს შრომით ურთიერთობებს და შეამცირებს დასაქმებას. მარგველაშვილის განცხადებას, რომ ეს რაღაც ლუქსემბურგის დროინდელია და გამოვა, რომ ამ ცვლილებებით ჩვენ ხელს ვუშლით დასაქმებას, აბსოლუტურად ვეთანხმები და მთავრობის სხვა წევრებსაც მოვუწოდებ, გაიაზრონ, თუ როგორ შეიძლება დააზიანონ შრომის ბაზარი ამ ცვლილებებით", - ამბობს ნათია სამუშია.
მერი ნამორაძე
გაზეთი "ახალი თაობა"
