ვარსკვლავების ბნელი წარსული

ყველა ადამიანს აქვს პირად ცხოვრებასა თუ ოჯახში პრობლემები და ამ მხრივ გამონაკლისები არც ვარსკვლავები არიან. სელებრითებს საკუთარ წარსულზე საუბარი უჭირთ, მაგრამ ჟურნალისტები ამ თემებზე საუბარს არ ერიდებიან.

შარლიზ ტერონი:

მსახიობი შარლიზ ტერონი ბავშვობაში საშინელი სცენის მომსწრე გახდა. ვარსკვლავი ოჯახზე საუბრისას ყოველთვის ამბობდა, რომ მამა ავტოავარიაში გარდაეცვალა. მოგვიანებით კი სიმართლე გაირკვა: 15 წლის ასაკში დედამ მამამისი მოკლა. ვარსკვლავის მამა სახლში მთვრალი დაბრუნდა და ცოლს დარტყმა დაუპირა. თავდაცვის მიზნით, ქალმა ქმარს ესროლა. ეს ყველაფერი შარლიზის თვალწინ მოხდა.

ოპრა უინფრი:

ამერიკელი ტელეწამყვანი, ოპრა უინფრი დღეს წარმატებითა და დიდებით ტკბება, თუმცა თინეიჯერობაში მის ცხოვრებაში ყველაფერი რიგზე არ იყო. 14 წლის ასაკში ოპრამ იმშობიარა. ბავშვი ნაადრევად დაიბადა და მალევე გარდაიცვალა. ვარსკვლავი ამ თემაზე არასდროს საუბრობს. ეს ინფორმაცია ჟურნალისტებს ტელეწამყვანის ნათესავმა აცნობა. მისი თქმით, ოპრა ამ თემაზე ოჯახის წევრებთანაც კი არ საუბრობს, რადგან ძალიან რცხვენია. ვარსკვლავმა განაცხადა, რომ არ იცის, ვინ იყო ბავშვის მამა.

ტობი მაგუაირი:

მსახიობმა ტობი მაგუაირიმ, რომელიც ცნობილია ფილმ "ადამიანი ობობას" წყალობით, ერთ-ერთ ინტერვიუში აღიარა, რომ მამამისმა ბანკი გაძარცვა.

ტერი ჰეტჩერი:

მსახიობი ტერი ჰეტჩერი, რომელიც საზოგადოებამ პოპულარული ტელესერიალით "სასოწარკვეთილი დიასახლისები" გაიცნო, მოდის ჟურნალ Vanity Fair-ისთვის მიცემულ ინტერვიუში განაცხადა, რომ ბავშვობაში ძალადობის მსხვერპლი იყო. ჰეტჩერი 5 წლის იყო, როდესაც ბიძამ გააუპატიურა.

ანჯელინა ჯოლი:

ჰოლივუდის ვარსკვლავის, ანჯელინა ჯოლის ტყუპების ნათლია მისი ყოფილი საყვარელია. მსახიობ ჯენი შიმიზუსა და ანჯელინას რამდენიმე წლის განმავლობაში ჰქონდათ ჰომოსექსუალური ურთიერთობა.

მომზადებულია sheknows.ca-ს მიხედვით.