6
მაისიდღის ზოგადი ასტროლოგიური პროგნოზი
"რეიტინგის" ერთგულ მკითხველს კარგად ახსოვს გიორგი ქორქიას სკანდალური ინტერვიუ, რომელშიც თხუთმეტი წლის მეგობარ ვანიკო თარხნიშვილზე გაბრაზებული ლაპარაკობდა. მაშინ ყველაფერი ვანიკომ დაიწყო. "იღბლიან ბორბალში" მეგობარი მწარედ გააკრიტიკა და მეორე დღეს ქორქიასგან პასუხიც მიიღო. ქორქიამ დილის გადაცემის ღია ეთერში შიშველი თარხნიშვილის აბაზანაში გადაღებული ვიდეო გაუშვა. დაპირისპირება სატელევიზიო სივრცეს გასცდა და პრესის ფურცლებზე გადაინაცვლა. "რეიტინგი" იყო პირველი, რომელთანაც ქორქიამ ამ დაპირისპირების შესახებ ისაუბრა. სამი კვირა ველოდებოდით თარხნიშვილის საპასუხო რეაქციას. ცნობილია, რომ დაოჯახების შემდეგ ვანიკო პრესასთან აღარ ურთიერთობს. გახმაურებულ სკანდალზე კომენტარის მოსაპოვებლად "იღბლიანი ბორბლის" გადაღებაზე მივაკითხეთ და ტურებს შორის შესვენების დროს რამდენიმე კითხვის დასმა მაინც მოვახერხეთ. "პირადზე არ დამისვათ კითხვები" - ასე უცნაურად დაიწყო ჩვენი ინტერვიუ, რომელიც სულ რაღაც ათ წუთს გაგრძელდა.
- ვანიკო, საუბარი "იღბლიანი ბორბლით" დავიწყოთ. მაყურებელს მოსწონს შენი ახალი ამპლუა.
- მიხარია, თუ მაყურებელს მოსწონს და კმაყოფილია. ამ გადაცემას ძალიან კარგად მოვერგე. კარგი გუნდი აკეთებს და შეუძლებელია, ცუდი გამოგივიდეს.
- გადაცემის ჩაწერას დავესწარი და თითოეულ მონაწილეს ყურადღებით ეპყრობი.
- ენერგიას სწორად ვანაწილებ. თან, როდესაც საქმე გიყვარს, არაფერს იშურებ. განწყობისთვის მსახიობობა არ გჭირდება. ბოლო დროს ტელეწამყვანიც გავხდი, მაგრამ ჯერჯერობით დაწყებით ეტაპზე ვარ (იღიმება).
- შენ და შორენა ბეგაშვილს კარგი დუეტი გამოგივიდათ.
- კი, ნამდვილად. შორენა კარგი პარტნიორი, ადამიანი და მეგობარია.
- რამდენიმე გადაცემის წინ ღიად დაუპირისპირდი შენს ძველ მეგობარს, გიორგი ქორქიას. ომი პირველად შენ გამოუცხადე.
- ასე ჩანს, მაგრამ ჩვენ შორის ყველაფერი გაცილებით ადრე დაიწყო. ჩვენ ძველი მეგობრები და ძმაკაცები ვართ. რაღაცები კიდევ არის, მაგრამ არ მინდა ამაზე ინტერვიუში საუბარი. იყო ამის მიზეზები, რომ ასე გამოგვეხატა. რაღაც-რაღაცების მოთმენა აღარ შეიძლებოდა.
- შენზე ძალიან გაბრაზებული იყო, რაზეც ჩვენთან ინტერვიუშიც ისაუბრა.
- მე არ ვარ გაბრაზებული? და საერთოდ, არ ამალაპარაკოს მაგან.
- სადმე არ დაგხვდეს საქმის გასარჩევად.
- პრობლემა არ არის, ჩემზე ფიზიკურად ძლიერია, მაგრამ ძველი მეგობრობა გვაკავშირებს და იმედი მაქვს, ამ დონემდე არ დავალთ, რომ ერთმანეთს ხელით შევეხოთ.
- გიორგიმ ინტერვიუში მითხრა, თხუთმეტწლიანი მეგობრობა გვაკავშირებს და მთვრალ ვანიკოზე ბევრი კომპრომატი დამიგროვდაო.
- არც მე მაქვს ნაკლები კომპრომატები და ამას ნელ-ნელა ვნახავთ.
- იმას შიშვლად მაინც არ გადავუღივარ, მე კიდევ მყავდა გადაღებულიო.
- არ ვიცი, ვნახოთ, ყველაფერს დრო გვიჩვენებს. არ დავნებდები.
- ქორქიამ ინტერვიუში არ დაგინდო, თითქოს შენ უფრო ინდობ ძველ მეგობარს.
- იმიტომ, რომ ქორქიასთან შედარებით მე უფრო დიდსულოვანი ადამიანი ვარ. ძველი მეგობრობის ხათრით, ლანძღვას არ დავუწყებ, თუმცა მე ჩემსას გავაკეთებ.
- ვანიკო, გარდა თეატრისა და ტელეწამყვანობისა, სერიალ "ჩემი ცოლის დაქალებშიც" თამაშობ, ხურცილავა ერთ-ერთი ყველაზე პოპულარულ გმირად იქცა.
- ძალიან მიყვარს ეს სერიალი და ჩემს გმირზე მუშაობა, ყველაფერი ძალიან ახლოს არის ჩემთან. ერთი სული მაქვს, როდის დაიწყება ხოლმე გადაღება.
- ძალიან კარგად თამაშობ ხურცილავას გმირს. თითქოს ასეთი ხარ ცხოვრებაშიც.
- საერთოდ ყველა როლში მსახიობი რაღაც საკუთარს დებ, ხურცილავა და მე ერთმანეთს ბევრი რამით არ ვგავართ, მაგრამ საერთოც ბევრი გვაქვს. ჩემს გმირში ყველაზე მეტად ის მომწონს, რომ სწორი და კარგი ტიპია.
- სერიალის გადაღებას დიდი დრო მიაქვს?
- საერთოდ, ყველაფერს საჭირო დრო მიაქვს, რომ პროდუქტი კარგი გამოვიდეს. ცოტა დროში კარგი საქმე არ კეთდება. ბოლო ხანს თავისუფალი დრო აღარ მაქვს. ერთდროულად ვმუშაობ სერიალში, თეატრში და გადაცემაზე. კიდევ ერთი შემოთავაზებაsalesland.ge - ფასდაკლებების სამყარო! რომ მქონდეს, არ ვიცი, დავთანხმდები თუ არა, თუმცა გააჩნია, თუ საინტერესო იქნება, დრო გამოიძებნება.
- როდესაც თაყვანისმცემლები ქუჩაში გცნობენ, რომელ პროექტზე გელაპარაკებიან?
- "იღბლიან ბორბალზე", სერიალზე, თეატრზე უფრო ნაკლებად, მაინც ცოტა ადამიანი დადის, თუმცა ჩვენთან დარბაზში ბევრი ზის ხოლმე (იღიმება). მიხარია ხალხის ყურადღება და სითბო, ეს უფრო მეტ სტიმულს მაძლევს, რომ უფრო მეტი გავაკეთო.
- დაახლოებით ერთი წელია, რაც ინტერვიუებზე უარს აცხადებ. პრესას საბოლოოდ დაემშვიდობე?
- არ მცალია, ახლაც მომისწარით, გადაცემის ჩაწერაა და უკვე გველოდებიან, რომ გადაღება გაგრძელდეს. არავის არ გავუბრაზებივარ, არ მიყვარს საკუთარ თავზე საუბარი და ახლაც ვცდილობ, მალე დავუბრუნდე გადაღებას (იღიმება).
ნინო გიგიშვილი
(გამოდის ორშაბათობით)
