მნიშვნელოვანი ინფორმაცია
21
აპრილიდღის ზოგადი ასტროლოგიური პროგნოზი
ორშაბათი, მთვარის ოცდამესამე დღე დაიწყება 04:35-ზე, მთვარე მერწყულში იქნება 03:21-დან
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. გაფრთხილდით, მოსალოდნელია ტრავმები და მოტეხილობები. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსეთი საკუთარ არმიას "გაბერავს"
02:33 / 14-03-2013
2014 წლიდან რუსეთის თავდაცვის უწყება შეიარაღებული ძალებისთვის ტანკებისა და თვითმფრინავების გასაბერი მაკეტების შესყიდვის დაწყებას გეგმავს. კონკრეტულად საუბარია С-300-ის ტიპის საზენიტო სისტემის, Т-72 და Т-80 ტიპის ტანკების და Су-27 და МиГ-31-ის ტიპის გამანადგურებლების გასაბერ მაკეტებზე. არსებული ცნობით, თავდაცვის სამინისტრო სამხედრო ტექნიკის გასაბერი მაკეტების შეძენას 2020 წლამდე გაწერილი შეიარაღების შესყიდვის სახელმწიფო პროგრამის ფარგლებში გეგმავს.
სამხედრო ტექნიკის გასაბერი მაკეტები დაფუშულ მდგომარეობაში საკმაოდ კომპაქტურია. თითოეულის მასა 30-დან 100 კგ-მდე მერყეობს. კომპრესორის ჩართვიდან რამდენიმე წუთში გასაბერი ტანკი ან სამხედრო თვითმფრინავი "საბრძოლო მზადყოფნაში" მოდის. მეტი რეალობისთვის, ასეთ გასაბერ მაკეტებს რეალური სამხედრო ტექნიკის ფერებში ღებავენ და შავი ზოლებით შესაბამის კონტურებს ახატავენ.
რამდენიმე ასეული მეტრიდან გასაბერი ტანკის გარჩევა რეალურისგან პრაქტიკულად შეუძლებელია. მაქსიმალური მსგავსებისთვის, გასაბერ ტანკებზე სითბურ დანადგარებსაც აყენებენ, რომლებიც მომუშავე ძრავას მიერ გამოყოფილი სითბოს იმიტაციას ქმნიან.
სამხედრო ტექნიკის მულაჟებს მსოფლიოს მრავალი არმია იყენებს. ეს მტრის დეზინფორმირების ერთ-ერთი სახეობაა. მეორე მსოფლიო ომის დროს, მოწინააღმდეგის შეცდომაში შესაყვანად აეროდრომებზე გერმანელები და იაპონელები ხისგან დამზადებულ თვითმფრინავებს აყენებდნენ. დღეს ხის ტანკები და თვითმფრინავები გასაბერმა მაკეტებმა ჩაანაცვლეს. მსგავსი "გასაბერი არმია" ჩინეთის და დიდი ბრიტანეთის შეიარაღებაშიც არის. რამდენიმე ხნის წინ უელსში გამართულ სამხედრო სწავლებებზე, უეცრად ამოვარდნილმა ქარმა 20 ათასი დოლარის ღირებულების ცუდად დამაგრებული გასაბერი ტანკი წაიღო. ბრიტანელი სამხედროები ქარწაღებულ ტანკს სამი დღე ეძებდნენ და ბოლოს დანაკარგის შესახებ რადიოთი განაცხადეს. მომდევნო დღეს ოდნავ დაფუშული ტანკი სტუდენტებმა ხევში იპოვეს.
მოამზადა ნუკრი მგელაძემ lenta.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სააღდგომო ეპისტოლე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
