ხაშურში კოჰაბიტაცია ვერ შედგა
ხაშურის მუნიციპალიტეტში, საპარლამენტო არჩევნებიდან დღემდე, 170 თანამშრომლიდან უმრავლესობა შეიცვალა. "ნაციონალური მოძრაობის" კადრები ძირითადად "ქართული ოცნების" მხარდამჭერებმა და ხელისუფლების და პარლამენტის წარმომადგენლების ნათესავებმა ჩაანაცვლეს. აღსანიშნავია, რომ ხაშურელმა საჯარო მოხელეებმა, რომელთა უმრავლესობა ახლადდანიშნული იყო, 2013 წლის იანვარში ფულადი პრემიები 129 157 ლარის ოდენობით მიიღეს.
პირველმა თანამდებობა ხაშურის გამგებელმა, როინ მახარობლიძემ გასული წლის დეკემბერში დატოვა, მისი ადგილი კი ხაშურის მაჟორიტარის, ვალერი გელაშვილის რეკომენდაციით გიორგი ბერაიამ დაიკავა. გამგებლის სამივე მოადგილე, რომლებიც "ნაციონალები" იყვნენ, "ოცნების" მხარდამჭერებმა ირინა გელაშვილმა, გოდერძი კაპანაძემ და მამუკა წიქარიშვილმა ჩაანაცვლა. ეს უკანასკნელი ფინანსთა მინისტრის ნოდარ ხადურის ახლო ნათესავია. 2013 წლის დასაწყისში, ხაშურის "დასუფთავების სამსახურის" უფროსად ზაალ ობოლაძემ დაიწყო მუშაობა, რომელიც ვალერი გელაშვილის სიძეა. რამდენიმე დღის წინ კი, გელაშვილის ბიძაშვილი დავით გელაშვილი ხაშურის მუნიციპალიტეტის კომუნალური სამსახურის ხელმძღვანელად დაინიშნა. ხაშურის მაჟორიტარი უშუალოდ ესწრებოდა 12 სოფლის რწმუნებულის დანიშვნას.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
