მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გიორგი ღვინიაშვილი: "დიახ, მე დავიჭირე ბუტა რობაქიძის მკვლელი"
23:11 / 20-02-2013
მას შემდეგ, რაც საპარლამენტო უმრავლესობის ერთ-ერთმა ლიდერმა თინა ხიდაშელმა განაცხადა, რომ თუ კიდევ დაყოვნდებოდა გიორგი ღვინიაშვილის დაკითხვა, უახლოეს დღეებში ის პირადად მოითხოვდა პარლამენტში იუსტიციის მინისტრისა და მთავარი პროკურორის მისვლას, იუსტიციის მინისტრმა თეა წულუკიანმა განაცხადა, რომ პროკურატურა დასაკითხ დეპუტატებს პარლამენტში დაკითხავდა. მათ შორისაა დეპუტატი გიორგი ღვინიაშვილი, რომელიც ბუტა რობაქიძის მკვლელობის საქმეზე უნდა დაკითხულიყო, როგორც იმჟამად ქალაქის პროკურორი. თუმცა, ისევე როგორც მისმა დანარჩენმა კოლეგებმა საპარლამენტო უმცირესობიდან, მანაც უარი განაცხადა პროკურატურაში მისვლაზე. ამის პარალელურად 19 თებერვალს ტელეკომპანია "რუსთავი-2"-მა გაავრცელა კადრები, რომლის მიხედვითაც, როგორც ჩანს, მავანი იმის დამტკიცებას ცდილობს, რომ ბუტა რობაქიძეს და მის მეგობრებს იარაღი ჰქონდათ, თუმცა ბუნებრივად ისმის კითხვა: რატომ არ აჩვენეს ეს კადრები აქამდე? კადრებში ჩანს, როგორ იცლება სისხლისგან ახალგაზრდა და კაციშვილი არ ცდილობს მის დახმარებას. ჩნდება ეჭვი, რომ ამ ვიდეომასალის გავრცელება დღეს ამ საქმის "გაპრავების" კიდევ ერთი მცდელობაა.
- ბატონო გიორგი, დაიკითხეთ ბუტა რობაქიძის მკვლელობის საქმეზე?
- არა, იუსტიციის მინისტრის განცხადების შემდეგ პროკურატურიდან ჯერ არავინ შემხმიანებია. მინდა, კიდევ ერთხელ ვთქვა, რომ ჩვენ არასდროს გვითქვამს გამოძიებასთან თანამშრომლობაზე უარი, მობრძანდნენ გამომძიებლები პარლამენტში ან პარტიის ოფისში და მზად ვართ, ვუპასუხოთ მათ კითხვებს, თუმცა პროკურატურაში სიარულს არ ვაპირებთ, რადგან ეს ჩვენზე ზემოქმედების კიდევ ერთი ფორმაა.
- თქვენ განაცხადეთ, რომ ხართ ის კაცი, ვინც რობაქიძის მკვლელი დაიჭირა.
- დიახ და ამას ახლაც გავიმეორებ, სწორედ მე დავიჭირე ბუტა რობაქიძის მკვლელი.
- როგორც ვიცი, ბუტა რობაქიძის მკვლელი მომხდარიდან ერთი წლის შემდეგ დააკავეს გაუფრთხილებლობით მკვლელობის ბრალდებით, მანამდე კი, პოლიციის მიერ გავრცელებული ვერსიით, ბუტა რობაქიძემ და მისმა მეგობრებმა პოლიციელებს წინააღმდეგობა გაუწიეს. როდესაც დააპატიმრეთ პოლიციელი გრიგოლ ბაშალეიშვილი, აღმოჩნდა, რომ მან გაუფრთხილებლობით მოკლა ბუტა რობაქიძე, არ გიფიქრიათ, რომ მტკიცებულებები თავიდანვე გაყალბებული იყო?
- რა არის ეს, შეკითხვას მისვამთ, თუ დაკითხვას მიწყობთ? რას ჰქვია, "არ მიფიქრია"? მიმდინარეობდა გამოძიება და რა მტკიცებულებებიც იყო, იმის მიხედვით დავაკავეთ მკვლელი. მე რას ვფიქრობ, ამის მიხედვით არ ხდება დანაშაულის გამოძიება. პროკურორი გადაწყვეტილებას იღებს არსებული მტკიცებულებების მიხედვით.
- ეს მკვლელობა პოლიციის თავდაპირველი ვერსიით შეიფუთა, როგორც სამართალდამცველებისთვის წინააღმდეგობის გაწევის მცდელობა.
- არავის არაფერი შეუფუთავს, საქმეში რა მტკიცებულებებიც იყო, გამოძიებაც იმ მიმართულებით მიდიოდა. რა შეუფთვაზე ლაპარაკობთ, არ ვიცი, და საერთოდაც, მე ასე არ უნდა მელაპარაკებოდეთ. არ მცალია, კარგად იყავით.
P.S. ეს ინტერვიუ უკვე ჩაწერილი გვქონდა, როდესაც ტელეკომპანია "რუსთავი 2"-მა გაავრცელა ბუტა რობაქიძის მკვლელობის შემზარავი კადრები. გვსურდა, ამ კადრებზე კომენტარი ბატონი გიორგი ღვინიაშვილისგანაც მოგვეპოვებინა, მაგრამ მან ჩვენს სატელეფონო ზარს აღარ უპასუხა.
ანა გიორგაძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
